Македонија
Започна кампањата „Биди иновативен”
Иновативните идеи на младите и креативни луѓе отсега ќе можат да станат реалност и да се претворат во успешна бизнис приказна благодарение на заедничкиот проект на компанијата Сивус и Националниот центар за развој на иновациите и претприемничкото учење
Идејата на оваа кампања е студентите и сите млади луѓе на возраст до 35 години да ги претстават своите бизнис планови, а 10-те најуспешни ќе бидат нарадени со 21 илјади евра.Заинтересеираните кандидати со своите бизнис планови ќе можат он-лајн да аплицираат на порталот www.ncdiel.mk при што најпрво ќе бидат селектирани 80-те најиновативни бизнис идеи, по што ќе следува 13-дневна обука и натпревар за најдобар бизнис план.За најдобите десет од областа на информатичката технологија е предвидена финансиска подршка во висина од 21 илјади евра и влез во инкубаторот на компанијата Сивус.Преставникот на Сивус објасни дека компанијата ќе ги стави на располагање своите простории и човечки ресурси со што ќе овозможи непречено функционирање на новите бизниси. „Компанијата ќе има клучна улога во воспоставување на нови партенрства и проширување на бизнис мрежата како и пристап до меѓународната мрежа на инвеститори”, рече Владимир Матевски од Сивус и додаде дека тенденцијата е овој проект да се развива во наредните години и да се зголемува наградниот фонд. Раководителот на проектот пак, истакна дека целта на „Биди иновативен” е младите да да ги претворат своите идеи во нови бизниси. „Процесот е отворен за сите млади луѓе кои сакаат да се осомостојат и имаат идеја за нов бизнис. На овој начин сакаме да се стимулира процесот на самовработување и да им се помогне на десетици млади луѓе својата среќа да бараат самите без ничија помош”, рече Игор Николовски од Националниот центар.Сите заинтересирани ќе можат да аплицираат најдоцна до 15 ти февруари, а од 26-ти започнува обуката и подготовка на бизнис плановите кои до 21 април ќе треба да бидат испратени до центарот. Три комисии ќе дадат оценка за најдобрите., по што победниците ќе бидат прогласени на 10-ти мај , на европски ден на претприемништвото. Наградниот фонд за најдобрите бизнис планови го обезбеди Австриската развојна агенција во Македонија, чии преставници истакнаа дека ќе продолжат да ги стимулираат бизнис идеите на младите претприемачи од Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Уапсен врховен судија поради сомненија за примање поткуп
Врховниот судија Наке Георгиев е уапсен поради сомнеж за примање поткуп.
„Денеска 20 мај, лишен од слобода е судија од Врховниот суд поради сомневања за сторено кривично дело Примање награда за противзаконито влијание. Судијата е лишен од слобода на лице место при извршување на кривичното дело. Се чекаат натамошни насоки од надлежен јавен обвинител“, велат од МВР.
Засега не е позната локацијата каде што е приведен судијата, ниту пак, за колкава сума станува збор.
Македонија
Сиљановска доби честитка од кралот Чарлс
Претседателката Гордана Сиљановска Давкова денеска го прими амбасадорот на Обединетото Кралство на Велика Британија и Северна Ирска, Метју Лосон.
На средбата беа разменети мислења за севкупните билатерални односи меѓу двете држави, при што претседателката Сиљановска Давкова истакна дека нашата држава придава особено значење на развојот на пријателските односи и соработката со Обединетото Кралство, вклучувајќи го сојузништвото во НАТО алијансата. Претседателката Сиљановска Давкова посочи на нејзината подготвеност за натамошно унапредување на билатералната соработка со Обединетото Кралство во сите сфери од заемен интерес.
Претседателката Сиљановска Давкова истакна дека како држава особено ја цениме британската поддршка во исполнувањето на стратешката цел – членство во Европската Унија, која продолжи и по Брегзит.
Амбасадорот Лосон на претседателката Сиљановска Давкова и предаде честитка од Кралот Чарлс Трети по повод нејзиното стапување на функцијата, во која упатува најискрени честитки за нејзиниот избор.
„Уверен сум дека ќе го вложите целиот Ваш капацитет за време на Вашиот мандат како Претседател за справување со големите предизвици на нашето време, почнувајќи од справувањето со климатските промени до продлабочувањето на евроатлантската интеграција на Северна Македонија. Многу сум задоволен што нашите две земји имаат воспоставено цврсти трговски и безбедносни односи. Оттука, се надевам дека за време на Вашиот мандат како Претседател односите, кои се веќе толку блиски, уште повеќе ќе се продлабочат“, се вели во честитката од Кралот Чарлс Трети.
Македонија
Сиљановска Давкова се сретна со украинската амбасадорка Дир
Претседателката Гордана Сиљановска Давкова денеска ја прими амбасадорката на Украина, Лариса Дир.
На средбата, беше изразено задоволство од традиционалните пријателски односи, засновани на заемна почит и меѓусебно разбирање. Претседателката Сиљановска Давкова ја нагласи нејзината заложба за продлабочување на соработката во сите области од заеднички интерес, реафирмирајќи ја поддршката за Украина против руската агресија, со која се поткопува европската глобална безбедност и стабилност.
Двете соговорнички разменија мислења и за стратешките определби и перспективите на двете земји, истакнувајќи ја потребата од натамошна заемна помош, споделување искуства и експертиза. Претседателката Сиљановска Давкова ја нагласи македонската поддршка за Украина на нејзиниот пат кон Европската Унија и НАТО.
Амбасадорката Дир, упатувајќи честитки за изборот на претседателката Сиљановска Давкова ѝ посака успешно извршување на функцијата.