Македонија
????????: ?????????? ?? ???????? ?? ?????????????
Споменувањето евентуални датуми за одржување на предвремени парламентарни избори, според пратеничката Роза Топузова – Каревска ја претвора земјава во обложувалница каде што се лицитира со датумот .
Споменувањето евентуални датуми за одржување на предвремени парламентарни избори, според пратеничката Роза Топузова – Каревска ја претвора земјава во обложувалница каде што се лицитира со датумот .
Од ВМРО-ДПМНЕ велат дека одржувањето на изборите е политичка одлука на Извршниот комитет на партијата, а нивниот коалиционен партнер ДУИ е за што поскоро одржување на изборите.
„Ние сме подготвени и нашиот став е дека треба што побрзо да излеземе на избори, се разбира по можност да има консензус меѓу сите политички партии, да бидеме транспарентни, демократични и да имаме позитивен извештај на крајот од годинава за спроведените избори“, изјави денеска во Собранието пратеникот, Сафет Незири од ДУИ.
На новинарското прашање за барањата на ДПА за прекројување на границите на шесттата изборна единица, барање кое на лидерските средби го постави и Нова Демократија, од ЛДП велат дека тоа е пропишано со Закон и дека не може да биде прифатливо или не прифатливо, бидејќи Законот јасно кажува колку може да отстапува една изборна единица.
„Во случајов имаме прекршување на Законот и тоа не е барање тоа е должност на пратениците да го направат“, вели Топузoва – Каревска.
Додека пак, ДУИ истакнаа дека ќе ги земат предвид сите барања на сите политички партии, а не само барањата на ДПА.
„Ние како Демократска унија за интеграција ќе ги земеме во предвид сите барања од сите политички партии, а не само од една партија која има поднесено барање за преминување од една во друга изборна единица на гласачите“, рече Незири./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Се препорачува прилагодена брзина на движење поради можна појава на одрони
Сообраќајот на државните патишта се одвива непречено, по суви коловози, информираат утрово од АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Патниот правец Охрид – Ресен, преку националниот парк Галичица од 01.04.2024 е пуштен за сообраќај за сите видови возила со вкупна тежина до 3.5 тони.
Македонија
Апасиев за ЗНАМ и Максим Димитриевски: „Максо глуми АСНОМ, а гласаше АСНОМ да биде избришан“
,Сме си ја ставиле главата во торба кога се спротиставивме на УЧКИ, ДУИ, рекетари, мафијаши. Но ние трчаме маратон, нашата борба е долга. Нашите баби ги даваа своите деца, бидејќи немаа пари. Ги пуштаа да бидат партизани и така изградиле држава. Нема да дозволиме УЧК-ите да ни ја земат”, порача Димитар Апасиев од митинг во Охрид.
,,Нашиот народ е борбен народ. Левицата е борбена. Ќе влеземе внатре и тоа ќе го осетат и Таљат, и Таче, и Мицко и сите останати. Со 7, 8, 10 пратеници, ние ќе сме силата што ќе го пасокизира СДС. Вака како што тргнало, со Таче, под 20 ќе паднат”, рече Апасиев.
За ЗНАМ и Максим Димитриевски, Апасиев истакна дека „Максо глуми АСНОМ, а гласаше АСНОМ да биде избришан“!
На митингот во Охрид се обрати и Јована Мојсоска, носител на листа на ИЕ 5 која истакна дека влезот на двајцата пратеници во Собранието покажал како треба да се води вистинска левичарска опција, за разлика од т.н. социјалдемократи кои изминатиот мандат ги распродале сите АСНОМ-ски идеали.
,,Мене ми е малце дегутантно кога слушам дека некој ќе го праќал ДУИ во опозиција. Тие имаа можност да ги пратат ДУИ во опозиција тука во советите, но сите бевме сведоци како се продаваше Мауцер и како локалниот шериф Нефи Усеини гради дивоградби, а градоначалникот молчи. Дури и ја сруши плочата на АСНОМ за која градоначалникот, исто, мудро молчи. Со Левица на власт ќе ја срушиме дивоградбата на Нефи и ќе ја вратиме плочата на АСНОМ”, истакна Мојсоска.
Мојсоска истакна и тоа дека Левица како единствена работничка партија е противтежа на анационалната олигархија која беше креирана во 90 – тите.
,,Нашата борба во Собранието е единствената причина зошто денес немаме Бугари во устав. Да не беше Левица, ние ќе гледавме фашистички клубови во секој град во државата. Ние ниту сме во спрега со моќниците кои се поврзани со секоја власт, ниту сме уценети и затоа нашите политички непријатели знаат дека со нас не се преговара за непринципиелни работи“, истакна Мојсоска.
Додека ја обвинуваат Левица дека е во коалиција со СДС и ДУИ, само против Талат Џафери Левица има поднесено девет тужби кои, како што истакна Мојсоска, се чуваат во фиока.
,,Само ќе спомнам против кои звучни имиња Левица поднела кривична пријава: Шкодране Дардишта, Бенито Јошевски, Артан Груби, Сали Мурати, Оливер Спасовски, Беким Максути и многу други. И Левица ќе биде факторот против бугаризацијата на Уставот додека одродените социјал-демократи ќе завршат на буништето на историјата”, рече Мојсоска.
,,Иако имаше обид од страна на бугарски структури да го воскреснат неофашизмот кај нас со отворање на клубови со фашистички наративи, ние не паднавме во духот. Напротив кога ги отвораа клубовите ,Ванчо Михајлов’ и ,Цар Борис’ се собравме и на бугарофилите им кажавме дека местото не им е тука. Особено, не по диктат на буржоазијата која купува национален идентитет и историја за ситни пари кои носат крупни гревови. Секогаш сме биле на вистинската страна, секогаш со нашето присуство, каде и да се појавиме, часовите им се избројани”, рече Горан Велевски, кандидат за пратеник во ИЕ5.
Македонија
Меѓународниот ден на трудот ќе се одбележи со првомајски протест и низа барања до новата влада
Пораст на платите во приватниот и во јавниот сектор, минимална плата во износ од најмалку 450 евра во првите 100 дена од новата влада, исплата на трошоците за храна во висина од 20 проценти од просечната плата и исплата на трошоците за превоз, се дел од барањата што денеска Сојузот на синдикати ќе ги испорача на протестот организиран по повод Меѓународниот ден на трудот.
Синдикатот бара и ограничување на работата на определено време во исклучителни околности и на максимум една година, право на неработна сабота и зголемена контрола на прекувремената работа, намалување на полното работно време на 35-часовна работна недела и укинување на 72-часовната работна недела на стратешките проекти.
Протестот ќе почне пред Работничкиот дом, ќе продолжи пред Собранието и Стопанската комора и ќе заврши пред Владата.