Свет
Вооружени и маскирани ограбиле и претепале таксисти
Во полицијата во Тетово истакнуваат дека таксистите бараат заштита, особено ноќно време, кога се изложени на малтретирања, закани и физички напади
Разбојништва во тетовските села Речица и Палчиште
Во полицијата во Тетово истакнуваат дека таксистите бараат заштита, особено ноќно време, кога се изложени на малтретирања, закани и физички напади
ТЕТОВО – За неполн час во периодот од 2,40 до 3,30 часот по полноќ спроти неделата во два наврати маскирани и вооружени лица нападнале таксисти, ги претепале и ги ограбиле. Во Голема Речица жртва на разбојниците бил А.К. (27) од Тетово, таксист во компанијата “Атааи. Бил повикан да дојде по патници, но на сретсело бил пречекан од три маскирани и вооружени лица. Едниот од нив по сопирањето на автомобилот му вперил пиштол во главата, а другите двајца му побарале пари. А.К. имал 800 денари од дневен промет. Насилниците му ги одзеле, но незадоволни од пленот почнале да го малтретираат. Му го одзеле мобилниот телефон, а потоа се оддалечиле, оставајќи го претепаниот таксист во возилото.
Неполн час потоа сличен напад е регистриран во соседното село Долно Палчиште. По локалниот пат на повик во Синичане да земе патници со такси-возило, сопственост на компанијата “Хакки од Тетово, се движел С.Е. (20) од Тетово. Во близина на селото го сопреле три делумно маскирани лица. Под закана со пиштол разбојниците му наредиле на С.Е. да оди кон селото. Таксистот се обидел да го избегне судирот со тројцата, тврдејќи дека има повик да оди во Сничане, а не во Долно Палчиште. Двајца од тројцата натрапници му влегле во возилото и под закана дека ќе го убијат му го побарале дневниот пазар. Насилно претресувајќи го, му одзеле 1.800 денари и побегнале.
Во Тетово три такси-компании работат преку цела ноќ: ,,Атааи, ,,Хакки и ,,Кралли. Во компаниите велат дека нивните возачи се изложени на големи опасности и тортури. Во полицијата во Тетово истакнуваат дека таксистите бараат заштита, особено ноќно време, кога се изложени на малтретирања, закани и физички напади. Од овие извори се дознава дека во пополноќно време, особено во потшарпланинските села, но и периферните делови на Тетово, крстосувале групи насилници по потекло од Косово.(Г.Е.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
28 милиони долари за кампањата на Бајден собраа холивудските ѕвезди
Голем број холивудски ѕвезди, меѓу кои и Џорџ Клуни и Џулија Робертс на синоќешната донаторска вечера за кампањата на претседателот Џо Бајден собраа 28 милиони долари.
Тоа е најголема сума во историјата собрана за некој демократски кандидат.
Донаторската вечера се одржа во театарот Пикок во Лос Анџелес, а водителот на емисијата „Лејт најт“ (Late night), Џими Кимел, ги интервјуираше Бајден и поранешниот претседател Барак Обама, кои ја истакнаа потребата да се победи поранешниот претседател Доналд Трамп.
Бајден истакна дека за време на неговиот претседателски мандат „усвоен е секој главен закон што бил планиран“. Додека Обама изрази восхит за сеопфатната легислатива за здравствена заштита, јавни работи, животна средина, новите технологии, безбедноста на оружјето и другите големи иницијативи што ги спроведува сегашната администрација.
Трамп синоќа беше во Детроит и ја критикуваше економската политика на Бајден.
Европа
Германската полиција уби навивач кој со секира влегол во фан-зоната на Европско првенство (ВИДЕО)
Германската полиција во Хамбург имаше полни раце работа. Во градот каде хрватската фудбалска репрезентација ќе го одигра следниот натпревар на ЕП, оној против Албанија, полицијата застрела и уби еден маж. Германските полицајци биле принудени на тоа, бидејќи мажот сакал со секира да нападне случајни минувачи во фан-зоната за време на Првенството.
Напаѓачот во Хамбург прво ги нападнал навивачите со секира, а потоа ги нападнал и обезбедувањето.
Полицијата прво употребила солзавец, а потоа пукала. Еден од истрелите на полицаецот бил предупредувачки, а вториот го погодил.
Наспроти првичните вести, нападот очигледно нема никаква врска со Европското фудбалско првенство.
„Местото на нападот е далеку од просторот каде се следат првенствените натпревари. Нема индиции дека напаѓачот има врски со некоја од навивачките групи“, соопштија од полицијата.
Денеска во Хамбург се игра натпреварот помеѓу Полска и Холандија и градот е преполн со навивачи на двата табора.
Европа
Четворица загинати во страшна сообраќајка во Грција, пожарникарите го сечеа возилото за да ги извадат телата (ВИДЕО)
Во сударот меѓу автобус и автомобил, што се случи денес наутро пред Токсотес Ксанти, на стариот национален пат Ксанти-Кавала во Грција, четири лица загинаа, а три се повредени.
Според првите информации, во судирот што се случил нешто по 08:00 часот, едно возило изгубило контрола и удрило во автобус што минувал.
Патниците загинале на лице место, а пожарникарите го сечеле возилото за да дојдат до телата на настраданите во автомобилот.