Спорт
Добра организација и возбудливи трки на шампионатот во ендуро во Лазарополе
Под покровителство на Мотоциклистичка федерација на Македонија, a во техничка организација на мото клубот „Александар“ од Скопје, а со на 18-ти и 19-ти август во Лазарополе се одржаа четвртиот и петтиот натпревар од Шампионатот на Македонија во ендуро за сезоната 2012.
Патеката со должина од десет километри натпреварувачите ја минуваа по четири пати, а највозбудливо беше на брзинскиот испит Речиште каде најуспешните и најбрзите беа поздравени од публиката со громогласни аплаузи.
Во Е1 класата видовме интересна борба за првото место меѓу двајца млади натпреварувачи. Шампионот од мотокрос Никола Гулевски (МК Мотостарс) по првпат годинава се појави на ендуро патеките, но тоа не го спречи да победи во двата натпреварувачки денови. Уште повеќе, Гулевски беше генерално најдобар на вториот ден и го оствари најбрзото време 2:03,94 на брзинскиот испит. Втор заврши Драган Ванов (МК Мото Велес), а трет беше дебитантот Јован Ставрески (МК К’ј антенине). На еден натпревар пред крајот Ванов ја обезбеди својата прва титула со 116 бодови.
Во класата Е2 во првиот ден одличен беше Бојан Лазов (МК Мото Велес) и со убедливо најдобро возење победи пред големите конкуренти Валентин Тошев (МК Брзкруг) и Ивица Милошевиќ (МК Мотори). За жал, Лазов имаше непријатен пад на брзинецот во текот на вториот ден и поради повреда мораше да се откаже од борбата за висок пласман. Победи Тошев пред Милошевиќ и дебитантот Горан Димитријоски (МК Александар). На крајот Тошев беше вкупно прв пред Милошевиќ и Лазов. Во генералниот пласман води Милошевиќ со 109 пред Тошев со 97 бодови.
Во класата Е3 за првпат годинава Борче Костов (МК Мотостарс) беше подобар од Горан Тасиќ (МК Мото Велес) во двата натпреварувачки денови. Третото место го освои Ѓоко Филиповски (МК Мото Велес). Сега Тасиќ води со 119 пред Костов со 109 бодови.
Во првата трка од класата Т1 двократниот шампион Виктор Ефремов (МК Мото Велес) извојува победа пред Баже Шишковски (МК Александар) и Николчо Николов (МК Ендуранс тим). Техничкиот проблем на мотоциклот го спречи Ефремов да стигне до максималниот број бодови во втората трка. Тоа го искористи дебитантот Иле Чингаров (МК Брзкруг) кој победи пред Николов и Шишковски. Сепак во вкупниот пласман по два дена најмногу бодови освои Ефремов и ја извојува победата со само 1 бод повеќе од Николов и Шишковски. Ефремов води во генералниот пласман со 118, пред Шишковски со 101 и Николов со 100 бодови./крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Барнли однесе бод од „Олд Трафорд“
Фудбалерите на Манчестер јунајтед уште еднаш ги разочараа своите навивачи. Во рамките на 35.коло одиграа 1.1 со Барнли, кој во финишот освои значаен бод в борбата за опстанок.
Антони во 80.минта погоди за предност на Јунајтед, а потоа Амдуни во 87. минута од пенал го замолкна „Олд Трафорд“ и му донесе бод на Барнли.
Манчестер јунајтед сега е шести со 54 бодови, додека Барнли се уште е 19-ти, сега има 24 бода.
Јуанајтед на шестото место има бод повеќе од Њукасл, кој со одлична игра во второто полувреме убедливо го совлада Шефилд јунајтед со 5:1. Њукасл постигна пет гола откако Ахмедхоџиќ во петтта минута погоди за Шефилд. Два гола во победата на Њукасл постигна Исак.
Фудбалерите на Кристал Палас успеаја да дојдат до бод во градското дерби против Фулам во самиот финиш на натпреварот со голот на Шлуп. Претходно, Родриго ја продолжи добрата серија и го доведе својот тим до предност.
Вулверхемптон успеа да го совлада Лутон со головите на Хванг и Тоти. Лутон успеа да намали во 81. минута преку Морис, но недоволно за да освои барем бод.
Спорт
(Видео) Лајпциг го растури Дортмунд
Елиф Елмас од клупата за резерви ја гледаше победата на Лајпциг над Борусија Дортмунд (4:1), во 31.коло во Бундес лигата. Извесно е дека Лајпциг сезоната ќе ја заврши на четвртото место, Дортмунд е на петтата позиција, но ќе игра во Лигата на шампионите, бидејќи во новиот формат Бундес лигата ќе партиципира со пет екипи.
„Милионерите“ подобро влегоа во натпреварот, надмоќта ја крунисаа со евро-голот на Џејдон Санчо во 20.минута. Останатиот дел од натпреварот мина во доминација на Лајпциг.
Три минути подоцна изедначи Опенда. Во финишот на првото и почетокот на второто полувреме„биковите“ го скршија отпорот на противникот.
Шешко во втората минута од судиското надополнување на времето го постигна вториот гол, а Симакан во 46. зглеми на 3:1. Точка на натпреварот стави Баумгартнер во 80.минута.
Резултати 31. коло:
Баерн Минхен-Ајнтрахт 2.1
Аугсбург-Вердер 0:3
Фрајбург-Волфсбург 1:1
Спорт
(Видео) Салах и Клоп се скараа: Ако прозборам, ќе биде жестоко
Мохамед Салах, играчот на Ливерпул, не сакаше да застане и да даде изјава во микс зоната по мечот со Вест Хем (2:2). Напаѓачот на Ливерпул на минување на новинарите им кажа само една реченица.
„Ако прозборам, ќе биде жестоко“, порача Салах.
Неочекувано, Салах, натпреварот со Вест Хем го почна од клупата за резерви, а шанса да се најде на теренот доби дури во 79.минута. Кога влегуваше во игра имаше што да му каже на тренерот Јирген Клоп, па целата ситуација мораше да ја смири Дарви Нуњез.
„Ќе разговараме во соблекувалната, пред момците“, изјави Клоп.
Договорот на Египќанецот истекува следното лето, а минатата година беше блиску до заминување во Саудиска Арабија. Впечатокот е дека ги минува последните денови во Ливерпул, исто како и Клоп.
LEAKED: The pitch-side microphones picked up the sound of the argument between Klopp and Salah… pic.twitter.com/6ceIFBMFIi
— Not Match of the Day (@NOT_MOTD) April 27, 2024
🗣️ Mo Salah on his argument with Jurgen Klopp. “If the speak there will be fire.”
🎥 via @j_castelobranco pic.twitter.com/0hzlr4XuUH
— Ben Jacobs (@JacobsBen) April 27, 2024