Спорт
Пана фудбалот доаѓа во Македонија
Новата фудбалска атракција, Пана фудбалот, пристигнува во Македонија. Пана фудбалот е релативно нов спорт, потекнува од Холандија, последните години стана меѓународно признат, особено во Велика Британија и Бразил.
Новата фудбалска атракција, Пана фудбалот, пристигнува во Македонија. Пана фудбалот е релативно нов спорт, потекнува од Холандија, последните години стана меѓународно признат, особено во Велика Британија и Бразил. Пана фудбалот е технички и визуелно исклучително атрактивна игра. Фудбалската федерација на Македонија, со помош на амбасадата на Кралството Холандија во Република Македонија, денес на прес конференција го презентираше овој спорт. „Возраста за да се бавите со овој спорт не е важна. Доволно е да имате само мал спорт, да поседувате добра техника и може да играте. Овде во Македонија има многу талентирани деца, целта ни е да ги натераме да почнат да се занимаваат со овој спорт. Пана фудбалот е ефикасен инструмент за дружење на децата од различна етничка, верска и социјална припадност. Пана фудбалот е начин на живот“, изјави амбасадорката на Кралството Холандија во Македонија, Н.Е. Симоне Филипини. Теренот на кој се игра Пана фудбалот е со димензии 4×6 метри, се игра еден на еден, а натпреварот трае три минути.„Победник на натпреварот е оној кој ќе постигне повеќе погодоци, меѓутоа натпреварот може веднаш да заврши и доколку успеете на противникот да му ја протнете топката низ нозе“, вели координаторот на холандскиот Пана фудбал, Крис ван Гронделе.Првиот Пана турнир во Македонија ќе се одржи во вторник, пред почетокот на квалификацискиот натпревар Македонија –Ерменија. Пред самиот турнир Пана специјалисти од Холандија ќе обучат 18 македонски студенти, кои потоа ќе станат Пана тренери, кои ќе обучуваат деца на возраст од 10-12 години. „Ова е целосно нов вид на фудбал кој кај нас не е многу популарен, но ние ќе работиме на неговата масовност и популаризација“, рече Бојан Марковски од младинскиот оддел на Фудбалската федерација на Македонија.Една долгорочните цели на ФФМ е македонски Пана тим да биде дел од првото Пана светско првенство кое во 2014 година ќе се одржи во Бразил.крај/макфакс/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал прв обезбеди пласман на Ф4 во Берлин
Кошаркарите на Реал Мадрид први се пласираа на фајнл-форот во Евролигата. Актуелните шампиони серијата против Басконија ја добија со 3:0.
Третиот натпревар од серијата се одигра во „Фернандо Буеса“, во Виторија, Реал победи со 102:98.
Најефикасен во тимот на Чус Матео Бои беше Гершон Јабуселе со 23 поени, седум скока и три асистенции. Се истакнаа и хрватскиот кошаркар Марио Хезоња со 16 поени, четири скока и две асистенции и една топка, односно Факундо Кампацо со 13 поени, четири скока, осум асистенции и Валтер Тавареш со 12 поени, 13 скокови и четири блокади.
Најистакнати во тимот на Басконија беа плејмејкерите Маркус Хауард (29 поени, по два скока и асистенции) и Коди Милер-Мекинтајр (17 поени, четири скока, 11 асистенции, две украдени топки). Двициврени беа и Никос Рогкавопулос со 18 поени, четири скока и Вања Маринковиќ со 17 поени и четири скока.
Завршниот турнир во Берлин ќе се одржи од 24. до 26.мај, актуелниот шампион во полуфиналната пресметка со победникот од серијата Барселона-Олимпијакос.
Спорт
(Видео) „Милионерите“ чекор поблиску до финалето – Филкруг му пресуди на ПСЖ
Борусија Дортмунд го совлада Пари Сен Жермен во првиот полуфинален натпревар од Лигата на шампионите. „Милионерите“ забележаа победа 1:0 на „Вестфален“. Херој на „жолтиот ѕид“ беше Никлас Филкруг.
Борусија во првото полувреме, беше подобра само сза тој еден гол, иако всушност до самиот крај на првиот дел од натпреварот ниту еден од тимовите немаше изгледни шанси.
Се играше 36. минута кога Шлотенберг од половината на парижаните ја испрати топката до Филкруг. Овој ја прими брилијантно, повлече напред, се избори со Лукас Ернандез и го совлада Донарума.
Борусија имаше две одлични шанси во самиот финиш на првото полувреме, но Донарума беше на висината на задачата и го спаси својот тим.
Во вториот дел и двете екипи го зголемија својот ритам. Пари Сен Жермен тргна крајно офанзивно во вториот дел од натпреварот.
Стативата од голот на Кобел се тресеше два пати за само десет секунди во 51. минута. Прво се обиде Мбапе, ја погоди стативата, топката се врати кај гостите, по што се обиде и Хакими, но овојпат се затресе статива.
Набргу потоа Борусија имаше шанса да ја зголеми предноста, но одличната аситенција на Санчо, Филкруг не успеа да ја претвори во гол. До крајот ПСЖ два пати опасно се закани преку Фабијан Руиз и еднаш преку Дембеле, а втор гол на домаќинот спречи Маркињос кој во последен момент го блокираше Бранд.
Реваншот е следниот вторник во Париз.
Спорт
Парма се врати во Серија А
Со нерешениот резултат 1:1, на стадиното „Свети Никола“ против Бари, Парма се врати во Серија А. Култниот италијански клуб, на две кола до крајот на сезоната во Серија Б има седум бода повеќе од третопласираната Венеција.
Историјата на Парма во последниве години беше сè само не сјајна. Клубот згасна, па повторно оживеа во 2015 година.
Во следните три години, Парма стана првиот клуб кој остварил промоција во повисок ранг во три последователни сезони и успеа да се врати во Серија А, каде што остана до сезоната 2020/21, Во таа сезона забележа само три победи и повторно испадна во понизок ранг.
Минатата година навивачите беа разочарани по плеј-офот, а сега Парма го обезбеди најмалку второ место и враќање во елитата.