Свет
Бизнисмени, адвокати и судии во спрега против новинарите
Во добар дел од случаите
против новинарите тужителите ги застапува адвокатската канцеларија ‘Поленак’, а
суди судијата Никола Ивановски, посочија на вчераШната прес конференција
тужените новинари и уште еднаш побараа декриминализација на клеветата
Во добар дел од случаите
против новинарите тужителите ги застапува адвокатската канцеларија ‘Поленак’, а
суди судијата Никола Ивановски, посочија на вчераШната прес конференција
тужените новинари и уште еднаш побараа декриминализација на клеветата, з
Група новинари кои се
обвинети или осудени за клевета поради информациите што ги објавиле во нивните
медиуми вчера на прес конференција обвинија дека ги губат споровите бидејќи е
направена спрега од бизнисмени, адвокати и судии против новинарите. Тие им
забележуваат на дел од судиите дека случаите со новинарите експресно ги
завршуваат, дека не им дозволуваат на обвинетите новинари да ги кажат своите
докази, а паралелно со тоа се соочуваат со ноќни приведувања, вербални закани
од некои од тужителите, па дури и со оштетување на нивниот имот. Новинарите
бараат декриминализација на клеветата, зашто главно добиваат тужби за клевета
или за нарушување на угледот.
"Осудена сум на три месеца затвор и две години условно за прилогот за
‘Еуростандард банка’ . Симптоматично е што во добар дел од случаите против
новинарите тужителите ги застапува адвокатската канцеларија ‘Поленак’, а суди
судијата Никола Ивановски", рече на вчерашниот прес Ида Протуѓер, уредник
во телевизија "Канал 5".
Кај истата адвокатска канцеларија и кај истиот судија се и предметите против
новинарката на "Вест" Александра Стојановска која ја тужи
"Реплек" за случајот нерегистрирани лекови и министерот Владо Димов
за случајот ласерски нож набавен од Реплек. Таа го посочи примерот кога по
тужбата од Димов (кога не беше министер) била приведена во четири часот наутро,
а околу зградата на нејзината редакција чекале полицајци да ја приведат кога ќе
дојде на работа.
И Лилјана Ѓоргиева од "Сител" е осудена на парична казна од 63.500
денари по тужбата од кратовскиот педијатар Душко Павловски.
"Не ни беше дозволено да ги презентираме нашите докази, а за изјавите на
родителите кои ни кажуваат за нивните семејни трагедии докторот Павловски
велеше дека биле давани во алкохолизирана состојба. Во мојот случај тужителот
за адвокат го одбра Ратко Ѓоргиевски, сопругот на министерката за правда Мери
Младоневска Ѓоргиевска. Ние новинарите најдобро ја чувствуваме македонската
правда", рече вчера Лилјана Ѓоргиевска.
Меѓу тужените новинари е и Мирјана Панова од "Канал 5" која ја тужи
директорот на Градската хируршка болница во Скопје Божидар Ефтимов.
"Имав притисоци дека тужителот немало да се смири се додека не ме види во
затвор и покрај тоа што веднаш по мојот прилог му беше објавен неговиот демант.
Дури и до моето семејство доаѓаат кажувања дека тужителот од мене ќе барал
оштета од 50 илјади евра и дека ако требало ќе оди дури и до Врховен суд.
Откако случајот со Ефтимов доби еполог мојот автомобил беше уништен, но не
обвинувам никого бидејќи немам докази", вели Панова.
"Спрега од бизнисмени, адвокати и судии, но, ние новинарите не сме
плачковци и не сакаме да бидеме заштитени мечки туку сакаме праведно
судење", рече вчера главниот и одговорен уредник на "Канал 5"
Ацо Кабранов.
Новинарите велат дека ништо нема да ги поколеба. За се ќе ги известат
странските амбасади во Македонија, Европската асоцијација на новинарите,
Републичкиот судски совет и ЗНМ. ОБСЕ се понудил и ќе следи дел од судските
постапки против новинарите.
Е.Златков
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.