Македонија
ВМРО-ДПМНЕ: Лага е дека бараме да се укине мисијата на ЕУ

Лага е дека Владата и премиерот Никола Груевски барале укинување на мисијата на Европската Унија во република Македонија, одговараат од ВМРО-ДПМНЕ на вчерашната објава на некои медиуми дека Груевски побарал амбасадорот Ерван Фуере да си замине од државата.
Дека останува на својата позиција до крајот на својот мандат, како и тоа дека Канцеларијата на ЕУ во Скопје ќе продожи да работи денеска потврди и смаиот Фуере.„Било каква одлука во врска со мандатот на специјалниот претставник на ЕУ е работа за земјите членките во Брисел, е не за тука. Во меѓувреме, јас продолжувам со мојот мандат. Пред нас имаме уште многу работа и јас ќе ја посветам целата моја енергија да го исполниме тоа за време на мојот мандат“, изјави денеска Фуере, одговарајќи на прашање за наводите дека Македонија барала од Брисел укинување на Европската мисија во земјата.Тој нагласува дека со иста посветеност ќе продолжи да и помага на земјата во исполнувањето на бараните реформи за приближување кон ЕУ. Неговото присуство во Македонија не значело оти државата е во криза, како што медиумите вчера објавија затоа зошто владата би поскала затворање на Канцеларијата на Унијата.„Постои големо недоразбирање околу значењето на присуството на специјалниот претставник на ЕУ. Некои луѓе ова го поврзуваат дека станува збор за земја која е во криза. Тоа не е случај. Специјалниот претставник е тука да поддржува, советува и да помага во сите неопходни реформи во Македонија и ние на ова гледаме како на елемент за зајакнување на капацитетот на земјата да ги постигне реформите за членство во ЕУ.“, изјави евроамбасадорот Фуере.Евроамбасадорот посочи дека има „одлични односи“ со премиерот Никола Груевски“, од кого побарал брзо да именува наследник по оставката на вицепремиерот за евроинтеграции Ивица Боцевски.„Со премиерот имавме средба во средата, исто така и минатата недела. Јас ја нагласив важноста брзо да се именува наследник на Боцевски, бидејќи ние веруваме дека е многу важно процесот на реформи да продолжи и оти не треба да стои празно место во така важен ресор.Такво нешто би можело да има негативно влијание“, изјави Фуере.Од владејачката партија велат дека присуството на мисијата воопшто не е работа на партиите, туку на самата Европска Унија.„Бидејќи сме држава кандидат за членство во Унијата и евроамбасадорот и Канцеларијата во Скопје ги сметаме за партнери“, изјавуваат од ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„Уапсени се полицајци и полициски функционери кои биле на смена кобната вечер“: СДСМ ја поздрави акцијата на ОЈО ГОК за Кочани

„Ја поздравуваме вечерашната акција на Обвинителството за организиран криминал и корупција во која се лишени од слобода полицајци и полициски функционери кои биле на смена кобната вечер на 16 март во т.н. дискотека Пулс во Кочани“, соопшти СДСМ.
„Фактот што четири месеци ВМРО-ДПМНЕ се обидуваше да ја сокрие одговорноста на полицајците и полициските функционери, фактот што нивната вина беше негирана од страна на Панче Тошковски и Христијан Мицкоски укажува на тоа дека сите биле вмешани или на некој начин знаеле за нелегалното работење на Пулс и тоа го одобрувале.
Само поради обидите да се сокрие одговорноста од страна на Тошковски и Мицкоски на лицата кои тие ги поставија за полицајци, командири и началници би требало веднаш да си поднесат оставки.
Одговорност мора да има и за Александар Јанев, директорот на БЈБ. Тошковски и Јанев не смеат повеќе да ја попречуваат истрагата ниту да влијаат некој да не сноси одговорност.
Вистината за Кочани која цела недела ја објавуваше СДСМ е точна. Се покажа дека без силен притисок на јавноста, на дел од медиумите и на СДСМ нема да има правда за Кочани. Време е за одговорност, време е за оставки“, се додава во соопштението на СДСМ.
Македонија
Приведени уште 13 полициски службеници за пожарот во „Пулс“

Во тек е акција под раководство на обвинител од Специјализираното одделение за полициски службеници, соопштија од Обвинителство за гонење на организиран криминал и корупција.
Уште 13 полициски службеници и началници се приведени во рамки на истрагата за пожарот во дискотеката „Пулс“ во Кочани.
Од Обвинителството најавија дека соопштение ќе има во текот на утрешниот ден.
Македонија
МОН: Стручното образование е силна страна на македонскиот образовен систем, креира квалитетен и побаруван кадар на пазарот на трудот

„Во средните стручни училишта во Македонија успешно функционира концептот на дуално образование во чија реализација е вклучена и бизнис заедницата. Училиштата и компаниите заедно содаваат квалитетен кадар кој полесно може да се снајде на пазарот на трудот. Затоа, развојот и проширувањето на овој концепт ќе биде наш приоритет и во следниот период“.
Ова го истакна државниот секретар во Министерството за образование и наука, Елена Ивановска на панел дискусија „Достапност на квалификувана работна сила: предизвик и стратешки фактор за инвестициски одлуки и економски раст“, организирана во рамки на Првиот македонско – германско бизнис самит, со кој АХК германската стопанска комора во Македонија одбележува 25 години постоење.
Ивановска рече дека од самиот почеток на мандатот, новото раководство во МОН се заложи за унапредување на законската регулатива, бидејќи таа е основ за спроведување на образовните политики, новите мерки и активности со кои ќе се остварат целите од владината програма за градење на поквалитетен образовен систем.
„Во новиот Закон за стручно образование и обука системски се уреди концептот на дуално образование, се прецизираа обврските на сите учесници во реализацијата. На пример се дефинираше кој и како може да стане ментор на учениците, компаниите да им исплаќаат месечен надомест на практикантите, да им овозможат заштита и безбедност при работа и така натаму. Со Законот за средно образование пак, се предвиде поголема поддршка за талентираните ученици, се воведуваат кариерни советници што ќе ги насочуваат учениците и сето ова е во интерес на создавање на потребната квалификувана работна сила“, рече Ивановска.
Осврнувајќи се на регионалните центри за стручно образование и обука рече дека тоа се всушност средни стручни училишта кои се трансформираат во образовни установи со поголема вредност и повеќе функции, обврски и одговорност.
„Таму не само што се реализира средно стручно образование за ученици, туку идејата е да се реализира и образование и обука на повозрасни кои имаат потреба од доквалификација, преквалификација и слично, за да станат конкурентни на пазарот на трудот. Фреквентноста на луѓе ќе биде многу поголема. Центрите ќе прават и анализи на пазарот на трудот, ќе креираат програми за настава и обука и така натаму“, рече Ивановска, додавајќи дека во моментов се формирани 7 регионални центри, а до 2028 година ќе се формира осмиот и последен, што како обврска е предвидено во Реформската агенда.
Државниот секретар информираше дека во регионалните центри се вложуваат големи износи на средства за да има добри училници, опремени кабинети, работилници и соодветни сместувачки капацитети. Средствата во најголем дел ги обезбедува Европската унија, а Ивановска ја повика и бизнис заедицата да помогне во модернизацијата на инфраструктурата, затоа што, како што рече, училиштата се инкубатори на човечки капитал кој и нив им е потребен.
На панел дискусијата модерирана од Дејан Чуповски, раководител на програмата за дуално образование при АХК германската комора, се обратија и програмската директорка на Источниот комитет на германското стопанство, директорот на средно стручно училиште „Св. Наум Охридски“ во Охрид, Сашо Недески, раководителката на одделот за глобална техничка и комерцијална обука во компанијата Дрекслмаер, Барбара Гербер и управниот директор на компанијата Унија Груп, Бранислав Серафимоски.