Свет
Сириски пратеници поднесуваат оставки како протест против насилството
Двајца пратеници од сирискиот парламент изјавија дека поднеле оставки во знак на протест против насилството за време на задушувањето на антивладините демонстрации од страна на воените и полициски специјални служби, пренесува во саботата катарската сателитска телевизија Al Jazeera
Одлуката на парламентарците дојде откако беше соопштено за употреба на огнено оружје од страна на полициските службеници против демонстрантите во повеќето сириски градови. Според информацијата на телевизијата, врз масите народ било стрелано со снајпери од покривите на околните згради. Својата одлука да поднесат оставка ја објавија пратениците Халил ал-Рифаи и Насир ал-Харири. И двајцата ги претставуваат изборните единици во градот Дера’a, каде што подолго време се организираат масовни анти-владини протести. „Решавање на ситуацијата со примена на сила, не функционира“, изјави ал-Рифаи. Во петокот во повеќе градови во Сирија беа организирани масовни опозициски протести на кои според извештаите на медиумите, се убиени повеќе од 100 луѓе. Припадниците на опозицијата во саботата објавија список со имињата на 112 жртви од почетокот на протестите против режимот на претседателот Башар ал-Асад. Протестите во Сирија започнаа во средината на минатиот месец откако во Дера’а во близината на границата со Јордан, беа уапсени група ученици кои пишувале антивладини пароли по ѕидовите. Нивните сограѓани излегоа на улиците барајќи нивно ослободување, а подоцна немирите се проширија и во другите делови на земјата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Смрт за Америка и Израел“: Хутите тврдат дека собориле американски борбен дрон
Јеменската милитантна група Хути соопшти дека соборила американско борбено беспилотно летало MQ-9 Reaper и објави видео на кои се прикажани делови од дронот.
Хутите тврдат дека го собориле дронот со проектил земја-воздух, дел од новата серија напади на бунтовниците оваа недела, по релативно затишје во војната меѓу Израел и Хамас во Појасот Газа.
Пентагон, Централната команда на САД и американските воздухопловни сили не ја коментираа изјавата на милитантите, но Си-Би-Ес Њуз цитираше неименуван американски функционер кој потврдил дека дронот се урнал во Јемен.
Видеото објавено од Хутите вклучува ракета која е лансирана кон беспилотно летало, а во позадина се слуша како човек го рецитира слоганот на групата по ударот на авионот: „Господ е најголем, смрт за Америка, смрт за Израел, проклетство на Евреи, победа на исламот“.
На видеото се прикажани и неколку главни делови од дронот, вклучувајќи го и логото на General Atomics, која го произведува авионот, како и серискиот број.
Свет
Апокалипса во Кина: силно торнадо руши се’ пред себе, 5 загинати и многу повредени
Најмалку пет лица загинаа, а 33 се повредени во силно торнадо што денеска го погоди јужниот кинески град Гуангжу, јави кинескиот јавен сервис CGTN.
Сеизмолошкиот институт соопшти дека торнадото било на ниво 3, што е две нивоа под највисокото, а увидот за материјалната штета е во тек, објави државната новинска агенција Ксинхуа.
Метеоролошката станица во селото Лијангтиан во округот Бајин, на околу три километри од местото каде што потекнува торнадото, попладнево забележа максимален удар на ветер од 20,6 метри во секунда.
Претходно во текот на денот, градските власти издадоа предупредувања за можна појава на грмотевици, дожд, град и торнада во многу окрузи.
Ова доаѓа додека провинцијата Гуангдонг се бори со рекордни поплави предизвикани од обилните дождови, кои однесоа најмалку четири животи и раселени десетици илјади луѓе низ неколку градови.
Најмалку 10 лица се водат како исчезнати.
Свет
(Видео) Приведени 100 учесници на пропалестинските демонстрации на Универзитетот во Бостон
Полицијата денеска го растури студентскиот протест против израелската агресија во Појасот Газа на североисточниот универзитет во Бостон, а Универзитетот соопшти дека се уапсени околу 100 студенти.
Од универзитетот додаваат дека секој што имал универзитетска лична карта е ослободен и дека „ќе се соочи со дисциплинска постапка на универзитетот, но не и законска постапка“.
Во соопштението на универзитетот се нагласува дека активностите на демонстрантите се зголемени на ниво кое училиштето „не може да го толерира“, пренесува Бостон Хералд.
Les étudiants de l'Université Northeastern de Boston ont empêché les fourgons de police de quitter les locaux avec les étudiants arrêtés après avoir tenté de démanteler le camp de solidarité de Gaza. pic.twitter.com/bnJQQJ7YZU
— Marysieńka (@MarieMarysienka) April 27, 2024