Свет
Лонже: Ставот на Оланд е неоджливо
Поранешниот француски министер за одбрана, Жерар Лонже во неделата го оцени како „неодржлив“ ставот на претседателот Франсоа Оланд искажан на самитот на НАТО во Чикаго за повлекување на француските единици од Авганистан до крајот на годината.
„Тоа е неодржлив став, бидејќи во 2011 година, во време на Жак Ширак и премиерот Лионел Жоспен влеговме во коалицијата во Авганистан, што значи дека влегуваме заедно и заминуваме заедно“, изјави Жерар Лонже за RTL.
Тој смета дека повлекувањето на борбените единици кон крајот на 2012 година е „технички тешко, нелојално кон сојузниците и разочарувачки за француските војници коишто извршиле одлична работа со обуката на авганистанската војска, која сега може да ја преземе таа задача“.
Поранешниот француски министер за одбрана укажува дека нема само американските единици да останат во Авганистан, како што рече претседателот Оланд, туку 46 земји од коалициите, од коишто 28 се членки на НАТО, а нивното повлекување од Авганистан е предвидено до крајот на 2014 година.
Како што се најавува, францускиот претседател Франсоа Оланд на самитот на НАТО треба да ја објави одлуката за повлекувањето на француските единци од Авганистан , со задржување само на водителите на воената обука во главниот град Кабул./крај/афп/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија распиша потерница по Зеленски, се огласи Украина
Украинското Министерство за надворешни работи соопшти дека издавањето налог за апсење од страна на Русија за претседателот Володимир Зеленски е „доказ за очајот на руската државна машина и пропаганда“, пишува „Украинска правда“.
„Руските извештаи за наводното додавање на украинскиот претседател Володимир Зеленски на потерницата на руското Министерство за внатрешни работи го покажуваат очајот на руската државна машина и пропаганда. Русите не знаат што друго да измислат за да привлечат внимание“, посочија Украинците. надвор.
„Ги потсетуваме сите дека, спротивно на безвредните руски најави, налогот на Меѓународниот кривичен суд за апсење на рускиот диктатор Владимир Путин под обвинение за воени злосторства е реален и спроведлив во 123 земји“, додаваат тие.
Русите не го прецизираа написот врз основа на кој е издаден налогот за апсење на украинскиот лидер. „Володимир Александрович Зеленски, 25 јануари 1978 година. Се бара според членот од Кривичниот законик“, стои во базата на податоци на веб-страницата на руското Министерство за внатрешни работи.
Базата на податоци го наведува и местото на раѓање на бараното лице, градот Кривиј Рих во регионот Дњепропетровск. Објавена е и фотографија од Зеленски, направена пред војната.
Свет
НАТО започна огромни вежби, за Русија: Тоа е подготовка за војна
Четиримесечните воени вежби на НАТО во близина на границите на Русија, наречени „Непоколеблив бранител“ се доказ дека алијансата се подготвува за потенцијален конфликт со Русија, изјави портпаролката на руското Министерство за надворешни работи, Марија Захарова.
Захарова неделава ги отфрли обвинувањата на НАТО дека Русија води хибридна војна против нејзините членки, тврдејќи дека тоа е дезинформација со цел да се одвлече вниманието од активностите на алијансата.
НАТО е тој што води хибридна војна против Русија, поддржувајќи ја Украина со оружје, разузнавачки информации и финансии, рече таа.
„Во моментов, најголемата вежба на НАТО од Студената војна, Непопустлив бранител, се одржува во близина на руските граници. Според нивното сценарио, акциите на коалицијата против Русија се практикуваат со користење на сите инструменти, вклучително и хибридно и конвенционално оружје“, продолжи Захарова.
„Мора да признаеме дека НАТО сериозно се подготвува за потенцијален конфликт со нас“, рече Захарова.
Најавувајќи го почетокот на вежбите во јануари, НАТО најави дека на нив ќе учествуваат 90.000 војници, кои ќе го вежбаат сценариото американските сили да им помагаат на Европејците во земјите кои граничат со Русија и на источното крило на алијансата доколку конфликтот се разгори.
Вежбите ќе траат до мај, пишува Ројтерс.
Свет
Во Мексико трагаа по исчезнати туристи од САД и Австралија, пронајдоа три тела
Мексиканските власти пронајдоа три тела во областа Долна Калифорнија за време на потрагата по исчезнати туристи. ФБИ соопшти дека телата биле пронајдени во градот Санто Томас и се уште не се идентификувани. Австралијците Џејк (30) и Калум Робинсон (33) и Американецот Џек Картер Роуд (30) сурфале во близина на популарното туристичко место Енсенада. Исчезнаа на 27 април, пишува Би-Би-Си.
Мексиканската полиција во четвртокот испрашувала жена и двајца мажи во врска со нивното исчезнување. Пред да бидат пронајдени телата, во областа беа пронајдени напуштени шатори, запален бел пикап и мобилен телефон поврзан со исчезнатите туристи.
Долна Калифорнија е меѓу државите во Мексико со највисоко ниво на насилство додека локалните нарко банди се борат за територија. И покрај тоа, туристите често ја посетуваат областа поради добрите услови за сурфање.