Свет
Претседателот на скопска 2 незаконски му го вратил пасошот на Верушевски
Претседателот на Основниот суд 2 во Скопје, Бојан Ефтимов,
незаконски му го вратил пасошот на Александар Верушевски, против кого во тој
суд се води постапка, заклучил вчера Казнениот оддел на Врховниот суд
ВРХОВЕН
СУД
Претседателот на Основниот суд 2 во Скопје, Бојан Ефтимов,
незаконски му го вратил пасошот на Александар Верушевски, против кого во тој
суд се води постапка, заклучил вчера Казнениот оддел на Врховниот суд.
Мислењето ќе биде доставено до Републичкиот судски совет, кој треба да одлучи
за понатамошната постапка. Ефтимов вчера не сакаше да го коментира заклучокот
со образложение дека не се коментираат одлуки на Врховниот суд.
Александар Верушевски, син на вториот човек на Агенцијата
за разузнавање, Зоран Верушевски, по враќањето на пасошот заминал во Игало на
лекување на ногата, која му била повредена кога било пукано во неговиот
автомобил лани за време на новогодишните празници. Тој по извесно време се
врати во Македонија. Образложението зошто морал да замине токму во Игало беше
дека само таму имало услови за лекување на неговата рана.
Случајот со враќањето на патната исправа во Врховниот суд
го пријавила судијката за малолетници во вториот скопски суд, Василка
Божиновска, која го водела предметот на Верушевски.
– Во предметот што го разгледавме видовме дека судијката
го отфрлила барањето за враќање на патната исправа бидејќи сметала дека нема
услови за тоа. Иако немал никаква надлежност и спротивно на Законот за кривична
постапка, на Кривичниот законик, на Законот за патни исправи и судскиот
деловник, претседателот на судот му ја вратил патната исправа на Верушевски. Во
предметот нема ниту лекарски наод врз основа на кој се одлучува дали да се
врати пасошот. Заклучокот на Казнениот оддел на Врховниот суд ќе му биде
доставен на претседателот на судот, на судијката што го пријавила случајот, на
скопскиот Апелациски суд и во Републичкиот судски совет. РСС треба да одлучи
дали ќе поведе постапка за оценка на работата на претседателот на судот –
изјави вчера претседателот на Врховниот суд, Дане Илиев.
Неофицијално дознаваме дека Ефтимов ќе реагира на
заклучокот на Врховниот суд бидејќи е донесен само врз основа на предметот на
судијката, а не и врз предметот по кој тој постапувал. Во судот имало и друг
предмет заведен со посебен број во кој биле барањата за враќање на пасошот
заради потреба од лекување и лекарскиот наод и мислење дека на Верушевски му е
потребна медицинска помош. Предметот стоел кај секретарот на судот и никој не
го побарал.
Судијката Божиновска му е противкандидатка на Ефтимов за
претседателското место во скопска 2. Освен нив, кандидати се и судиите од овој
суд Бекир Шаини, Вања Јуруковски и Бранка Илиевска. Завчера тамошните судии се
најдоа во сутуација за кандидатите за нов претседател да гласаат во чекалницата
на судот. Според Ефтимов, Врховниот суд не дозволил да се користи неговата
свечена сала. Претседателот на Врховниот суд Илиев вели дека салата не била
побарана навреме. (Н.Н.С.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Италија: Лани лично го предупредивме Зеленски, контраофанзивата беше грешка
Италијанскиот министер за одбрана изјави денеска дека економските санкции наметнати на Русија не успеале и го повика Западот да направи повеќе за да преговара за дипломатско решение со претседателот Владимир Путин за да се стави крај на војната во Украина.
Гвидо Крозето за дневниот весник Ил Месаџеро изјави дека Западот погрешно верувал дека санкциите може да ја запрат руската агресија.
„Наместо тоа, единствениот начин да се реши таа криза е сите да бидат вклучени, прво да се воспостави примирје, а потоа мир“, рече Крозето.
На забелешката на новинарот дека Путин не покажал волја за преговори, Крозето одговори дека „тоа е добра можност да се обидеме повеќе“.
„Не смееме да пропуштиме ниту еден дипломатски пат, колку и да е тесен“, нагласи тој.
Крозето, сепак, ја бранеше одлуката на Италија да продолжи да испраќа оружје во Украина со цел „да се обезбеди време и услови за постигнување прекин на огнот и мир“.
Тој исто така предупреди дека во случај Русија да го окупира Киев, „тоа неизбежно ќе доведе до конфликт со други земји кои нема да прифатат руски тенкови да се наоѓаат на нивните граници“.
Тој ја нарече минатогодишната украинска контраофанзива грешка со оглед на воената супериорност на Русија и рече дека лично го предупредил украинскиот претседател Володимир Зеленски дека таа е осудена на неуспех, но тој не го слушал.
Италија во моментов претседава со групата Г7.
Регион
Србите објавија детали за дочекот на кинескиот претседател во Белград: „Вучиќ ќе му служи српски вина“
Претседателот на Кина, утре пристигнува во дводневна посета на Белград, а во тек се последните подготовки за неговото пристигнување.
Тој ќе биде придружуван од делегација од 400 луѓе, а ќе го обезбедуваат 3.400 полицајци.
„Блиц“ го објави планот за неговиот пречек.
Кси на аеродромот ќе биде пречекан со свечена церемонија и фолклор. Покрај патот во Белград ќе бидат поставени кинеско-српски знамиња, а на надвозниците ќе бидат испишани пораки.
Свечен дочек ќе биде организиран и пред Палатата Србија. Српскиот и кинескиот претседател ќе потпишат триесетина договори.
За време на ручекот ќе се служат српски јадења и вина, а претседателот Вучиќ лично ќе служи Џинпинг со српски вина, од пенливи до десертни вина, од кои повеќето се автохтони српски сорти.
Девојка од Србија ќе ја отпее песната „Татковино и јас“ на кинески, додека хорот „Чаролије“ ќе ја изведе песната „Прекрасен јасмин цвет“, исто така на кинески. .
Програмата ќе заврши со песната „Ова е Србија“, објави српскиот портал.
Свет
Фон дер Лајен: ЕУ смета на Кина да изврши притисок врз Русија да ја прекине војната против Украина
Претседателката на Европската комисија, Урсула фон дер Лајен денеска изјави дека Европската унија смета на Кина да изврши притисок врз Русија да ја прекине војната против Украина.
„Сметаме на Кина да го искористи сето свое влијание врз Русија за да стави крај на руската агресивна војна против Украина“, рече фон дер Лајен по средбата со кинескиот претседател Кси Џингпинг и францускиот претседател Емануел Макрон во Елисејската палата, пренесе Ројтерс.
„Претседателот Си одигра важна улога во деескалирањето на неодговорните нуклеарни закани на Русија и уверена сум дека претседателот Кси ќе продолжи да го прави тоа во контекст на тековните нуклеарни закани на Русија“, додаде таа.
Фон дер Лајен рече дека Кина може да го ограничи „неодговорното ширење“ на ирански ракети и беспилотни летала и ги повтори повиците за прекин на огнот во конфликтот меѓу Израел и Хамас.
„Веруваме дека Кина може да одигра важна улога во ограничувањето на неодговорното ширење на балистички ракети и беспилотни летала од страна на Иран“, изјави таа за новинарите по средбата со Кси.
Фон дер Лајен нагласи дека ЕУ не може да го апсорбира прекумерното производство на кинески индустриски стоки што го преплавуваат нејзиниот пазар.
Таа додаде дека го повикала Кси да преземе чекори за решавање на проблемот со вишокот капацитет.
„Кина која игра фер е добра за сите нас“, истакна Фон дер Лејен.
Фон дер Лајен во Елисејската палата се сретна со кинескиот претседател Си Џинпинг и со францускиот претседател Емануел Макрон. Кси пристигна во Франција во неделата на своето прво патување во Европа од 2019 година.