Спорт
Гол-трка на Барса и Реал
Двата шпански фудбалски гиганта во саботата навечер имаа своевиден дуел во постигнување голови. Барса на гостувањето ја торпедираше Алмерија со 8:0, а Реал дома ги совладат тврдите Баски со 5:1
И двата лути ривала Аргентинецот Лионел Меси за Барселона и Португалецот Кристијан роналдо со хет-трик ја продолжуваат меѓусебната борба во докажувањето кој е најдобриот фудбалер на планетава во моментов. Меси инаку во саботата навечер против Алмерија дојде до 101-от гол во шпанската Примера и е само четвртиот фудбалер во историјата на Барселона кој постигнал повеќе од сто голови. Меси во последните 17 мечеви постигна 22 голови или ипресивни 69 голови во последните 66 натпревари. Оваа висока победа на каталонците е изедначување со последниот меч на кој една екипа постигнала осум погодоци во сезоната 1995/96 кога Ваљадолид откако на поливремето од Овиедо губеше со 1:2, на крајот славеше со 8:3. А Барселона со 8:0 последен пат славела на гости во сезоната 1959 г. кога го совлада Лас Палмас.Стрелци за Барселона покрај Меси кој погоди во 16.36. и 66 минута, беа и Иниеста во 18, Акасисте во 26. минута си постигна автогол, потоа прецизен беше Педро во 34. и Бојан Кркиќ во 61. и во 72. минута.Високата победа на наујлутиот ривал ги мотивираше играчите на Реал кои својот синоќешен меч го почнаа кога заврши мечот во Алмерија. Инкау Атлетико Билбао и не играше толку лошо како што тоа беше случај со Алмерија (на полувремето резултатот беше 2:1), но четата на Жозе Мурињо кој поради казната го пропушти и овој меч има многу подобри поединци кои кога се инспирирани тешко се запираат. Серијата голови за „кралевите ја отвори“ Аргентинецот Гознало Игуаин во 18. минута, потоа Роналдо стрелаше во 30., 62. и во 90+1 минута од пенал, во меѓувреме Серхио Рамос исто такао дпенал во 57. минута а почесниот гол за Баските го постигна Љоренте во 40. минута. Претходно во саботата Виљареал и Валенсија во дербито на колото одиграа 1:1, во меч во кој гостите поведоа преку Адуриз во 21. минута, а домаќините изедначија во 73. минута. Реал е прв со 32 бода, Барселона го следи со 31 бода, а на третата и четвртата позиција се Виљареала со 24, односно Валенсија со 21 бод, која ,може да биде мината од Севиља која има 20 бодови и меч помалку.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Вембањама едногласно избран за дебитант на годината
Виктор Вембањама (20) е добитник на трофејот Вилт Чембрлен, награда која се доделува на најдобриот дебитант во НБА.
Центарот на Сан Антонио Спарс стана првиот француски кошаркар со оваа награда, но и прв по Карл-Ентони Таунс од сезоната 2015/16, кој едногласно беше избран за дебитант на годината.
Сите 99 новинари кои гласаа во овој избор, својот глас му го дадоа на 224 сантиметри високиот Вембањама. Второто место во овој избор му припадна на Чет Холмгрен од Оклахома сити тандер. Еден новинар го рангираше на третото место, а 98 го рангираше на второто место. Трет беше Брендом Милер од Шарлот Хорнетс, со еден глас на второто и 83 на третото место.
Вембањама ги предводеше дебитантите во поени (21,4), скокови (10,6), блокади (3,6) и беше втор по украдени топки (1,2) и четврти по асистенции (3,9). Со просек од 3,6 блокади по натпревар, тој беше и најдобар блокер во НБА.
Тој е третиот играч на Сан Антонио Спарс добитник на награта дебитант на годината. Наградата која се доделува од сезоната 1952/53, во дресот на Спарс ја добија легендите на франшизата, Дејвид Робинсон (1989/90) и Тим Данкан (1997/98).
Инаку, Спарс ја завршија сезоната со 22 победи и 60 порази.
Спорт
Вдечерва ќе го добиеме првиот финалист во Лигата на шампионите
Вечерва ќе биде познат првиот финалист во Лигата на шампионите. Полуфиналниот реванш ќе го одиграат ПСЖ и Борусија Дортмунд. Германскиот тим реваншот во Париз ќе го започне со предност 1:0.
Вечерашниот натпревар ќе биде четврти за ПСЖ и Борусија оваа сезона. Двата тима беа ривали и во фазата по групи, во Дортмунд немаше победник, а во Париз „светците“ славеа со 2:0. Победа со ваков резултат вечерва би го лансирала ПСЖ во финалето.
„Наша цел е пласман во финалето, а за да стигнеме до него ќе мора да бидеме подобри од извонредниот Дортмунд. Секогаш има простор за напредок и мора да работиме на тоа. За три секунди може да се постигнат два гола, но во исто време и да се примат. Одиме на победа“, рече тренерот на ПСЖ, Луис Енрике.
ПСЖ во одбраната ќе го нема Лукс Ернандез, кој се повреди во Дортмунд. За него оваа сезона е завршена, а веројатно ќе го порпушти и Европското првенство.
Од друга страна треерот на Борусија ги има сите фудбалери на располагање.
„Треба да се заслужи пласманот во финалето. Ни треба нерешено, но сакаме да победиме. Имаме мала предност и одлична можност. Ќе мораме да дадеме се од себе, да имаме добар план и добра идеја. Очекувам дека ПСЖ ќе биде подобар отколку на првиот натпревар, но ние сакаме место во финалето“, изјави тренерот на Дортмунд, Един Терзиќ.
Натпреварот на „Паркот на принцовите“ ќе започне во 21 часот, судија ќе биде Даниеле Орсато од Италија. Ќе му помагаат Чиро Карбоне и Алесандро Џалатини, додека четврти судија е Давиде Маса.
Во ВАР собата ќе биде Масимилијано Ирати, а помошник е Паоло Валери.
Спорт
(Видео) Доминација на Џејлен Брансон – НБА вакво нешто не видела од ерата на Мајкл Џордан
Њујорк Никс, во драматичен натпревар славеа над Индијана Пејсерс со 121:117, во првиот полуфинален меч во Источната конференција. Џејлен Брансон одигра уште еден феноменален натпревар и повторно беше најзаслужен за победата на тимот на Том Тибодо.
Она што оваа пролет го демонстрира на теренот, Џејлен Брансон, во НБА лигата последен пат се случило во ерата на Мајкл Џордан.
Со четвртиот последователен натпревар со 40 или повеќе поени (поточно 43, од кои 21 во последната четвртина), леворакиот мајстор на кошарката ги доведе Њујорк Никс до пресврт во финишот од првиот натпревар.
Брансон со тоа стана четвртиот кошаркар во историјата со четири последователни натпревари од 40+ во плеј-офот. Друштвото во кое влезе Брансон е исклучително: Џери Вест со шест по ред, потоа Бернард Кинг, а последен е Мајкл Џордан во финалната серија со Феникс Санс во 1993 година.
„Малите работе секогаш решаваат. Да, кул е да се постигнат 40 поени и сето тоа, но малите нешта ни помагаат да победиме во натпревари како овој. Среќен сум што ја имам оваа група момци околу мене“, рече Брансон, кој претходно, на сличен начин, ги испрати Филаделфија Севентисиксерс на летен одмор шест натпревари во првото коло.