Осум турски војници и 21 борец на забранетата Работничка партија на Курдистан (PKK) се убиени во петокот, според извештаите на турските безбедносни сили и медиумите, во период кога насилствата се шират на претежно курдскиот југоисток на Турција ден по двата бомбашки напада.

Откако ланскиот јули пропадна примирјето меѓу владата во Анкара и PKK по меѓусебните обвинувања за непочитување на договореното, југоистокот Турција е соочен со најлошите насилства од уште од кулминацијата на курдското востание во 1990-те години.

Шест војници е убиено, а осум се ранети во судирите со курдските герилците во југоисточната покраина Хакарија, соопшти турската армија. Уште два војника загинале во одвоен инцидент кога поради техничка грешка се урнал воен хеликоптер во Хакарија, се наведува војската.

Во соопштение, исто така, се наведува дека шест милитанти на PKK се убиени во операцијата во споменатиот регион. Уште петнаесет курдски борци се убиени во покраината Сирнак, јави телевизијата NTV повикувајќи се на воени извори.

Во четвртокот се убиени четири лица осомничени за изработка на бомба, а 17 луѓе се повредени во експлозија во едно село во југоисточниот дел од земјата, која се случила кога милитантите на PKK со товарање експлозив во камионот, соопшти владата.

Таа експлозија се случи само неколку часови откако експлодираше возило полно со експлозив кое се зари во заштитна ограда на воена база во близина на Истанбул./крај/мф/сн

Извор: Reuters