Спорт
Шпанија загуби добиен меч
Светскиот шампион веќе го нанижа и вториот пораз на мундобаскетот во Турција, овојпат од Литванија во меч кој веќе го имаше добиено, додека домашната репрезентација и во третиот натпревар ја забележа и третата победа, сега против Грција
Вторникот беше резервиран за мечевите од третото коло во групите Ц и Д а во вечерните термини беа одиграни двата највозбудливи дуела. Турција во Анкара во рамките на Ц групата пред повеќе од десет илјади гледачи ја совлада Грција со 76:65. Во текот на целиот натпревар турската репрезентација го одржуваше водството а решавачка беше третата четвртина којашто ја добиа со 24:12, кога ја направија разликата што ја одржаа до крајот. На почетокот од последниот десетминутен период, Турција со серијата од 6:0 направи предност и од 18 поен и на Грција и’ го нанесе првиот пораз на шампионатот.До победата над традиционално незгодниот противни Турција ја предводеше Ерсан Иљасов со 26 поени и пет скокови, и со фантастичен шут за тројка – шест од шест. Во грчкиот тим најдобар беше 213 цм. високиот центар Иоанис Бурусис кој постигна 15 кошеви и седум скокови. Бранителите на титулата од последното светско првенство успеаја да направат неверојатен пресврт, но на своја штета. Имено на 14 минут и 13 секунди до крајот, Шпанците имаа предност од 18 поени, но дозволија на пет минути до крајот Литванија да го изедначи резултатот на 66:66 на 39 секунди пред крајот да поведе со кошот на Линас Клеис, со чии две слободни фрлања на шест секунди пред сирената беа постигнати конечните 76:73 за Литванците. Клеиза воедно беше и накпрецизниот кај победничкиот тим со 17 кошеви и осум скокови, а го следеа Мациулис и Поциус со по 13 поени. За Шпанија по 18 кошеви постигнаа Хуан Карлос Наваро и Марк Гасол, а Фернандез 13 кошеви и девет скокови. Во другите натпревари од 3-т коло во Ц групата Русија ја совлада репрезентацијата на Брегот на слоновата коска со 72:66, а Порторико Кина со 84:76. На табелата води Турција со три победи, Русија и Грција имаат по две, Порторико и Кина по една, а без победи е Брегот на Слоновата коска.Во Групата Д во Измир, покрај мечот Шпанија – Литванија, Нов Зеланд високо со 108:76 го совлада Либан, а Франција извојува тесна победа над Канада со 68:63.Во оваа група Франција и Литванија имаат по три победи, додека Шпанија, Нов Зеланд и Либан имаат по една победат и ќе се борат за третото место. Канада иако доста ослабена е најнепријатното изненадување забележувајќи три пораза во три меча.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Аморим детектирал еден проблем, сака да донесе лев вингер
Рубен Аморим призна дека го чека тешка работа, дека играчите ќе работат напорно, а навивачите ќе чекаат додека Јунајтед не почне да изгледа како што тој го замислува.
Рубен Аморим нема да отстапи од својата идеја да игра во формација 3-4-3, но за тоа му требаат врвни крилни бекови. Се чини дека Нусаир Мазрауи ја доби неговата доверба и може да биде идеално решение за десната страна, додека некако никој не верува дека Лук Шо е способен сам да ја покрие целата лева страна.
„Скај Спорт“, истакнува дека Алфонсо Дејвис и Тео Ернандез се на листата на желби на Аморим.
Дејвис на лето ќе стане слободен играч, бидејќи неговиот договор со Баерн Минхен истекува и нема да потпише нов. Сепак, проблемот е што негов сон е Реал Мадрид и што Флорентино Перез подолго време е во контакт и преговара со претставниците на Дејвис. Исто така, според шпанските медиуми во трката сака да се вклучи и Барселона, на чија клупа седи поранешниот тренер на Дејвис, Ханси Флик.
Втората опција е Тео Хернандез. Капитенот на Милан има договор со клбот до летото 2026 година. Не е тајна дека Милан сака да му го продолжи договорот на Тео, но се уште не е јасно дали истата желба ја има и францускиот репрезентативец.
Спорт
Еге Хареиде го напушти Исланд
Искусниот норвешки фудбалски стручњак Еге Хареиде поднесе оставка од селекторската функција на Исланд и со тоа стави крај на својата тренерска кариера.
„Уживав како селектор на исландската репрезентација, но мислам дека сега е вистинското време да се повлечам“, изјави Хареиде, како што беше објавено на веб-страницата на Фудбалскиот сојуз на Исланд.
Хареиде (71) ја донесе репрезентацијата на Исланд, чиј селектор стана во април минатата година, блиску до пласман на ЕП во Германија, но загуби од Украина во финалето на плеј-офот.
Репрезентацијата на Исланд има двомеч за опстанок во Б дивизијата од Лигата на нации, во март наредната година против Косово.
Исланд ќе биде во третиот шешир на ждрепката за европските квалификации за СП 2026 година што ќе се одржи на 13 декември.
Како селектор на Данска, Хереиде стигна до осминафиналето на Светското првенство во 2018 година, во кое неговата репрезентација по изведувањето на пенали беше елиминирана од Хрватска.
Спорт
„Познат играч на Милан претепа девојка, имаме видео“
Масимо Гилети е едно од најпознатите ТВ-лица во Италија, често бил вклучен во разоткривање на многу скандали, па дури и мафијашки.
Тој е и голем навивач на Јувентус, а сега излезе во јавноста со информација дека „познат фудбалер на Милан претепал девојка“.
Гилети го изјави ова, ни помалку ни повеќе, туку директно во телевизиската програма Раи 3.
„Познат играч на Милан претепа девојка, имаме видео“, изјави Жилети.
Наводно, инцидентот се случил во приватен дел од познат ноќен клуб во Милано, каде парот се дружел со пријателите.
Како што истакнува Гилети, на видеото јасно се гледа како се уште неименуваниот играч на Милан ја соборува девојката на земја, а потоа ја крева од подот и ја удира.
„Видеото е испратено до нашиот уреднички тим, нема сомнеж кој е на видеото, не можете да ставате црвена боја на лицето (италијанските фудбалери секоја година го истакнуваат проблемот со насилството врз жените) и да правите вакви работи. Тоа значи дека не сте дел од овој систем“, истакна Гилети и подвлече:
„Тоа се многу сериозни снимки и решивме засега да не ги објавуваме. Ќе продолжиме да се занимаваме со овој случај“.