Македонија
Не сме ни антички, ни словенски, ние сме Македонци
Премиерот Груевски изјави дека не сака да шпекулира што ќе се случи на претстојната средба на посредникот на ОН во мекедонско-грчки разговори за името Метју Нимиц со претставниците на двете земји Јолевски и Адемантиос Ваислакис, закажана за понеделник во Женева
„Не би сакал да шпекулирам што и како ќе се случи. Јас сум последниот во државата што треба да шпекулира особено јавно, па затоа предлагам да ја почекаме средбата и да видиме што Нимиц ќе разговара со нашиот и со грчкиот преговарач. Ова е високо државно и национално прашање и каква било каква шпекулација би била неблагодарна и можеби и штетна“, рече премиерот Никола Груевски при посетата на стадионот „Филип Втори“ во Скопје.Груевски потврди дека амбасадоро во САД, Зоран Јолевски заминува за Женева со инструкции од државниот врв, но не прецизира какви.Прашан од новинарите за коментар на тезата на Паско Кузман дека доколку не докажеме дека сме потомци на античките Македонци ќе го изгубиме името, Груевски беше дециден: – „Ние сме Македонци јас тоа го кажав, не сме ниту антички, ниту словенски, ни не знам какви, ние сме Македонци, имаме своја држава со Устав, народ, име и нација и не би навлегувал во некои такви теми“.Премеирот Груевски смета дека не е добро да се расправаме сега за историски работи, но, вели, Грција тоа постојано го наметнува кога разговара со Нимиц.„Кога нивниот преговарач доаѓа, тој главно зборува за историја, а нашата страна се обидува да зборува за реални правни и политички и секакви други аргументи. Лично мислам дека таа тема сега воопшто не треба да ја дискутираме.“, рече македонскиот премиер.Во врска со посетата на Јохан Тарчуловски во Хаг, премиерот посочи дека Владата и натаму му дава целосна поддршка да ја докаже својата невиност.„Здравствено се чуствува добро, иако таму е четир иипол години. Воопшто не е среќен за ситуацијата во којашто се наоѓа и начинот на којшто е дојден до неа, но се бори со аргументи и со факти и има голема надеж дека ќе ја докаже неговата вистина во жалбената постапка. Од нас ја има целосната поддршка.“, изјави Груевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.