Спорт
Контардо и Петерхансел триумфираа во осмата етапа

Фелисијано Лопез Контардо е победник на осмата етапа од релито Дакар во категоријата мотори на две тркала која се возеше од Антофагаста до Копиапо во Чиле со вкупна должина од 568 километри
Фелисијано Лопез Контардо е победник на осмата етапа од релито Дакар во категоријата мотори на две тркала која се возеше од Антофагаста до Копиапо во Чиле со вкупна должина од 568 километри.
Контардо ја заврши трката со време од 5 часа, 29 минути и 25 секунди, пред минатогодишниот победник Марк Кома и Пал Андрес Улевалселтер кој задоцни само една минути зад Контардо.
„Возев брзо, особено откако лошо ја завршив претходната етапа, па денес по паузата сакав да имам добар финиш, за сите луѓе кои ме чекаа на целта.“ изјави Контардо по победата.
Кома повторно беше казнет овојпат со 6 часа одземање од времето во вкупниот пласман поради недозволено менување на гумата за време на седмата етапа. Ваквите обвиненија тој ги негираше.
Стефан Петерхансел ја забележа третата победа во досегашниот тек од релито во категоријата автомобили, овојпат со време од 5 часа, 6 минути и 5 секунди. Втор до целта дојде Карлос Саинз, а трет Американецот Марк Милер. Маркос Патронели дојде до четвртата победа во категоријата мотори на четири тркала. Патронели ја извозе етапата со време од 7 часа, 25 минути и 28 секунди.
Втор беше Алехандро Патронели, а трет Французинот Кристоф Деклерк. Владимир Чагин остана неприкосновен во категоријата камиони со новата победа во осмата етапа, но и во генералниот пласман. Чагин ја заврши трката за 5 часа, 41 минута и 35 секунди, пред тимскиот колега Фирдаус Кабиров и Илгизар Мардеев исто така од Камаз.
Деветата етапа од релито Дакар ќе се вози од Копиапо до Ла Серена во Чиле со вкупна должина од 547 километри./крај/дак/сл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Синер и Алкарас рутински славеа над Ѓоковиќ, односно Фриц

Двајцата најдобри тенисери во светот, Карлос Алкараз и Јаник Синер се пласираа во финалето на турнирот „Шест Кралеви“ во Ријад. Турнирот е егзибиција, не е во калнедарот на АТП, а во полуфиналето Алкараз и Синер беа супериорни против Тејлор Фриц, односно Новак Ѓоковиќ.
Јаник Синер во два сета со 6:4, 6:2 го победи Ѓоковиќ. Најдобриот на сите времиња, Новак Ѓоковиќ нема решение за Синер. Италијанецот ја забележа седмата последовна победа против Ѓоковиќ.
Она што треба да го загрижи Ѓоковиќ што нема никакво решение за играта на Синер. Италијанецот направи брејк во вториот гем, а откако го доби првиот сет, со брејк го отвори вториот, а уште еден брејк направи во петтиот гем, со што птактично и го реши мечот.
Исто како и Синер и Карлос Алкараз славеше со 6:4, 6:2 во дуелот со Тејлор Фриц.
Овој меч имаше речиси ист тек како и дуелот Синер-Ѓоковиќ. Алкараз во првиот сет направи брејк во петтиот гем, во истиот гем му го одзеде сервисот на противникот и во вториот сет, а потоа направи брејк и во седмиот гем.
Спорт
(Видео) Меси може да остане без вилата од 11 милиони евра

Лионел Меси би можел да се соочи со рушење на неговата вила на Ибица вредна 11 милиони евра, поради контроверзиите околу имотот од 16.000 квадратни метри. Имено, вилата е изградена на заштитено земјиште без потребните дозволи.
Меси го купи имотот во 2022 година, но оттогаш се соочи со низа проблеми, вклучувајќи го и вандализмот од страна на климатските активисти минатата година.
Имотот лоциран во Сант Жозеп де Са Талаја на западниот брег на Ибица, Меси го купи од швајцарскиот бизнисмен Филип Амон. Сепак, во текот на изградбата биле прекршени правилата за урбанистичко планирање бидејќи ѕвездата на Интер Мајами во моментов нема важечка дозвола за употреба или потребните одобренија за вила на заштитено земјиште.
Според „AБЦ“, делумно рушење на вилата „не е исклучено“ ако ситуацијата не се реши.
Во август 2024 година, климатските активисти од групата „Футуро Вегетал“ упаднаа во имотот и го вандализираа, боејќи го црвено и црно и споделувајќи фотографии на социјалните мрежи.
Двајца членови на групата држеа транспарент на кој пишуваше „Помогнете ѝ на планетата, изедете ги богатите, укинете ја полицијата“, во она што се верува дека е протест против владините политики што ја влошуваат климатската криза.
Тие ги објаснија своите постапки во објава на социјалната мрежа „X“: „Ја обоивме нелегалната вила на Меси на Ибица. Вилата е нелегална градба што фудбалерот ја купи за претерана сума од 11 милиони евра. Додека ова се случува, само на Балеарските Острови помеѓу 2 и 4 лица починаа како директен резултат на топлотниот бран. Најбогатиот, еден отсто од населението е одговорен за истата количина емисии на јаглерод како и најсиромашните две третини… Потребна ни е радикална промена во системот за да се соочиме со климатската криза.“
Spanish eco and climate change activists from Futuro Vegetal have vandalized Lionel Messi’s Ibiza home.
Via @OliLondonTV pic.twitter.com/Ru0bhlLddi
— Visegrád 24 (@visegrad24) August 6, 2024
Спорт
Ленокс Луис ги избра петте најдобри боксери на сите времиња

Ленокс Луис се смета за еден од најголемите имиња во тешка категорија во историјата на боксот. Иако има два порази со нокаут во кариерата, тој успеа да им се одмазди на двајцата борци кои го победија, постигнувајќи вкупно 41 професионална победа. За време на неговата импресивна кариера, поранешниот освојувач на златен олимписки медал се соочи со некои од најголемите легенди во тешка категорија, а неговата борба со Мајк Тајсон е сè уште еден од најпрофитабилните мечеви на сите времиња, пишува „Bloody Elbow“.
Во неодамнешно видео објавено на Инстаграм, Луис го откри својот личен список на петте најдобри боксери во историјата. Интересно е што тој не вклучи ниту еден боксер против кого се натпреварувал, како што се Мајк Тајсон или Евандер Холифилд, иако забележа дека би „се ставил во иста соба со тие борци“.
На врвот на својата листа, Луис очекувано го стави Мухамед Али, чиј прекар „Најголемиот“ совршено го опишува неговото наследство. Заедно со Али, листата вклучува уште четири легенди кои ги дефинираа своите епохи:
Џек Џонсон – првиот црн светски шампион во тешка категорија (1908 – 1915).
„Чудото“ Марвин Хаглер – легендарен борец во средна категорија кој ги победил великаните како Томас Хернс и Роберт Дуран.
Џорџ Форман – поранешен двократен светски шампион во тешка категорија и освојувач на златен олимписки медал.
Џо Луис – сопственик на најдолгото владеење со титулите во историјата на боксот, кое траело 11 години и 8 месеци.