Реформите во државава за оваа година, премиерот Никоа Груевски ги гледа во донесување на 450 подзаконски акти и околу 60 нови закони поврзани со Европската унија.

Премиерот Никола Груевски најави дека уште во првиот месец од годинава треба да бидат завршени измените и дополнувањата на законите со кои драстично ќе се олесни вадењето на градежни дозволи, по примерот на Данска.Со студијата на Асоцијацијата на светската банка и Министерството за транспорт 23- те чекори за вадење градежна дозвола треба да се сведат на 6 или 7. „Има доста поплаки од долгата процедура за вадење на градежни дозволи, а тоа беше регистрирано и во извештајот којшто еднаш годишно го прави Светската банка, во кој Македонија прилично лошо стои, меѓутоа ако гледаме во сегменти, во делот на градбите има проблем што сме на многу ниска позиција, а тоа е најмногу заради долгите процедури за вадење на градежна дозвола“, вели Груевски. Владата предвидува оваа година да се завршат околу 450 подзаконски акти од кои околу 200 се во Министерството за земјоделие и околу 60 нови закони поврзани со ЕУ, закони кои не се директно побарани од Брисел.„Посебен осврт оваа година ќе имаме на реформите на јавниот сектор, јавната администрација, каде што веќе почна со забрзано темпо да работи комитетот за јавна администрација. Оваа година Министерството за информатичко општество, сега веќе и администрација, ја превзема таа улога на носител на реформите во јавниот сектор и почнуваме константно да имаме периодични средби со советникот од Словенија, со кого сме силно фокусирани на оваа сфера и очекуваме годинава да имаме познчителен напредок“ – рече ГруевскиГруевски истакна дека во 2011 година предвидени се реформи во делот на економијата, судството и во делот на земјоделието.„Се она што беше предвидено за проектите за ЕУ веќе е ставено во преден Акционен план, кој Владата го усвои, за којшто се предвидуваат голем број чекори. Меѓу нив и голем број на закони, но уште поголем број подзаконски акти, имајќи предвид дека Владата минатата година донесе огромен број закони и голем дел од нив имаат потреба да бидат доуредени со подзаконски акти“, додаде Груевски.