Македонија
Цигарите со слики од уништени бели дробови
Секоја кутија цигари од септември покрај предупредување за штетноста од пушењето врз здравјето ќе има слика со оштетени делови од телото кај лица што пушат цигари
Новиот правилник за употреба на тутун што денеска на прес-конференција го претстави министерот за здравство, Бујар Османи, ги предвидува овие правила. Министерот Османи вели дека визуелната порака ќе има ефект кај оние што не ги знаат последиците од пушењето, но и оние што не посветуваат доволно внимание на опасностите предизвикани од него.„Податоците од државите што веќе ги користат овие пиктограми (слики) покажуваат дека многу е поефективно предупредувањето што вклучува и фотографија на телесните промени, односно болестите предизвикани од пушењето“, рече министерот за здравство Османи.Според статистичките податоци во Македонија 8,2 отсто од пушачите се помлади од 15 години, а 20 отсто од нив со пушење почнале пред 10-тата година, соопшти Османи.Целта на пиктограмите на кутиите цигари е да се покаже вистинското влијание на цигарите, вели националниот соработник на Светската здравствена организација за контрола на тутунот, Моме Спасовски.“Во светот сликите спасуваат животи, а верувам и кај нас. Нашата улога е да ја зголемиме свеста кај луѓето. СЗО препорачува употреба на слики кој го покажуваат крајниот ефект од цигарите, мозочен удар, инфракт на срцето, гангрена, рак“, вели Спасовски.Истражувањата спроведени во 2002 и 2008 година направени на околу 5.000 ученици на возраст од 13 до15 години покажуваат дека минатата година во Македонија 11,8 проценти од испитаниците биле пушачи, што е повисоко од 2002 година. Околу 20 отсто од испитаниците искажале дека имаат тенденцијата во наредната година да пропушат, соопшти Елена Ќососка, национален координатор за унапредување на здравјето и национален координатор на СЗО за истражување за застапеноста и употребата на тутунот од страна на младите. “Податците говорат дека околу 44 отсто од учениците слушнале за штетноста од пушењето, додека за причините зошто учениците пушат, дискутирано е во училиште, но само 40 отсто од нив. Голем процент од нив искажале желба да престанат со пушење. Од анкетираните, 66 отсто сметаат оти треба да биде забрането пушењето на јавните места“, истакна Кососка.Правилник за употреба на тутун се применува во земјите на ЕУ, Велика Британија, Белгија, Канада, Бразил, а кај нас го подготвува Министерството за здравство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски се сретна со хрватската амбасадорка: Македонија и Хрватска треба да ги искористат капацитетите на заедничкото пријателство
Премиерот Христијан Мицкоски информираше дека денеска се сретнал со амбасадорката на Република Хрватска, Нивес Тигањ.
„Ги потврдивме исклучителните пријателски односи меѓу двете држави“, кажа Мицкоски и додаде дека изразил благодарност за поддршката која ја добива државава од пријателска Хрватска.
„Македонија и Хрватска треба да ги искористат капацитетите на заедничкото пријателство“, рече премиерот.
Македонија
Гори стан во Скопје, пожарни се упатија кон местото, извести ЦУК
Директорот на ЦУК, Стојанче Ангелов извести дека гори стан во зграда кај старо матично.
„Од 112 добиена е пријава дека има пожар во стан на посочената адреса. Локацијата е улица Виа Игнација 8, Скопје. Известени се екипи од Територијална противпожарна бригада на Град Скопје“, информира Ангелов.
Македонија
Падна дел од фасада на зграда во Аеродром
Центарот за управување со кризи извести дека на единствениот повикувачки број за итни случаи 112 добиена е пријава за штета, односно паднат дел од фасада на зграда на булеварот Јане Сандански, број 38, во скопски Аеродром.
Силниот ветер попладнево направи хаос во Скопје. Паднати се дрвја, има оштетени возила, откачени лимови, искинати кабли од бандери.
Во центарот на градот, на булеварот Свети Климент Охридски, дрво падна врз жена.