Свет
Владата не отстапува од стартот на пензиските реформи
Софтверот на МАПАС е целосно подготвен и тој функционира, изјави вчера директорката на Агенцијата, Зорица Апостолска.
И покрај забелешките од Светска банка и нападите од опозицијата
Софтверот на МАПАС е целосно подготвен и тој функционира, изјави вчера директорката на Агенцијата, Зорица Апостолска
Владата не отстапува од зацртаниот тајминг за старт на двостолбниот пензиски систем, што значи дека, и покрај забелешките од Светска банка околу можни проблеми за функционирање на софтверот, практичната примена на реформираниот пензиски систем, сепак, ќе стартува од 1 јануари идната година. Високи владини извори уверуваат дека пензиските реформи, договарани со Светската банка, се во позитивен правец и нема какви било потреси. "Кога од почетокот на наредната година ќе започнат практично овие реформи, тогаш нема да има какви било проблеми", уверуваат во Владата. Вчера и Агенцијата за супервизија на капитално финансирано пензиско осигурување – МАПАС демантира какви било проблеми во нејзиниот делокруг на работа што би го загрозиле почетокот на реформите Софтверот на МАПАС е целосно подготвен и тој функционира, изјави вчера директорката на Агенцијата, Зорица Апостолска, на средба со новинарите. Таа нагласи дека не може да се занемари фактот дека подготовките на овој проект траат веќе осум години, додавајќи дека Светска банка има целосен увид во софтверот на МАПАС, со оглед дека Агенцијата користи нејзин заем. "Најважниот модул – делот на зачленувањето, не само што е подготвен туку и функционира. Имаме воспоставена електронска поврзаност меѓу друштвата, Агенцијата и Фондот за пензиско осигурување. Овој софтвер требаше да биде готов пред јануари 2006 година, готов е и во практика функционира", истакна директорката на МАПАС, додавајќи дека софтверот се изработувал дел по дел. Притоа, бил ангажиран и експерт од Англија, кој работел паралелно во двете институции инволвирани во пензиските реформи, во МАПАС и во фондот за ПИОМ. Софтверскиот систем го изработи домашната фирма УЛТРА, која беше избрана на меѓународен тендер. Апостолска нагласи дека деловите на софтверот се тестираат постојано, а сите процедури ќе бидат завршени во текот на јануари. Во двете друштва за управување со пензиските фондови досега се зачленети вкупно 40 илјади лица. Изминатиот викенд во Скопје, директорката во Светска банка надлежна за регионот, Орсалија Каранѕопулос, дојде да се увери од прва рака како ќе функционира пензиската реформа. Во Владата, сепак, сметаат дека во јавноста непотребно се кренала голема врева околу нешто што континуирано се следи во надлежните институции. "Треба да им се верува на изјавите на одговорните во Фондот за ПИОМ и на министерот за труд и социјална политика, Стевчо Јакимовски, кои рекоа дека се станува збор за проблеми од техничка природа и дека се непотребни какви било стравувања околу текот на реформите", велат високи владини извори. Сепак, сметаат во Владата, не е добро за институциите кога комуникацијата меѓу нив и Светска банка се злоупотребува од страна на опозисциските партии, бидејќи се добива впечаток дека некои лица од државната администрација или некои луѓе од Светска банка се продолжена рака на одредени бирократи. Со тоа, не само што и се нанесува штета на Владата туку може да се направи штета и на државата. (М. Ј.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.