Свет
Стечај или продажба на Тутунскиот комбинат во Прилеп?
ПРИЛЕП – Околу 2.400 акционери, од кои 1.270 вработени, се сериозно загрижени за иднината на Тутунскиот комбинат во Прилеп кој, според последната процена на капиталот од пред десетина години вреди 26 милиони евра.
ПРИЛЕП – Околу 2.400 акционери, од кои 1.270 вработени, се сериозно загрижени за иднината на Тутунскиот комбинат во Прилеп кој, според последната процена на капиталот од пред десетина години вреди 26 милиони евра. Менаџерскиот тим подолго време го реализира акциониот бизнис-план усвоен од Владата, според кој со ослободување на компанијата од несуштинските дејности финансиски треба да се консолидира за да стане атрактивна за стратегиските инвеститори. И покрај најавите за зголемено интересирање на неколку потенцијални инвеститори, рано е да се говори кога и под кои услови ќе се изврши конечна приватизација со продажба на државниот капитал од 43,53 отсто.
„Најсериозен стратегиски инвеститор е турската реномирана тобако компанија ’Себа‘. Имавме неколку средби со сопственикот Сабедин Туркер, треба уште еднаш да се сретнеме заедно со премиерот Владо Бучковски, но рано е да се говори за нешто конкретно, бидејќи покрај турската компанија, холандскиот инвестициски фонд до Владата испрати писмо со намери. Од друга страна, и понатаму постои интересирање на шпанската фирма ’Алтадис‘ и уште една европска компанија влијателна во европската тобако-индустрија", вели Димитар Богдан, генерален директор на комбинатот. Според информациите, продажбата на државниот капитал нема да заврши до крајот на годинава, а досега никој не разговарал за висината на акциите.
„Номиналната вредност на една акција изнесува 51,13 евра, но таа не е и продажна цена. Висината на акциите ја одредува исклучиво Берзата во зависност од побарувачката и стратегиските инвеститори одговорите околу прашањата за акциите ќе ги бараат на Берзата", вели директорот Богдан, демантирајќи ги сж почестите шпекулации дека една акција на комбинатот ќе се продава по 25 евра.
И премиерот Бучковски при последната посета на Прилеп со коментар за продажбата на државниот капитал. „Земјоделците заговараат дека е подобро државата да остане партнер, ако може да стане и доминантен сопственик, но јас не сум убеден дека тоа е најдобро решение за комбинатот. Јас сж уште претендирам и преферирам да најдеме стратегиски интевститор, да ги зацврстиме позициите на комбинатот, бидејќи последната криза настана затоа што имаше криза токму во фирмата", го изнесе својот став премиерот Бучковски. Тој за време на изборната кампања за локалните избори им вети на прилепчани дека компанијата за кусо време ќе се продаде на турски инвеститор. Оттогаш изминаа речиси една и пол година.
Инаку, од финансиски аспект комбинатот вложува напори да го намири долгот спрема УЈП за неплатени даноци во висина од околу 5 милиони евра со отуѓување на објектите од несуштинските дејности. Долгот спрема ПИОМ е репрограмиран, остануваат за исплата уште 1,2 милион евра на 32 рати.Околу 14 милиони евра се обврските на компанијата спрема комерцијалните банки за долгорочни хипотекарни кредити, но ануитетите редовно се исплаќаат. Според менаџерскиот тим, има доволно тутун на залиха за да може да се преполоват обврските – 10 милиони евра кон Бирото за стоковни резерви. Раководството тврди стратегискиот инвеститор е единствена иднина за компанијата. Познавачите на приликите велат дека, во спротивно, стечајот е неизбежен, а последиците ќе бидат далекусежни, „социјална бомба" која не смее да ја дозволи ниту една влада. (М.Т.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Иран воведе санкции кон САД и Велика Британија поради поддршката кон Израел
Иранските власти денеска објавија дека воведуваат санкции против неколку американски и британски поединци и субјекти поради нивната поддршка на Израел во војната против палестинското движење Хамас во Појасот Газа.
Иранската дипломатија соопшти дека санкциите се однесуваат на седум Американци, меѓу кои и генералот Брајан Фентон, шеф на командата за специјални операции и вицеадмиралот Бред Купер, поранешен шеф на американските поморски сили на Блискиот Исток.
Од британските функционери и субјекти цел на санкциите се министерот за одбрана Грант Шапс и британската кралска морнарица во Црвеното Море.
Санкции беа најавени и против американските компании „Локид Мартин“ и „Шеврон“ и британските компании „Елбит системс“, „Паркер Мегит“ и „Рафаел УК“.
Иранското Министерство за надворешни работи додаде дека санкциите вклучуваат „блокирање на сметки и трансакции во иранскиот финансиски и банкарски систем, блокирање на средства под јурисдикција на Иран, како и забрана за издавање визи и влез на иранска територија“.
Влијанието на овие мерки врз поединци или субјекти, како и врз можните средства или трансакции со Иран, сепак, останува неизвесно.
Од почетокот на војната во Појасот Газа, предизвикана на 7 октомври со нападот на палестинското исламистичко движење Хамас на израелска територија, нагло се зголемија тензиите меѓу Израел од една страна и Иран и неговите сојузници, особено либанскиот Хезболах, од друга.
Ситуацијата се вжешти на 13 април, кога Иран изврши напад врз Израел, со 350 беспилотни летала и проектили, од кои повеќето беа пресретнати со помош на САД и други земји.
Иранските власти тогаш објавија дека дејствувале во „самоодбрана“ по смртоносниот напад што му се припишува на Израел врз иранскиот конзулат во Дамаск на 1 април.
Свет
Нетанјаху: Ако Евреите не се заштитат самите, никој нема да ги заштити
Евреите мора да бидат способни да се „одбранат“ бидејќи никој нема да ги заштити, изјави денеска израелскиот премиер Бенјамин Нетанјаху, додека се повеќе се креваат гласови против војната што Израел ја води во Појасот Газа.
„Ако треба да се браниме, ќе се браниме. Ако е можно да се мобилизираат „оние што не се Евреи“, тоа е добро. Но, ако не се заштитиме, никој нема да го направи тоа“, рече Нетанјаху.
Премиерот ова го изјави на приемот на преживеаните од нацистичкиот геноцид кои во недела ќе учествуваат на церемонијата на Денот на сеќавањето на Холокаустот во меморијалниот центар Јад Вашем.
Разорната војна што Израел ја започна во Појасот Газа како одмазда за нападот на палестинското движење Хамас на 7 октомври во Израел предизвикува зголемени критики ширум светот.
Осврнувајќи се на студентското движење во знак на солидарност со Палестинците во градовите на американските колеџи, Нетанјаху рече дека ги осудува „страшните демонстрации на антисемитските орди кои повикуваат на уништување на Израел и ги напаѓаат еврејските студенти и професори“.
Нетанјаху, исто така, се соочува со отворено меѓународно противење на неговата намера да започне голема офанзива врз градот Рафах, во јужниот дел на Појасот Газа.
Тоа е засолниште за еден и пол милион Палестинци, од кои огромното мнозинство се раселени поради војната, додека израелските власти сметаат дека градот е последното упориште на борците на Хамас.
Свет
Трамп: Погледнете ги Лондон и Париз, тие се непрепознатливи
Поранешниот американски претседател Доналд Трамп изјави за време на предизборниот митинг во Висконсин дека Лондон и Париз се „непрепознатливи“, пренесува „Politico“.
„Видовме што се случи кога Европа ги отвори вратите за џихад. Погледнете го Париз, погледнете го Лондон. Тие се непрепознатливи“, рече Трамп, кој ќе се кандидира за нов мандат во Белата куќа на претседателските избори во ноември годинава.
„Ќе влезам во многу проблеми со луѓето во Париз и луѓето во Лондон, но знаете што, тоа е факт. Тие се непрепознатливи и не можеме да дозволиме тоа да и се случи на нашата земја. Имаме неверојатна култура, традиција. Не можеме да дозволиме тоа да се случи овде и никогаш нема да дозволам да им се случи на Соединетите Американски Држави“, рече тој.
Трамп често ги критикуваше европските земји. Во декември 2015 година, набргу откако Париз беше погоден од смртоносен исламистички терористички напад, тој рече дека населбите во Париз и Лондон се толку опасни што полицијата одбила да оди таму. Во тоа време, Трамп го бранеше својот план „целосно да им забрани на муслиманите да влезат во САД“.
И покрај тоа што беше критикуван за тие забелешки, Трамп продолжи да ја брани својата позиција. „Вистинскиот Париз е различен од Градот на светлината за кој читате. Има области во Париз каде луѓето се толку радикализирани и толку злобни, што полицијата одбива да оди таму. Тие нема да одат таму. Тоа ќе се случи на нашата земја“, предупреди тој.
Во јануари 2016 година тој изјави дека животот во Брисел е како да живееш во „пекол“ поради недостаток на „асимилација“ на муслиманското население.