Свет
Гадафи нема намера да си замине од власта
Изјавите дека либискиот лидер Моамер ел-Гадафи се согласил да ја напушти власта во замена за гарантирање на неговата безбедност не одговараат на реалноста, изјави во вторникот за Reuters портпаролот на либискaта влада Муса Ибрахим
Претходно во вторникот, рускиот весник „Комерсант“ повикувајќи се на висок функционер во руската власт пишуваше дека Моамер ел-Гадафи се согласил да ја напушти власта во замена за безбедносни гаранции, а некои членки на НАТО, особено Франција, може да му понуди гаранции. Според соговорникот на весникот, Франција е подготвена да ги одмрзне сметките на Гадафи и на неговото семејство и „ветила дека во случај полковникот мирно да замине од власта де биде повлечено барањето за негово апсење издадено од Хашкиот трибунал“. Покрај тоа, била разгледувана и можноста либискиот лидер да остане во земјата.„Информациите за преговорите за заминување на Гадафи или дека тој е во потрага по безбедно засолниште во земјата или надвор од неа, се апсолутно невистинити“, го цитира агенцијата портпаролот Муса Ибрахим. „(Властите) Гадафи не размислува за тоа, тоа е нашата принципиелна позиција, и за иднината на Либија,треба да решат Либијците. Гадафи е историски симбол и Либијците умираат бранејќи го“, вели Ибрахим. Во понеделникот, либиската влада најави дека во Италија, Египет и Норвешка се состанале претставници на либиската влада и на бунтовниците. Според Муса Ибрахим, на состанокот одржан во Рим, бунтовничката страна била претставувана од поранешниот министер за безбедност на режимот на Гадафи кој во февруари мина на страната на бунтовниците во Бенгази, Абдел Фатах Јунис. Претходно во понеделникот за остварени „директни и индиректни контакти“ со бунтовници потврди ќерката на лидерот на Либија, Ајша Гадафи.Разговорите се воделе за прекин на огнот, хуманитарната помош и почеток на дијалогот меѓу Либијците, како и за период на транзицијата и политички промени, изјави портпаролот либиската влада.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.