Македонија
Касарната Илинден главна пречка во комуникацијата меѓу Карпош и Катастарот
Градоначалникот на општина Карпош Стевче Јакимовски и директорот на Агенцијата за катастар Љупчо Георгиевски денеска се сретнаа за да ги надминат проблемите во комуникацијата кои подолго време постојат помеѓу општината и катастарот.На средбата се дискутираше за проектот на Владата „АРМ – мој вистински дом“ во касарната Илинден, како и за предмети кои стојат во катастарот нерешени повеќе месеци. Според Јакимовски, општината имала добиено податоци од катастарот за парцелите на сопствениците, но има парцели чии сопственици не биле идентификувани.„Тоа не се доволно податоци за нас за делот од парцелите, за да можеме да ја знаеме точната идентификација на земјиштето за да ги известиме сопствениците дека таму се работи урбанистички план. Тоа значи дека општината Карпош во наредниот временски период ќе пристапи кон изложување на свој трошок на изложување на овие 25 парцели за да се изложи земјиштето и за да се утврдат сопствениците, односно заинтересираните странки на тој дел од општината“, рече Јакимовски.Директорот на скопскиот катастар Љупчо Георгиевски на денешната прес конференција рече дека општината веднаш штом ќе ја исплати фактурата од 7 000 денари доставена од Агенцијата за катастар на недвижности ќе ги добие сите броеви на катастарските парцели.„Мислам дека се расчистени повеќе дилеми кои наназад повеќе месеци се провејуваа во комуникацијата на општината. Бевме повикувани од општината како институција која што ги кочи одредени процеси во општина Карпош конкретно за носењето на ДУП „Касарна Илинден““. рече Георгиевски. Јакимовски вели дека доколку Владата сака да им го реши станбеното прашање на припадниците на АРМ, тоа може да го направи со 488 државни станови каде според него диво се вселени партиски војници.„Нека не се затскриваат зад војската. Во прашање се бизнисите кои сакаат да ги прават на делот на касарната Илинден на државно земјиште и да одговорат за кого ги спремаат куќите, за кого бензинските пумпи, трговските центри. Само еден сегмент е Армијата која ја користат за вршење на притисок врз општината Карпош“, рече Јакимовски.крај/ к.с.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска: Како никој не се сети да им каже во ЕУ дека самите во член 4 гарантираат немешање во внатрешните работи и почитување на уставните структури
Како може некому да ветите дека ќе го смените Уставот, кога Уставот може да го сменат само пратениците во Уставот. Како знаете, дека вие можете однапред да ветите нешто што не е ваша надлежност?, му порача кандидатката за претседателка од ВМРО-ДПМНЕ, Гордана Силјановска-Давкова на нејзиниот опонент Стево Пендаровски во телевизиско соочување вечерва.
„Деновиве Макрон даде изјава дека ЕУ не е само територија, туку е концепција на човештвото и правото. Е, од тоа тргнувам и јас кога размилувам за ЕУ. За нејзините темелни вредности и принципи без кои таа не е политине заедница туку е само машинерија. Значи таа не е догма. Што ќе направам јас? Најпрво ќе направам регионални чекори. Штом ќе завршат изборите јас сакам да разговарам со моите соседи и заради регионалната политика и заради очекуваната поддршка од нив. Сакам да објаснам дека и кога има една преговарачка рамка не е логична заканата со вето. И дека може, дури и кога преговарачката рамка е ваква, низ интерпретација поинаква да се примени. Од типот, ако вие речете дека нема да употребувате вето за идентитески прашања, за историските дилеми и слично, протоколите, туку за Копенхагенските критериуми, јас ќе бидам сосема согласна. Значи, мислам дека е време кога ќе се смени власта, да чуе што мислиме и ние. Оти тоа е дијалогот што е нужен за добрососедски односи. Ако некој не го кажувал и ова досега, веројатно и тогаш било се во нивни раце“, рече Силјановска-Давкова.
Понатаму, како што додаде, како никој не се сетил да им каже на оние од Советот и од Европската комисија и сите останати со тоа се рушат темелните вредности на ЕУ? Бидејќи ЕУ гарантира во членот 4 почитување на уставните и политичките структури, немешање во внатрешните работи, почитување на дигнитет и интегритет, различности, неставање на билатерални спорови во рамката. Ако тоа не го кажете, вие ќе останете на прагматичните решенија.
Доаде и дека ниту еден од темелите на кои почивала програмата на Пендаровски во 2019 година не останале. Сите се урнале и ништо не е остварено.
Македонија
СДСМ за Димитриевски: Ароганција е кога човек-партија одработува против своите довчерашни сопартијци
Ароганција е кога човек-партија одработува против своите довчерашни сопартијци и во тоа нема ништо социјалдемократски ниту вредносно туку единствено и само личен интерес, реагира СДСМ по обвинувањата кои ги упати Максим Димитриевски од ЗНАМ, дека дозволиле отварање на бугарски клубови во Македонија и нивната ароганција е ненадминлива.
„За тоа кој ги отвораше клубовите со имиња како Ванчо Михајлов адресата е Белиот дворец на ДПМНЕ. Многу позната адреса каде ЗНАМ ги договара идните чекори за соработка заедно со поддршката на Гордана Силјановска Давкова.
Освен сликите на Ванчо Михајлов по штабовите на ДПМНЕ доволно говорат сликите на Мицкоски со основачите на тие клубови по манастирите низ државава за кои не слушнавме ниту збор од ЗНАМ.
Дали е тоа поради враќање на стари долгови за локалните избори 2021 година во Куманово или нови долгови јавноста ќе види многу скоро“, се вели во реакцијата на СДСМ.
Македонија
Утревечер и во петок нестабилно време со пороен дожд и грмежи
Времето утре ќе биде променливо облачно.
Од пладневните часови на повеќе места ќе биде нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Услови за пороен дожд ќе има во текот на ноќта. Минималната температура ќе биде во интервал од 6 до 12, а максималната ќе достигне од 18 до 25 степени.
Во Скопје променливо облачно. Од пладневните часови во делови од котлината ќе биде нестабилно со пороен дожд, грмежи, засилен ветер и услови за изолирана појава на краткотрајно невреме. Минималната температура ќе се спушти до 12, а максималната ќе достигне до 23 степени, јавува УХМР.
Во наредните денови, следува период на променливо облачно време со повремени локални врнежи од дожд. Утре, во ноќта кон петок и во петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град.
Дневната температура од утре до сабота ќе биде во постепено опаѓање, а во недела ќе се покачи за 2 до 4 степени..