Скопје
Започна изградбата на новиот водоводен систем во Шуто Оризари
Градежните работи за изградба на новиот систем за водоснабдување во општината Шуто Оризари започнаа во понедленикот во присуство на највиоските функционери на централната и локалната власт.
Премиерот Никола Груевски изјави дека ова е уште еден од големиот број инфраструктурни проекти кои се реализираат на територијата на општина Шуто Оризари, се со цел подобрување на квалитетот на живот на жителите на оваа општина.
„Минатата година во функција беше пуштено повеќенаменското спортско игралиште во Шуто Оризари, додека во тек е доизградбата на основните училишта „Браќа Рамиз – Хамид” и „26 Јули“ со што ќе се зголеми капацитетот и ќе се надминат проблемите со наставата, а во завршна фаза е и изградбата на новото средно училиште. Во рок од еден месец треба да започне и изградбата на новата спортска сала, а денеска започнуваме и со изградба на новиот систем за водоснабдување. Ние и во иднина ќе продолжиме да работиме во насока на подобрување на животот на граѓаните“, кажа Груевски.
Скопскиот градоначалникот Коце Трајановски потсети дека снабдувањето со вода со години претставуваше горлив проблем за повеќе од 30.000 жители на оваа општина.
„Со изградбата на овој нов систем за водоснабдување треба да се решат децениските проблеми со водоснабдувањето во населбите Шуто Оризари и дел од Скопје Север. Новопланираниот водоснабдителен систем ќе опфати изградба на резервоар од 4.350 кубни метри во близина на постојните резервоари на ЈП „Водовод и канализација“ на улицата Гвадалахара; пумпна станица кај поранешната фабрика на АД „ТИПО“ на булеварот Словенија и цевковод со должина од 2,3 километри и профил од 500 милиметри кој ќе води од пумпната станица, па по улиците Шуто Оризари, Виничка, Че Гевара, Плаковица и Бутелски венец. Пумпната станица ќе се поврзе на градската доводна линија Ф 1.600 од изворот Рашче,“ рече Трајановски.
Вкупната вредност на инвестицијата изнесува 182.367.800 денари со вклучен ДДВ. Во финансирањето на овој проект Градот Скопје ќе учествува со 43,7 насто од средствата, односно со 79,7 милиони денари; ЈП „Водовод и канализација“, исто така, со 43,7 насто, односно 79,7 милиони денари, а Општина Шуто Оризари ќе учествува со 12,6 насто, односно со 22,9 милиони денари од потребните финансиски средства.
Градот Скопје финансиските средства ќе ги обезбеди по пат на долгорочен домашен под-заем во рамките на средствата обезбедени со Проектот за подобрување на општинските услуги финансиран со заем од Меѓународната банка за обнова и развој – Светска банка, додека ЈП „Водовод и канализација“ финансиските средства ќе ги обезбеди од сопствени извори.
На изградба на новиот водоснабдителен систем во Шуто Оризари ќе работат екипите на градежната компанија „Хидрострој ЈСЦ“ од Бугарија, а градежните работи се очекува да завршат наесен, 2016 година. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Изминатата седмица санкционирани 𝟣𝟢𝟦 непрописно паркирани возила на територијата на општина Центар
ЈП Паркинзи на Општина Центар во соработка со Сообраќајната полиција-Скопје во периодот од 08.12. до 14.12.2025 година, со помош на специјалните возила „Пајак“ отстранија 104 непрописно паркирани возила кои го попречувале нормалното и безбедно одвивање на сообраќајот, извести ПОЦ.
„За трајно решение на сообраќајниот метеж и проблемот со неправилното паркирање неопходна е поголема сообраќајна култура, затоа ЈП ПОЦ и СВР Скопје во наредниот период ќе продолжат со секојдневно отстранување на сите непрописно и несовесно паркирани автомобили во Општина Центар со цел да се подигне сообраќајната свест на повисоко ниво и да се зголеми безбедноста во сообраќајот“, соопшти ПОЦ.
Македонија
Делови од Карпош и Чучер Сандево денеска без струја
Од ЕВН Македонија АД известуваат дека денеска без електрична енергија ќе останат:
– во периодот од 09.00 до 15.00 часот, корисниците од село Горно Нерези (општина Карпош), како и корисниците од селата Глуво и Мирковци. (општина Чучер Сандево )
Македонија
(Видео) Левицата: Лицата со аутизам и Даунов синдром ќе добијат бесплатен паркинг во Скопје
Советничката група на Левица во Советот на Град Скопје поднесе амандмани за измена на Програмата за повластен паркинг за лицата со попреченост.
Оваа Програма опфаќа одредени категории на лица со попреченост, но лицата со аутистичен спектар и Даунов синдром не беа опфатени, велат од партијата Левица.
„Четири години од оваа говорница се бориме за измена на оваа Програма.Секогаш се наоѓаше некаков изговор да не се направи тоа.На лицата со попреченост им е доста од изговори.Родителите на деца со аутизам и Даунов синдром и онака имаат големи финансиски издатоци за лекување на нивните деца кои Фондот за здравство не ги рефундира, плаќаат приватно дефектолози и сл.така да плаќањето на паркинг простор им е дополнителен товар, бидејќи некои од нив оваа услуга ја користат секојдневно” – истакна во своето излагање Катерина Јовановска- координаторот на советничката група на Левица.
„Иако првично од страна на Градот амандманите не беа прифатени, по аргументираното излагање на Јовановска Советот едногласно изгласа Заклучок – Програмата да биде изменета и лицата со аутистичен спектар и Даунов синдром да добијат повластен паркинг.
Истово ќе важи и за лицата со попреченост кои што не живеат во Скопје, а доаѓаат во главниот град за лекување“, се додава во соопштението на партијата Левица.

