Свет
Сириската армија се подготвува да ја нападне бунтовниот град Хама
Жителите на сирискиот град Хама се подготвуваат за неминовниот напад од силите за безбедност, кои преку ноќ го опкружија градот со тенкови и војници
Жителите на сирискиот град Хама се подготвуваат за неминовниот напад од силите за безбедност, кои преку ноќ го опкружија градот со тенкови и војнициВо петокот жителите на хама ги одржаа до сега најмасовните протести против режимот на претседателот Башир ал-Асад, на кој се појавија десетици илјади луѓе. Режимот одговори со бркање од функцијата на гувернерот на провинцијата и со испраќање на тенкови во градот, при што беа убиени намалку три лица, меѓу кои и едно 13-годишно момче. Сириските тенкови се повлекоа во саботата, но се вратија во понеделникот. Сега жителите на Хама ги блокираат улиците во обид да го забават претстојното навлегување на силите за безбедност. Хама е чувствително место, бидејќи пред 30 години таму беше кренато востание против владеењето на таткото на сегашниот претседател, кој исто така испрати војска во градот и уби неколку илјади жители. Според активистите за човекови права, вчера во градот се вршеле масовни апсења, при што исчезнале преку 250 луѓе. Ниту една информација од Сирија не може да се потврди од независни извори, затоа што режимот на Асад забрани присуство на странски новинари. Истите извори велат дека со последните акции претседателот ризикува да ја изгуби поддршката и на Русија и на Кина, кој спречија носење на резолуција против Сирија во Советот за безбедност на ОН и во голема мера му помогнаа на Асад да го издржи меѓународниот притисок. Асад, за возврат, вети дека ќе преговара со демонстрантите за покренување на национален дијалог за политичките реформи и ќе прекине со апсењата и со убиствата. Во последниве денови, владините сили извршија напади на повеќе села и мали градови северно од Хама, во регионот Џабал-ал-Завја. Нема извештаи за бројот на евентуалните жртви. Од почетокот на демонстрациите во март против 50-годишното железно владеење на партијата Баат, со која најпрвин раководеше таткото на Башир, се убиени повеќе од 1.000 луѓе, а неодреден број се сметаат за исчезнати и најверојатно се наоѓаат во специјалните центри на сириската тајна полиција. /крај/aljazeera/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Нови детали за малата Данка: нејзината ДНК не била пронајдена на автомобилот со кој била удрена
Како што пренесува „Нова.рс“ на ниту еден од предметите кои биле земени за помош во истрагата не биле пронајдени биолошки траги двегодишната Данка Илиќ од Србија.
Српскиот портал напиша дека досега се пронајдени повеќе од 400 траги во службеното возило за кое се сомневаат дека го користеле Дејан Драгојевиќ и Срѓан Јанковиќ кога, според нивното признание, ја удриле девојката. Обвинителството пред неколку дена ги доби резултатите од новите вештачења.
„Од внатрешноста на службениот автомобил во Бор се земени повеќе од 500 траги, како и траги од надворешната страна на автомобилот. Досега вештачењата покажаа дека нема трага од ДНК на Данка Илиќ, ниту во самиот автомобил, ниту на надворешните делови од возилото“, пишува „Нова.рс“ повикувајќи се на Вишото јавно обвинителство.
Медиумот потсетува дека осомничените работници на фирмата Водовод од Бор, Јанковиќ и Драгијевиќ биле на работна задача на 26 март кога во Бањско поле исчезна двегодишно девојче. Според признанието на Драгијевиќ, девојчето го удриле со службено возило, го задавиле и го фрлиле на дива депонија од каде два дена подоцна Дејан со неговиот татко (73) и неговиот сега починат брат Далибор ( 40), наводно го преселиле телото на друга, непозната локација.
Телото на двегодишната Данка сè уште не е пронајдено.
Регион
Се урна конструкција на рингишпил, повредени 13 деца, од кои едно е во животна опасност во Куршумлија
Во Куршумлија денеска се случила несреќа кога на локалниот саем се урнала конструкцијата на рингишпилот, пренесуваат српските медиуми.
Според написите, повредени се 13 деца, од кои едно потешко.
Станува збор за девојче, чиј живот е во опасност и има сериозни повреди на главата и ‘рбетниот столб.
Таа била итно префрлена во КЦ „Ниш“ на Одделот за неврохирургија.
Седум деца се во друга болница, каде што во тек е понатамошна дијагностика, а другите деца се полесно повредени, пишуваат тамошните медиуми.
Свет
Кремљ: Мешањето на силите на НАТО во украинскиот конфликт – огромна опасност
Режимот во Киев е прилично непредвидлив, интервенцијата на воените сили на НАТО во украинскиот конфликт на теренот претставува огромна опасност, изјави за новинарите портпаролот на Кремљ, Дмитриј Песков.
Според него, Москва ја смета за крајно провокативна петицијата објавена на веб-страницата на украинскиот лидер Володимир Зеленски, во која се апелира да се поканат странски војници во Украина.
„Сметаме дека ова во најмала рака е крајно провокативно и го следиме многу внимателно“, рече Песков.
Францускиот претседател Емануел Макрон неодамна во интервју за „Економист“ изјави дека не ја исклучува можноста за испраќање војници во Украина на барање на Киев доколку Русија ја пробие линијата на фронтот. Според него, многу земји од ЕУ се согласиле со мислењето на Париз за ова прашање.
Медиумите претходно објавија и дека Франција испратила војници од својата Легија на странци во Украина, пренесува „Танјуг“.