Синдикалната организација на такси превозниците при Регионалната комора на Скопје во која членуваат осум такси компании со околу 1.000 таксисти, денеска ќе протестираат пред Владата.Протестот ќе започне во 10 часот кога две групи на такси возила ќе тргнат од салата МЗТ во Аеродром и од Топланата во Скопје Север и ќе се упатат кон Владата, каде што велат ќе останат сè додека не бидат исполнети нивните барања.Таксистите бараат од Министерството за финансии, Владата и од Градот решавање на хаосот во такси превозот, особено со дивите таксисти, регулирање на исплатата на заостанатите долгови и решавање на проблемите со блокираните сметки.„Шест месеци молиме да нè примат и во Министерствата за транспорт и за финансии и во Владата. Сите институции се исцрпени, па со протестите веруваме дека ќе нè примат на разговор“ – вели Радислав Томчевски претставник на таксистите од Регионалната комора.Групацијата на авто такси превоз при Стопанската комора нема да се придружи на протестот. Тие на вчерашната прес конференција ги искажаа своите ставови и спротивставени убедувања и изразија сопствено незадоволство од начинот на кој функционираат во такси превозот. Според нив нема потреба од протест, бидејќи сите институции моментално се отворени за соработка„Не можеме да го решиме хаосот во такси превозот правејќи хаос по улиците. Доколку некој им ветил отпишување на сите заостанати долгови, тогаш ја имаат нашата поддршка за овој проблем“, рече вчера Сашо Рајчиновски претседател на оваа групација, појаснувајќи дека во разговорите со претставници на Владата и УЈП издејствувале можност да склучуваат договори за враќање на долговите на рати. /крај/к.с