Македонија
Светските борци за женски права во Македонија
Над 100 еминентни светски борци за права на жената ќе учествуваат на меѓународната конференција “Мир и безбедност-феминистичка алтернатива“
Над 100 еминентни светски борци за права на жената ќе учествуваат на меѓународната конференција “Мир и безбедност-феминистичка алтернатива“, што започнува денеска во Скопје.На дводневната конференција е најавено учество на мировни активистки, политичарки, експертки и претставнички на образовните и владини родови институции од 23 земји од Европа, Блискиот Исток, Кавказот и САД.Почесна гостинка на конференцијата ќе биде позната светска писателка Навал Ел Садави од Египет, која поради активизам за женски човекови права, во 80-те години од минатиот век беше затворена, а нејзините книги долго време беа забранувани.Учеството на жените во процесот на донесување одлуки, религиски фундаментализам и женски граѓански права, репродуктивни и сексуални права, последиците врз жените од зголемувањето на милитаризмот, се дел од темите кои ќе бидат во фокусот на предавачите од Палестина, Грузија, Турција, Велика Британија, Шведска, Франција, Италија, како и Македонија.Конференцијата се одржува по повод 10 години постоење и активна работа на Женската граѓанска иницијатива “Антико”.Кампања за донесувањето на Законот за еднакви можности, обуки за зајакнување на капацитетите на жените во политиката и локалната самоуправа, обука на гласачи, мобинг се дел од нивните активности./крај/с/ег/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Почина таткото на Тоше Проески
Почина Никола Проески – татко на музичарот Тоше.
Веста за неговата смрт на социјалните мрежи ја објави Дора, неговата ќерка.
„Светол патот, татко мој“, напиша таа.
Музичарот Тоше Проески загина пред 16 години во сообраќајна несреќа во Хрватска.
Македонија
ВМРО-ДПМНЕ ветува изградба на магистрален гасовод од Свети Николе до Велес
За Свети Николе предвидуваме изградба на магистрален гасовод до Велес, реконструкција и проширување на патот до Пробиштип, реконструкција и проширување на градинката „Рахилка Гонева“ и нови 8 милиони евра за општината Свети Николе, изјави Драган Ковачки, носител на третата изборна единица од ВМРО-ДПМНЕ.
„Почитувани граѓани, за земјоделците од овој крај, вклучително и за сите земјоделци, предвидуваме 800 милиони евра коишто ќе бидат директна поддршка за земјоделците, за навремени субвенции, за чистење на водоснабдителните системи. Нашите земјоделци заслужуваат подобар живот. Нашите граѓани заслужуваат подобар живот“, рече Ковачки.
Повика на излезност на изборите на 8 мај.
Македонија
Десна објави наводно писмо од Љупчо Палевски: Министерот Лога лаже за екстрадицијата
Политичката партија Десна на својот Фејсбук профил објави писмо од својот лидер Љупчо Палевски Палче, кој чека екстрадиција во Македонија и судска постапка. Палевски е првоосомничен за двојното убиство на Вања Ѓорчевска и Панче Жежовски.
Во писмото, тој се обраќа до министерот за правда Кренар Лога за кој вели дека „лаже“, и дека токму Палевски барал кратка и брза екстрадиција, без противење.
„Многу важно, го прашав судијата колку време трае БРЗАВА, КРАТКАВА ЕКСТРАДИЦИЈА, добив одговор дека целиот процес е 40 дена од денот на хапсење. На 22 декември бев во Баликесир на повисокиот суд каде за разлика од Првиот, Понискиот Суд, ме прашаа дали постои опасност од МАЧЕЊЕ и УБИВАЊЕ во Македонија. За прв пат почувствував СРАМ за мојава држава и од ИНАТ ако ништо друго дадов изјава: „НЕ, инсистирам на КРАТКА и БРЗА ЕКСТРАДИЦИЈА во Македонија за да се бранам во ИСТРАГАТА.“ Сѐ ова после 5-6 писанија до обвинителот, го добив на коректен Англиски со печат и потпис од Судот. Од тогаш, од минатата година до денес, едни други курветини, „НАТО Прогресивци“, но кои на ЕРДО се клањаат, Министер за Правда, колега на малоумниов Кренар Лога го држат ПАЛЧО во „ЕКСПРЕС“ БРЗА ЕКСТРАДИЦИЈА“, пишува наводно Палчо.
Претходно министерот за внатрешни работи, Панче Тошковски кажа дека добил информација од Секторот за меѓународна полициска соработка дека е одобрена екстрадицијата за Љупчо Палевски Палчо, со тоа што македонските полициски службеници се во комуникација со турските колеги.