Свет
Судовите се најекспедитивни кога се во прашање новинарите
Само
во последниве неколку месеци се осудени неколку новинари на условни затворски
казни или на астрономски суми парични казни
Новинарите
тврдат дека се жртви на притисоци и на обиди за замолчување
Само
во последниве неколку месеци се осудени неколку новинари на условни затворски
казни или на астрономски суми парични казни
Судовите во земјава се особено експедитивни кога им судат
на новинарите обвинети за делата клевета и навреда. Само во последниве неколку
месеци осудени се неколку новинари на условни затворски казни или на
астрономски суми парични казни. Новинарката на Канал 5 телевизија Ида Протугер
пред извесно време е осудена на три месеци условна затворска казна затоа што во
прилог за Еуростандард банката објавила дека нејзин сопственик е актуелниот
градоначалник на Скопје, Трифун Костовски. Протугер, заедно со уште неколкумина
колеги-новинари од други куќи кои делат иста или слична судбина со неа, вчера
одржа прес-конференција на која беа презентирани случаите.
"Колку е ефикасно судството кога станува збор
за новинарите можете да видите и од овој случај. Јас сум шокирана од одлуката
на судот бидејќи воопшто не беа земени предвид доказите кои му беа презентирани
од моја страна. Беше цитиран и претходно објавен текст во дневниот печат, па
дури имав и изјава од премиерот Бучковски во која тој укажува дека Костовски е
сопственик на банката", изјави Протугер. Таа за случајот ги информирала
Европската асоцијација на новинари, ОБСЕ и странските амбасади во земјава.
Новинарката на "Вест" Александра
Стојановска неодамна била приведена од полицијата во 4 часот наутро, како
резултат на тужбата од министерот за здравство Владо Димов. Нејзиниот грев бил
што објавила оти Димов набавил ласерски нож од компанијата "Реплек".
Вели дека тужителите и се заканувале оти нема да се откажат се додека не замине
в затвор.
Лилјана Ѓорѓиева од Сител била експресно осудена на
парична казна од 63 илјади денари за објавен прилог за педијатар од Кратово,
кој е и претседател на општинската организација на СДСМ во овој град. Таа тврди
дека судењето не го водел судијата, туку адвокатот на тужителот кој притоа ја
навредувал и неа и целата професија. Слично со судот поминала и Мирјана Панова
од "Канал 5", а патем по еден прилог за случувањата во државната
клиника, случајно или не и бил уништен и автомобилот.
Новинарката на "Вечер" Виолета
Цветковска, која се соочуваа со слични судски процеси оценува дека
"експедитивноста на судовите во земјава се прекршува врз новинарите.
Наместо да се судат луѓето кои прават криминал или проневери, се судат
оние кои пишуваат на тие теми", вели Цветковска.
Како куриозитет, новинарите на вчерашниот прес
информираа дека во голем дел од случаите во кои новинарите се осудувани, како
застапник на тужителите се јавува адвокатската канцеларија Поленак. Главниот
уредник на Канал 5, Ацо Кабранов укажа на поврзаноста на релација бизнисмени-
адвокати-судии и побара праведно судење за новинарите и елиминирање на ваквите
спреги.
Споменатите новинари досега не добиле никаква
поддршка од Здружението на новинари на Македонија, ниту пак некој оттаму
покажал интерес за нивните случаи. Последна активност на ЗНМ која ја паметат
новинарите беше протестот пред МВР во времето кога министер беше Љубе Бошкоски.
(Б.Г.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Лекари во Загреб вградиле мозочен стимулатор на маж со Паркинсонова болест : „Може да вози велосипед, да плива“
Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен стимулатор. Пред еден месец новата технологија ја примил загрепчанец кој поради Паркинсоновата болест речиси станал неподвижен.
„Поентата на таа електрода е што стимулира дел од мозокот и на тој начин ја подобруваме клиничката слика, а батеријата освен што стимулира, купува и информации од тој дел од мозокот што го стимулираме и на тој начин можеме да ги подобриме симптомите“, изјави неврохирургот Фади Алмахарик за RTL.
Во КБ Дубрава изминативе 24 години се врши длабока мозочна стимулација, но првиот пациент беше опериран со оваа најнова технологија на крајот на март. Станува збор за 67-годишен загрепчанец со Паркинсонова болест, кој сега е пуштен на домашно закрепнување.
„Во договор со неврологот, стимулацијата се вклучува, терапијата се намалува, пациентот веднаш по вклучувањето на стимулацијата покажува знаци на моторно подобрување. Беше отпуштен дома на физикална терапија и дополнително прилагодување на стимулацијата“, изјави неврохирургот Марина Рагуж.
Веднаш штом ги отстранивме шевовите по 10 дена, почнавме со стимулација и денес пациентот може да вози велосипед, да плива, да се врати на своето секојдневие“, вели хирургот.
Свет
Русите уапсија двајца нивни војници за грозоморни злосторства
Двајца руски војници се приведени под сомнение дека убиле пет лица во окупираниот дел од областа Херсон. Александар Осипов и Александар Кајгородцев веќе ги признале злосторствата што ги направиле во селата Подо-Калиновка и Абрикосовка, пишува рускиот медиум Ура.ру.
Меѓу жртвите се двајца полицајци и началникот на селото Љубов Тимчак, кој е назначен од Русија. Телото на началникот било пронајдено во средата, а на него биле видливи рани од огнено оружје, оган и експлозивни направи.
Полицијата набрзо добила дојава од заменик началникот на округот Алешински за откривање на уште две изгорени и осакатени тела на маж и жена. Безбедносните сили ги уапсиле осомничените истиот ден, а набрзо се испоставило дека станува збор за руските војници Александар Осипов и Александар Кајгородцев.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.