Свет
Остатоците на „Конкордија“ нема да бидат тргнати пред крајот на годината
Остатоците на хаварисаниот брод „Коста Конкордија“ можеби ќе останат пред островото Џиљо до крајот на годината, пред да бидат исечени на делови или одвлечени, изјави во неделата функционерот надлежен за санирање на последиците од несреќата.
Остатоците на хаварисаниот брод „Коста Конкордија“ можеби ќе останат пред островото Џиљо до крајот на годината, пред да бидат исечени на делови или одвлечени, изјави во неделата функционерот надлежен за санирање на последиците од несреќата. Нуркачите во неделата го запреа пребарувањето на остатоците на заринканиот брод по тела на настраданите од хаваријата што се случи во близина на брегот, поради немирното време и силните ветрови кои забележително го придвижија бродот, соопштија италијанските власти. Лошото време, исто така, веќе го одложи отстранувањето на 2.300 тони дизел гориво од резервоарите на бродот, што може да трае меѓу три седмици или цел месец од почетокот на операцијата, којашто ќе почне најверојатно кон средината на идната седмица.Директорот на цивилната заштита на Италија, Франко Габриели, кој е надлежен за водење на операцијата за санирање на последиците од несреќата на „Коста Конкордија“ , изјави дека можеле да минат седум до десет месеци пред остатоците од бродот конечно да бидат тргнати од пред влезот во пристаништето.„Од претходно веќе знаевме дека тоа ќе биде многу долг случај и мислам дека е важно што сите се целосно свесни дека тоа ќе се случи за многу долги рокови“, изјавил Габриели за новинарите.Работата на спасувањето или отстранувањето на бродот не може да почне пред да се отстрани горивото и маслото, со што ќе се избегне опасноста од еколошка катастрофа, а пред носењето на одлуката како ќе се продолжи, ќе има многу прелиминарна работа, додал Габриели.Потрагата по телата на настраданите е сопрена во неделата откако мерните инструменти утврдиле дека 290 метри долгиот брод за шест часа се придвижил 3,5 центиметри, додека нормалното придвижување изнесува еден до два милиметра.Задолжените за санирање на последиците од бродоломот изјавија дека бродот е стабилен и дека нема голема непосредна опасност да се лизне од сегашната положба на 20 метри длабочина во подлабокот море. Но и најмалото придвижување претставува опасност за нуркачите кои ја пребаруваат внатрешноста на бродот во кој плутаат многу скршени стакла, намештај и лични предмети на патниците и на членовите на екипажот.Во моментов се потврдени 17 жртви, а како исчезнати се водат околу 20 лица од вкупно 4.299 патници и членови на екипажот на италијанскиот туристички крстосувач „Коста Конкордија“ кој доживеа хаварија во близната на островот Џиљо во Тиренското Море во близина на брегот на италијанскиот регион Тоскана, ноќта кон 14 јануари./крај/афп/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Над 30 лица загинаа во поплавите во Бразил, 60 лица се водат како исчезнати
Повеќе од 30 лица загинаа во поплавите во јужен Бразил, 60 лица се водат како исчезнати, додека околу 15.000 жители се евакуирани.
Хидроелектрична брана во бразилската држава Рио Гранде до Сул се урна поради поплавите предизвикани од обилните дождови неколку дена, а најмалку 500.000 луѓе останаа без струја и чиста вода, јавува Би-би-си.
Во акцијата за пребарување и спасување беа вклучени и хеликоптери, а во некои населби жителите се качија на покривите на нивните поплавени домови.
Бразилскиот претседател Луис Инасио Лула да Силва го посети поплавениот регион и вети помош од Владата на Бразил.
Гувернерот на државата Рио Гранде до Сул, Едуардо Леите побара итна помош за луѓето во поплавените подрачја, а владата на таа држава прогласи вонредна состојба.
Метеоролозите најавија дека врнежите ќе продолжат во тој регион.
Повеќе од 30 луѓе загинаа минатата година во циклон во Рио Гранде до Сул.
Регион
(Видео) Една година од масакрот во училиштето во Белград, беа убиени девет ученици и чуварот
Помина точно една година од трагедијата во училиштето „Владислав Рибникар“ во Белград, кога Коста Кецмановиќ вооружен со пиштолот на татко му уби девет ученици и чуварот на училиштето, а рани уште неколку.
На местото на трагедијата пристигнуваат се повеќе луѓе за да им оддадат почит на жртвите. Први пристигнале членовите на семејствата на убиените деца, а глетката пред училишната зграда никого не остава рамнодушен, објавија српските медиуми.
На посебно плато пред училиштето, каде се поставени фотографиите и имињата на убиените деца и чуварот, се оставаат цвеќиња и се палат свеќи.
И претседателот на Србија, Александар Вучиќ, утрово положи цвеќе во ОУ „Владислав Рибникар“.
„Помина една година од невидената трагедија која остави неизбришлива лузна на душата на целата земја, но болката, неверувањето и неизмерната тага не поминаа“, рече Вучиќ.
На 3 мај минатата година Коста дошол вооружен во училиштето и од влезната врата го започнал својот крвав поход, во кој животот го загубија девет деца и чуварот.
Откако го извршил масакрот повикал полиција и пријавил што направил.
Веднаш по трагедијата се одржа вонредна конференција на српското Министерство за внатрешни работи, на која беа соопштени деталите за она што се случи во училиштето „Владислав Рибникар“.
„Повикот дојде во 8 часот и 42 минути наутро, две минути по пријавувањето на случајот во полиција од страна на заменик директорот на ова училиште“, изјави началникот на белградската полиција Веселин Милиќ.
На таа конференција Милиќ изјави и дека К.К. еден месец го планирал злосторството. Тој го покажа и списокот што полицијата го пронашла во станот на момчето убиец, на кој биле испишани имињата на учениците кои планирал да ги убие.
Дополнително, како што тогаш беше кажано од највисоките функционери на српската полиција, К.К. имал и прецизен план на училиштето, со означен влез и излез.
Поради делото, Коста е во болница, а против татко му и мајка му, Владимир и Миљана Кецмановиќ во меѓувреме е покренато обвинение, со оглед на тоа што момчето-убиец во моментот на делото имало 13 години и затоа не е кривично одговорен.
Вишото јавно обвинителство во Белград соопшти дека обвинетиот Владимир Кецмановиќ во периодот пред трагедијата го научил својот син да пука во цели во форма на концентрични кругови и силуети на луѓе, да стои и да дише кога користи огнено оружје.
Против семејството Кецмановиќ се водат три граѓански постапки, а поднесени се вкупно пет тужби, меѓу кои и една кривична.
Европа
Украински разузнавач: На крајот ќе мора да преговараме со Русија
Украина ќе мора да стапи во преговори со Русија во одреден момент за да стави крај на нивната повеќе од двегодишна војна, изјави висок украински разузнавач во интервју објавено во четвртокот.
Украинскиот претседател Володимир Зеленски ги отфрли разговорите со Кремљ, а декретот што го издаде откако Русија официјално анектираше четири украински региони во 2022 година, ги оцени преговорите за „невозможни“.
Генерал-мајор Вадим Скибицки, заменик-шеф на украинската воена разузнавачка агенција ХУР, сепак, изјави за магазинот Економист дека разговорите на крајот ќе бидат неопходни, како што би било случај со секоја војна.
„Генералот Скибицки вели дека не гледа начин Украина сама да ја добие војната на бојното поле. Дури и ако успее да ги потисне руските сили назад до границите – што е сè подалечна перспектива – тоа нема да ја заврши војната“, пишува Економист.
„Таквите војни можат да завршат само со договори“, вели тој. Во моментов и двете страни се борат за најповолна позиција пред потенцијалните преговори. Но, значајните преговори може да започнат најрано во втората половина на 2025 година, шпекулира тој.
Зеленски и други официјални лица рекоа дека Русија не е поканета на „мировниот самит“ планиран за Швајцарија во јуни, бидејќи нема гаранција дека Москва ќе разговара со добра волја.
Министерот за надворешни работи, Дмитро Кулеба, се појави да го повтори размислувањето на Скибицки во одделно интервју за магазинот Форин полиси оваа недела, велејќи дека јунскиот самит имал за цел „да ги обедини земјите кои споделуваат принципи и пристапи врз кои ќе градат понатамошни активности“.
„Потоа може да има комуникација со Русија и Русија може да биде дел од разговорот. Затоа што сте во право: на крајот, не можете да ја завршите војната без двете страни“.
Рускиот претседател Владимир Путин и други високи функционери велат дека Украина го блокира секој обид за решение.
Портпаролот на Кремљ, Дмитриј Песков, во четвртокот изјави дека средбата во јуни не може да биде „сериозна конференција со сериозни очекувања за некаков резултат“ без присуство на Русија.
Во своето видео обраќање доцна во четвртокот, Зеленски ја опиша средбата во јуни како „практично првата вистинска можност да се започне повторно воспоставување праведен мир“.
„Сите наши позиции, на бојното поле, во дипломатијата и во информатичката сфера, сега мора да бидат подеднакво силни“, рече тој. „Нашата сила, нашите способности, нашите оружја, единството со партнерите – сето тоа мора да работи заедно. И ќе функционира“.