Регион
Ердоган го одби безвизниот режим
Турскиот претседател Реџеп Тајип Ердоган и порача на Европската унија(ЕУ) дека нема да ги менува своите антитерористички закони заради безвизниот режим што го нуди Брисел.
„Одете вие по вашиот пат, а ние ќе одиме по нашиот“, рече Ердоган, пренесува FTV.Пораката на Ердоган до Унијата стига по само еден ден откако оставка поднесе турскиот премиер Ахмет Давутоглу, кој преговараше со ЕУ.Европа побара од Турција да исполни пет критериуми, за да можат нејзините граѓани без визи да патуваат низ европските земји, а меѓу нив клучна е измената на законите и стеснувањето на законската дефиниција на тероризмот, во согласност со прописите во Европа.Ердоган не сака да се согласи на тоа, бидејќи, како што вели, Турција е под голема закана на тероризмот.Турскиот претседател рече дека што поскоро треба да биде организиран референдум за уставните реформи кои му даваат пошироки овластувања на шефот на државата.„Неопходно е итно да одлучиме за новиот устав со претседателските овластувања. Во најкраток рок е потребно да се организира гласање по тоа прашање“, рече Ердоган. /крај/он/ст
Извор: AP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Момчето убиец пристигна во судот во Белград: се очекува негово сослушување, шокантни сцени пред и во објектот
Малолетниот убиец од белградското основно училиште, кој на 3 мај минатата година уби десет ученици и обезбедувач, првпат по масакрот дојде во Специјалниот суд во Белград пред кој има вооружени полицајци, пишува „Блиц.рс“.
Момчето ќе биде специјален сведок на судењето на своите родители.
Како што јавија репортерите на „Блиц“ од местото на настанот, момчето убиец со возило на брзаѕта помош било донесено на задниот влез на Специјалниот суд. Возилото било придружувано од два полициски џипа што ротирале.
Пред Специјалниот суд има вооружени полицајци со пушки, кои ги обезбедуваат и судот и судењето.
Исто така, има и неколку полициски возила.
„Денеска, се очекува сослушувањето на малолетниот убиец. Тој има право да одбие да сведочи имајќи предвид дека веќе е сослушан. Ова е прва можност семејствата на убиените да поставуваат прашања што ги мачат веќе една година“, им рече адвокатот Огњен Божовиќ на новинарите.
Како што јавуваат новинарите на „Блиц“ од местото на настанот, шокантни се сцените пред и во судот. Секој час пристигнуваат родителите на убиените деца. Во судот влегуваат потиштени, со наведнати глави.
Регион
Ден на жалост во БиХ: бројот на жртвите во поплавите се зголемува, спасувачите и денеска се на терен
Денеска е ден на жалост на целата територија на Босна и Херцеговина поради катастрофалните поплави и одрони што зафатија делови од земјата. Во БиХ сè уште има жртви од поплавите и тој број постојано расте. Спасувачите и денеска се на терен, пренесуваат локални медиуми.
Состојбата со поплави и одрони во погодените подрачја сè уште е исклучително тешка, а операциите за пребарување и чистење на насобраниот насип и материјал продолжија и денеска.
Водата и одроните уништија десетици куќи и оштетија инфраструктура.
Градоначалникот на Јабланица, Дамир Шабановиќ, деновите од неделата до вторникот ги прогласи за денови на жалост по повод трагичната смрт на неколку граѓани во несреќата што го зафати подрачјето на Јабланица.
Регион
По трагедијата во „Рибникар“: момчето убиец првпат во суд и по подолго време пред родителите, местото преполно со полиција
Момчето убиец од Основното училиште „Владислав Рибникар“ утрово е донесено од болницата, каде што е сместено во зградата на Специјалниот суд, каде што денеска треба да биде сослушано во кривичната постапка против неговите родители.
Момчето убиец со возило на брзата помош било донесено на задниот влез на Специјалниот суд. Возилото било придружувано од два полициски џипа со ротации, пренесуваат тамошните медиуми.
Според написите, пред Специјалниот суд има вооружени полицајци со пушки, кои ги обезбедуваат и судот и судењето. Има и неколку полициски возила.
Српските медиуми потсетуваат дека момчето убиец, кое го изврши масакрот во ОУ „Владислав Рибникар“ на 3 мај минатата година, првпат ќе се сретне лице в лице со семејствата на неговите жртви, како и со неговите родители, откога уби невини деца и училиштен чувар, а од поведувањето на обвинението му беше забрането да комуницира.