Манчестер јунајтед во саботниот натпревар од 8. коло на Премиер лигата со Бретфорд ќе влезе без играчот за врска Коби Мајну.

Младиот фудбалер се пожали на повреда на мечот со Тотенхем, иако потоа играше и пред време го заврши натпреварот со Астон Вила.

Поради повредата ги пропушти натпреварите на Англија во Лигата на нации.

Клубот не се огласи по повод повредаа на Мајну, според медиумите тој ќе отсустува неколку недели.

Фудбалерот на Вест Хем, Лукас Пакета изјави дека лажните информации што ги објавуваат медиумите за неговиот спор за обложување на натпревари го загрозуваат неговото право на фер сослушување.

Тој додава дека неговите адвокати ќе побараат од Фудбалската асоцијација на Англија (ФА) да спроведе истрага за ова прашање.

„Фрустриран сум и разочаран што прочитав погрешни и неточни написи во весник во врска со мојот случај. Некои од информациите се целосно лажни и се чини дека се дизајнирани да ја поткопаат мојата позиција. Личност блиска до случајот медиумите ја користат како извор за овие неточни информации. Процесот со ФА треба да биде целосно доверлив. Процесот е многу сериозен за мене и за моето семејство“, објави Пакета на социјалната мрежа Инстаграм.

Истрагата за обложувањето на Пакета беше покрената на 18 август минатата година, а на 23 мај оваа година тој беше обвинет дека ги прекршил правилата на ФА на натпреварите против Лестер, Астон Вила, Лидс и Бурнмаут, бидејќи со намера добивал жолт картон за да заработи преку обложување.

„Постојаното протекување и објавување на неточни информации во медиумите ме става во ризик да немам фер сослушување. Затоа им кажав на моите адвокати да побараат од ФА да спроведе темелна истрага за тоа како информациите за случајот, дури и ако се неточни се појавуваат во јавноста Продолжувам да ги отфрлам обвинувањата против мене и со нетрпение очекувам да ја докажам мојата невиност“, додаде Пакета.

Пакета (27) за Вест Хем одигра 93 натпревари и постигна 15 гола, додека за бразилската репрезентација забележа 53 настапи и 11 гола.

Традиционалниот избор на Тутоспорт за најдобар млад играч во светот за 2024 година, наградата е наречена Голден бој влегува во самата завршница. Италијанскиот весник објави список од 20 финалисти. Прв фаворит според многумина е Ламин Јамал, европски првак со Шпанија.

Во гласањето ќе учествуваат 50 фудбалски фудбалски стручњаци и секој ќе може да гласа за пет играчи според системот: 10 бода за прво место, седум за второ, пет за трето, три за четврто, еден бод за петто место.

Победникот ќе биде прогласен на церемонија која ќе се организира во Торино на 16 декември…

Да потсетиме, претходниот добитник беше Џуд Белингем, додека две години пред него оваа награда ја добија фудбалерите на Барселона Гави и Педри. Доколку Јамал биде прогласен за најдобар за 2024 година, тој ќе биде петтиот Шпанец, односно четвртиот играч на Барса со оваа престижна награда.

Пред Гави и Педри, победници беа Сеск Фабрегас во 2006 година и Иско во 2012 година.