Македонија
Забрането движење и на Водно во наредните 10 дена
Љубителите на природа во наредните десет дена ќе немаат многу можност да рекреираат на планината Водно, едно од омилените и најпосетуваните излетнички места во околината на Скопје.
Љубителите на природа во наредните десет дена ќе немаат многу можност да рекреираат на планината Водно, едно од омилените и најпосетуваните излетнички места во околината на Скопје.Градските власти вчера испратија соопштение преку кое ги информира граѓаните дека од утре се воведува забрана за движење во рамките на парк-шумата „Водно“ во периодот од 17 до 07 часот.Забраната е во согласност со Одлуката на Владата за целосна забрана за движење во шумите и шумските појаси на целата територија на Македонија, освен за вработените во претпријатијата што вршат сеча.Целта на забраната е да се спречи појавата на пожари поради топлотниот бран што ја зафати нашата земја.Во согласност со забраната, Градот Скопје информира дека и жичницата што води од Средно Водно до Милениумскиот крст нема да биде достапна за граѓаните, во истиот период, од 17 до 07 часот.Забраната за движење во парк-шумата „Водно“ во наведеното време ќе трае до 3 септември.Претходно министер за земјоделство, шумарство и водостопанство, Љупчо Димовски соопшти дека се воведува забрана за движење низ сите шуми во државата од 17 часот до 7 наутро„Движењето во шумите ќе биде дозволено исклучиво на вработените во претпријатијата кои што вршат сеча на шумите, и тоа во период од 7 до 17 часот. МВР, Шумската полиција и армијата се задолжуваат да вршат 24 контролирање и легитимирање во шумските предели во следните десет дена“, рече Димовски. Според прогнозите на УХРМ во наредните неколку дена се очекуваат високи температури поради што е зголемена опасноста од појавата на шумски пожари. ./крај/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.