Спорт
Раул и официјално го напушта Реал Мадрид
По 16 години минати во шпанскиот гигант, 33-годишниот Раул во понеделник и официјално се збогуваше со Реал Мадрид
Како што известуваат шпанските медиуми. Според претходно најавеното, Раул денеска ја одржал последната прес-конференција во Кралската ложа на стадионот „Сантјаго Бернабеу“, пролевајќи солзи, пренесуваа агенциите.„Ова за мене е многу тежок ден. Во Реал ги минав најубавите и најтажните моменти во својата кариера, Реал засекогаш ќе биде мој клуб, меѓутоа сакам и натаму да играм“, изјавил Раул кој не открил во кој клуб ќе ја продолжи кариерата, но шпанските дневни весници Marca и As пишуваат дека станува збор за германскиот бундеслигаш Шалке. Во дресот на Реал, Раул ги постави сите момементални рекорди: стана најмлад играч во историјата на клубот кој дебитирал на првенствен меч – со 17 години и четири месеци, одигра најмногу мечеви во историјата на Реал – 729, постигнувајќи најмногу голови – 322 и најмногу лигашки голови – 228. Зад него на листата рекорди на Реал останаа велични како што се легендите Алфередо Ди Стефано, Ференц Пушкаш, Карлос Сантиљана итн. Во 16-те години Раул и Реал освоија вкупно 16 трофеи: шест титули првак на Шпанија, три титули во Лигата на шампионите, освоија четири шпански Суперкупови и еднаш европскиот Суперкуп и двапати беа победници на Интерконтиненталниот куп.На прес-конференцијата присуствувале и претседателот на Реал, Флорентино Перз, директорот Хорхе Валдано и други познати лица од клубот кои му одале признанение на Раул како на клубска легенда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ландо Норис го победи Ферстапен на ГН на Мајами
Ландо Норис ја забележа првата победа во кариерата. Возачот на Мекларен победи на трката за Големата награда на Мајами. Ова е прва победа за Мекларен од 2021 година кога Даниел Рикардо победи во Монца. Норис во Мајами победи пред Макс Ферстапен (Ред Бул) и Шарл Леклер (Ферари).
Норис, трката во Мајами ја стартуваше од петтата позиција, која ја загуби на стартот, но како што одминуваа круговите тој беше најбрзиот човек на патеката. Најбрзиот круг го возеше во 25 круг, кога дел од неговите конкуренти ги сменија гумите.
За одличното возење го „погледна и среќата“. Поради инцидентот меѓу Магнусен и Сарџент, во 28.круг на патеката излезе возилото за безбедност. Норис го искорсти влезе во боксот и се врати на челната позиција.
Откако возилото за безбедност ја напушти патеката, Норис на чиста брзина ја доби борбата со Ферстапен.
Британецот со деби победата ја прекина доминацијата на Ферстапен во Мајами, кој имаше шест последовни победи на оваа патека.
Бодови во Мајами освоија: Карлос Саинц (Ферари), Серхио Перез (Ред Бул), Луис Хамилтон (Мерцедес), Јуки Цунода (РБ), Џорџ Расел (Мерцедес), Фернандо Алонсо (Астон Мартин) и Естебан Окон (Алпин).
Спорт
Реми во дербито меѓу Рома и Јувентус
Рома и Јувентус освоија по еден бод, откако во дербито на 35.коло одиграа 1:1, на „Олимпико“ во Рим.
Рома никако не може да биде здоволна со бодот бидејќи си го компромитира пласманот во Лигата на шампионите. Италија наредната сезона ќе има пет екипи во Лигата на шампионите, а Рома на петтото место има три бода и два натпревари повеќе од Аталанта.
Натпреварот почна добро за Рома, Лукаку се најде на вистинското место во вистинско време и му донесе водство на својот тим во 15. минута.
Јувентус после тоа не сакаше да тактизира, избраниците на Масимилијано Алегри тргнаа во напад, а во 31.минута ја искористија грешката во одбраната на Рома. Резултатот го изедначи Бремер.
До крајот на мечот Јуве беа поблуску до победата. Киеза ја погоди стативата во 47.минута, а потоа голманот Свилар имаше две добри интервенции.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.