Свет
Парите за патишта одат за плати на бирократите
Граѓаните во минатата година, при регистрација на своите возила, платија 14 милиони евра за одржување на патиштата во земјава, а Фондот за регионални и магистрални патишта парите ги потроши и за плати на своите вработени, за отплата на странски кредити и за други потреби.
како се трошат 14 МИЛИОНИ ЕВРА во ФОНДОТ ЗА ПАТИШТА
Граѓаните во минатата година, при регистрација на своите возила, платија 14 милиони евра за одржување на патиштата во земјава, а Фондот за регионални и магистрални патишта парите ги потроши и за плати на своите вработени, за отплата на странски кредити и за други потреби. Во Фондот не сметаат дека се одговорни зошто парите ги трошат ненаменски и објаснуваат дека тие се слеваат на иста сметка како и другите приходи.
– Парите се трошат за изградба, реконструкција, одржување и заштита на патиштата, за плати, тековни потреби на Фондот, отплата на странски кредити и други обврски. Само парите од странските кредити мора да се трошат строго наменски. Во годишната програма за работа се планира како ќе се трошат другите приходи – велат од Фондот за патишта.
Во Законот за патишта прецизно пишува дека парите што граѓаните ги уплаќаат при регистрација на возилата треба да се трошат наменски за одржување, изградба и за реконструкција на локални и магистрални патишта, за отплата на странски кредити и на студии и проектирања.
Во Фондот се правдаат дека само мал дел од овие приходи го трошат за плати на вработените бидејќи во оваа институција работат само 25 лица. Раководството на Фондот тврди дека малку пари одат и за тековни трошоци, а најголемиот дел бил наменет за одржување и изградба на патишта.
Граѓаните се револтирани од овој однос на Фондот кон обврските што ги има и укажуваат дека состојбата на патиштата во земјава е катастрофална и дека од дупките по улиците ги искршиле возилата.
– Државата воопшто не води грижа за патиштата, ниту за животите на граѓаните, кои секој ден се во кола. Плаќаме превисоки суми при регистрацијата на возилата за одржување на патиштата, но никој нас не ни плаќа оти си ги искршивме возилата. Се одржуваат само главните улици низ градов, а за другите никој не води грижа. Не ми е јасно кој и што прави со тие пари – вели Зоран К. од Скопје.
Во минатата година вкупниот приход на Фондот за патишта бил 72 милиони евра. Од патарини се собрани 12 милиони евра, околу 23 милиони евра биле префрлени од државната каса од акцизите за нафтените деривати, над 19 милиони евра се од странски кредити, а 1,6 милиони евра биле собрани од такси од странски возила и од останати приливи. Граѓаните во минатата година регистрирале вкупно 290.000 возила и инкасирале 14 милиони евра во буџетот на Фондот. Надоместокот што го плаќаат при регистрацијата на возилата, во зависност од кубикажата на автомобилот, се движи од 1.000 до 4.000 денари. Товарните возила плаќаат од 1.300 до 17.000 денари во зависност од категоријата лесни или тешки.
Од вкупните приходи на Фондот лани за одржување на регионални и магистрални патишта биле потрошени само 17,7 милиони евра, а 10 милиони биле префрлени на општините за одржување на локалните патишта. Околу 13 милиони евра се издвоени за отплата на странските кредити.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на агенцијата на ОН: Борбите во Газа и Рафа продолжуваат и покрај израелските најави
Борбите во градот Рафа и во јужниот дел на Газа продолжуваат и покрај вчерашната најава на израелската армија за тактички паузи во операциите за да се дозволи влез на хуманитарна помош, изјави денеска во Осло шефот на Агенцијата на Обединетите нации за помош на Палестинците (УНРВА).
Израелскиот премиер Бенјамин Нетанјаху вчера ги критикуваше плановите на армијата да воведува дневни прекини на огнот долж еден од главните патишта до палестинската енклава.
Филипе Лазарини, шеф на УНРВА, сепак, рече дека немало пауза. „Имаше информации дека е донесена таква одлука, но политичкото ниво вели дека таква одлука не е донесена“, рече Лазарини на прес-конференцијата.
„Затоа, засега можам да ви кажам дека борбите во Рафа и на југот на Газа продолжуваат и дека оперативно ништо досега не е променето“, додаде тој.
Израелската војска во понеделникот објави дека нејзините сили ги продолжуваат операциите во областа Рафа, кои вклучуваат тесна борба со милитантите и заплена и уништување оружје.
За викендов, армијата најави дневни паузи од 7 до 18 часот во областа од преминот Керем Шалом на југот на Израел до патот Салах ал-Дин, а потоа и понатаму кон северот. Подоцна појасни дека нормалните операции ќе продолжат во Рафа, главниот фокус на неговите операции во јужниот дел на Газа.
Свет
(Видео) Авион на „Боинг“ почна да гори, му откажа моторот, мораше итно да слета
Патнички авион безбедно слета на аеродром во Нов Зеланд откако избувна пожар и откажа еден од моторите, соопшти националната противпожарна служба, пренесува Асошиејтед прес.
Боингот 737-800 на Virgin Australia летал за Мелбурн, Австралија, но на крајот слетал во новозеландскиот град Инверкаргил. Инцидентот можеби е резултат на „удар од птица“, изјави Стјуарт Агс, главен оперативен директор на авиокомпанијата.
Последиците од ударите на птиците варираат по сериозност во зависност од големината на птиците, реакцијата на пилотот и кој дел од авионот бил погоден. Пламенот во авионот бил забележан веднаш по полетувањето од аеродромот во Квинстаун.
A burning plane makes an emergency landing in New Zealand.
People in Queenstown saw flames sparking from the engine of a Boeing 737 as loud explosions were heard after a bird strike incident. pic.twitter.com/jZhpx7M7Kc
— Vexwift (@vexwift) June 17, 2024
Нема дополнителни информации за тоа што се случило во моментот на инцидентот, изјави Кетрин Нинд, портпаролка на аеродромот. Во инцидентот нема повредени. Во авионот имало 67 патници и шест членови на екипажот. Агс најави дека патниците ќе бидат сместени преку ноќ во Инверкаргил и дека ќе се договорат нови летови.
Ова е само последниот во серијата инциденти со авиони Боинг. Вчера се дозна за случајот на 11 април, кога Боинг 737 Макс 8 на Southwest Airlines почна забрзано да паѓа, запирајќи го падот на околу 120 метри над Тихиот Океан.
Свет
Путин оди во посета на Северна Кореја
Рускиот претседател Владимир Путин утре и задутре ќе ја посети Северна Кореја, објави Кремљ, а тоа е исклучително ретко патување кое го истакнува сè посилното партнерство на Москва со таа нуклеарна држава.
Во септември минатата година, севернокорејскиот лидер Ким Џонг Ун, за време на неговата посета на Далечниот исток на Русија, го покани рускиот претседател да ја посети неговата земја.
Путин не го посетил Пјонгјанг од јули 2000 година.
„На покана на претседавачот за државни работи на КНДР, Ким Џонг Ун, Владимир Путин ќе престојува во пријателска државна посета на Демократска Народна Република Кореја од 18 до 19 јуни“, се вели во соопштението на Кремљ, во кое се додава дека, по Северен Кореја, Путин на 19 и 20 јуни ќе го посети Виетнам.