Спорт
СП Кореа/Јапонија 2002
Светското првенство во фудбал во 2002 година се одржа во Јапонија и Јужна Кореа од 31 мај до 30 јуни, а Бразил по петти пат стана шампион победувајќи ја репрезентацијата на Германија со 2:0
Репрезентацијата на Турција го освои третото место со победата на еден од домаќините, Јужна Кореа со 3:2. Јапонија и Јужна Кореа се изборија да бидат домаќини, победувајќи го Мексико. Во квалификациите на ова светско првентсто учествуваа 199 земји, од кои само 32 репрезентации успеаја да учествуваат на завршниот турнир. Од сите репрезентации кои се квалификуваа, Јапонија и Јужна Кореа беа автоматски квалификувани како домаќини, додека Франција се пласираше како првак од претходното првенство во 1998 година, што претставуваше последен пат шампионот директно да се квалификува за следното првенство . ПО прв пат на овој мундијал учествуваше репрезентацијата на Сенегал, Словенија, Кина и Еквадор, Во завршницата учествуваа 13 екипи од УЕФА (Европа, пет од ЦЕФ (Африка, четири од КОНМЕБОЛ (Јужна Америка), четири од АФЦ (Азија) и три од Северна Америка и Кариби. За преостанатите две места се бореа Азија против Северна Америка и Јужна Америка против Океанија. Натпреварите се играа на 20 стадиони, по десет во Јужна Кореа и Јапонија, а најголемиот стадион во Јокохама, Јапонија собираше 80.000 луѓе. Повеќето беа изградени з апотребите на Светското првенство.
ИграУште на почетокот на првенството се случи најголемото изненадување. Бранителот на титулата, Франција, без повредениот Зинедин Зидан, беше поразена во првиот натпревар со Сенегал, земја што прв пат учествуваше на мундијалите со 1:0. Јужна Кореа со победата над Шпанија во четвртфиналето по изведени пенали, е првата азиска земја која стигнала до полуфинале. Двата натпревари во полуфиналето завршија со резултат 1:0. Во првата, голот на Балак беше доволен Германија да ја совлада репрезентацијата на јужна Кореа. Балак доби жолт картон на натпреварот, па немаше право да игра во финалето. Роналдо го постигна својот шести гол на турнирот, за победа на Бразил над Турција.
Финалето, одржано во Јокохама, Јапонија двата гола на Роналдо ја осигураа победата на Бразил против Германија. Роналдо погоди два пати во второто полувреме што му ја осигура и наградата Златна копачка. Ова беше петти шампионат за Бразил што ја зацврсти позицијата на оваа репрезентација како најтрофејна. Капитенот Кафу, кој е единствениот играч што учествувал на три последователни првенства го прими пехарот.
Проблеми со влезницитеПрвиот број влезници за Светското првенство во Јапонија и Јужна кореа беше распродаден многу брзо, по што двете земји вратија дел од влезниците наменеети за останатите земји уште во април. Но, сепак на првите два меча на отворањето на првенството се забележуваа значителен број празни седишта., по што се дозна дека Светското биро за продажба на влезници не ги продало сите и се уште ги има кај себе. Откако ФИФА побара сите да бидат пуштени во продажба, таа се одвиваше по телефон и преку интернет. НаградиЗлатната копачка му припадна на Роналдо од Бразил со постигнати осум гола. Златната топка за најдобар играч и наградата Јашин за голмани му припаднаа на Германецот Оливер Кан. Белгија беше прогласена за фер-плеј играч, а најзабавна екипа беше репрезентацијата на Јужна Кореја. Најдобар млад играч е Лендон Донован од САД.
МаскотиАто, Каз и Ник (Сферикс) – Портокалови, виолетови и сини (соодветно) футуристички, компјутерски-создадени суштества. Членови се на тимот „Atmoball“ (измислен спорт сличен на фудбал), Ато е тренер додека Каз и Ник се играчи. Трите индивидуални имиња се избрани според предлози на корисници на интернет и купувачи во Мекдоналдс во земјите домаќини.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ливаковиќ се враќа во Динамо
Доминик Ливаковиќ (30) е блиску до враќање во Динамо во зимскиот преоден рок. Ливаковиќ сака да се врати во Динамо, а и клубот сака легендата повторно да застане на голот. Извори блиски до клубот наведуваат дека договорот е блиску до завршување, со оглед на тоа што постои взаемна волја. Ова лето, Ливаковиќ отиде на позајмица во Џирона до крајот на сезоната од Фенербахче, со кого има договор до летото 2028 година.
Двата и пол месеци по преселбата во Џирона, тој нема настап за клубот, три пати бранеше за репрезентацијата во квалификациите за Светското првенство.
Клучно е за Динамо тој да не игра до јануари бидејќи ако игра за Џирона, ќе го изгуби правото да игра за Динамо. Причината за ова е што фудбалер може да се регистрира за три клуба во една сезона, но може да игра само за два во наведениот период.
Ливаковиќ бранеше 293 пати за Динамо пред да замине во Фенербахче во летото 2023 година со надомест од 6,6 милиони евра. 18 месеци тој беше прв голман на Фенербахче таму, но потоа во вториот дел од минатата сезона Жозе Мурињо го деградираше на клупата.
Ливаковиќ остана таму и на почетокот на оваа сезона, но доби шанса да игра само во два натпревари на Фенербахче.
Спорт
(Видео) Најдобриот стрелец во историјата на Финска се збогуба со националниот тим
Најдобриот стрелец на финската фудбалска репрезентација Тему Пуки (35) го одигра последниот натпревар за репрезентацијата.
Тој немаше среќа да се збогува со победа, згора на тоа, Финците доживеаа прилично непријатен пораз од Малта на домашен терен (0:1), но дури ни таков неуспех не го засени најемотивниот момент на натпреварот.
Солзите на Тему Пуки на крајот од натпреварот беа, без сомнение, најсилниот впечаток со кој неговите сонародници го напуштија стадионот.
Teemu Pukki was moved to tears after playing at Helsinki Olympic Stadium for the final time 🥹
Pukki, 35, retires as Finland's leading scorer; only Jari Litmanen won more caps. He looked like a mere mortal, played like anything but and leaves a legend 🤍pic.twitter.com/TVHEuDKxJH
— Men in Blazers (@MenInBlazers) November 14, 2025
Пуки се збогува со репрезентацијата за која дебитираше во 2009 година, интересно, тогаш го замени легендарниот Јари Литманен како 18-годишник во натпреварот против Јапонија. Литманен се уште е рекордер по број на настапи за репрезентацијата.
Во годините што следеа, Пуки сепак успеа да го надмине Литманен, на листата најдобри стрелци. Стана најдобар стрелец на репрезентацијата со 42 гола.
Литманен (137) одигра пет натпревари повеќе во националниот тим од Пуки (132).
Најдобриот стрелец на Финска се врати во Хелсинки минатиот јануари по 13 години играње во странство.
Спорт
Ливерпул и Јувентус водат во трката за потписот на Гнабри
Иако Серж Гнабри игра брилијантно оваа сезона во Баерн Минхен, постојат големи шанси да го напушти клубот по завршувањето на сезоната.
Причината е возраста, но и неговиот договор, кој истекува во јуни 2026 година, па од јануари ќе стане слободен да преговара со потенцијални идни клубови.
Први во редот да го земат Гнабри без обештетување се Ливерпул и Јувентус.
„Билд“ пишува дека Баерн не сака да ја продолжи соработката со германскиот репрезентативец, бидејќи му плаќаат помеѓу 18.000.000 и 20.000.000 евра бруто, на годишно ниво.
Гнабри се докажа на големата сцена како исклучителен фудбалер, но факт е дека во претходните две сезони беше во значителен пад, и дека немаше иста статистика како во годините пред тоа.
Оваа сезона, пак, игра многу подобро, но во Баерн проценуваат дека тоа не е доволно за да стават нов договор на маса со истите услови.
Интересно е што досега одигра точно 300 натпревари за клубот од Минхен, со 95 гола и 65 асистенции.
Во германската репрезентација има 55 настапи и 24 гола, заедно со девет асистенции

