Регион
Србија: Резултатите од изборите уште некомплетни, повторно гласање за 15 места
Во Србија четири дена по изборите не се комплетирани изборните резултати, Републичката изборна комисија (РИК) работи во вистинска конфузија и пребројала 98,04 отсто од гласовите, а гласањето ќе биде повторено на 15 избирачки места и може да го промени сегашниот поредок на коалициите и партии кои влегуваат во парламентот, а приговори поднесоа и партиите од власта и од опозицијата.
Во Србија четири дена по изборите не се комплетирани изборните резултати, Републичката изборна комисија (РИК) работи во вистинска конфузија и пребројала 98,04 отсто од гласовите, а гласањето ќе биде повторено на 15 избирачки места и може да го промени сегашниот поредок на коалициите и партии кои влегуваат во парламентот, а приговори поднесоа и партиите од власта и од опозицијата.
По седницата на РИК, која траеше до доцна во ноќта, познато е дека конечниот исход и резултатите од парламентарни избори нема да бидат познати можеби уште речиси две седмици, колку што ќе бидат потребни за да се заврши гласањето и обработката на податоците со изборните места на коишто повторно ќе се гласа.
Според во моментов достапните податоци и моментални проекции, според бројот на освоените гласови во парламентот, освен победничката коалиција водена од Српската напредна партија (СНС) на Александар Вучиќ, ќе влеза и Социјалистичката партија на Србија (СПС) на Ивица Дачиќ, Демократската партија (ДС) на Бојан Пајтиќ и нејзините коалициони партнери, Движењето Доста беше (ДЈБ) на поранешниот министер на Вучиќ за економија, Саша Радуловиќ.
На самиот раб од изборниот праг, засега над лимитот се листата на СДС-ЛСВ-ЛДП на Борис Тадиќ, Ненад Чанак и Чедомир Јовановиќ со 5,03 отсто, и коалицијата на Демократската партија на Србија (ДСС) и на Движењето двери, која освоила точно 5 отсто од гласовите.
Меѓутоа, според досегашните анализи на статистичарите, јасно е дека ќе биде повторено гласањето за 18.000 гласови кои може да влијаат врз конечните позиции токму на двете претходно споменати листи кои се наоѓаат на работ од изборниот праг од 5 отсто. Според медиумите, за судбината на листата ДСС-Двери ќе одлучуваат само неколку стотици гласови, а Блиц тврди дека станува збор за само 48 глас.
Доколку една од овие две листи падне под изборниот праг, нејзините 13 пратенички мандати, пропорционално на бројот на освоените гласови, ќе ги поделат партиите кои влегуваат во парламентот. А доколку отпаднат и двете лис, на СДС-ЛСВ-ЛДП и на ДСС-Двери, тогаш коалицијата на СНС на Вучиќ би можела да добие дополнителни 12 до 14 мандати.
Рокот за пријавување неправилности и приговори истече, а дополнителна конфузија внесе и синоќешната информација од РИК за повеќе од 60 приговори, иако тоа комисијата во почетокот тврдеше дека имало само два приговора, и тоа кои ги поднела победничката СНС.
Уште во текот на поизборната ноќ СНС се пожали на неправилности во гласањето и директно своите забелешки му ги поднесе на челниците на РИК, а раководството во понеделникот соопшти дека ќе формира заеднички правен тим за контрола и проверка на сите изборни резултати. Еден ден потоа, во вторникот и опозицијата формираше свој правен тим, а СНС веќе попладнето соопштија дека бараат ново пребројување на гласовите и увид во целокупниот изборен материјал.
Вучиќ потврди дека СДСН ќе го прегледа комплетниот изборен материјал и го повтори тврдењето дека по затворањето на избирачките места „се случуваа помалку чудни работи“ и индиректно ја обвини опозицијата дека со притисоци врз Републичката изборна комисија ноќта веднаш по затворањето на избирачките места.
Откако во средата истече рокот за приговори, РИК во многу конфузна, како што оценуваат медиумите, завршница на седницата, ноќта кон четвртокот го поништи гласањето на вкупно 15 избирачки места, најмногу во Ниш каде и локалното обвинителство побара да се проверат пријавите за неправилности во текот на изборите, а повторно ќе се гласа и на неколку места во Белград, Јагодина и Врање и на неколку помали избирачки места.
Според последните податоци на српската РИК, врз основа на 98,04 отсто од обработениот изборен материјал, листата Александар Вучиќ – Србија победува освоила 131 мандат од 250-те во Скупштината на Србија (парламентот), Ивица Дачиќ – СПС-ЈС освоила 29 мандати, а Воислав Шешељ и СРС имаат 22 мандата. Листата За праведна Србија на ДС освоила 16 мандати, листата Саша Радуловиќ – ДЈБ – 16 мандати, ДСС-Двери – 13 мандати , а коалицијата СДС-ЛДП-ЛСВ исто така 13 мандати.
Во парламентот влегуваат и малцинските партии, како Сојузот на војводинските Унгарци – Иштван Пастор со 4 пратеници, листата Муамер Зукорлиќ – Бошњачка демократска заедница на Санџак – 2 мандата, Сулејман Угљанин – СДА на Санџак – 2 мандата, Ардит Синани – Партија за демократско дејствување – 1 мандат,а еден мандат има и Зелената партија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.