Свет
Водовод од пет милиони евра пропаѓа поради незаинтересираноста на државата
Нереализирана јапонска донација може да предизвика скандал во билатералната соработка со Македонија
Нереализирана јапонска донација може да предизвика скандал во билатералната соработка со Македонија
Јапонците и локалната власт се сомневаат дека средствата
Жаклина Ѓорѓевиќ
Локален проект за водоснабдување на Гази Баба, Илинден и на Петровец, кој две години тапка во место, лесно може да се претвори во дипломатски скандал меѓу Македонија и Јапонија, која инвестираше 5 милиони евра во овој проект. Во јапонскиот конзулат во Скопје се навредени од незаинтересираноста на македонската страна за имплементација на проектот, кој требаше да заврши во март, а со кој околу 30.000 жители треба да добијат чиста вода за пиење. Главната вина, според нив, е во индиферентноста на министерствата за локална самоуправа и за транспорт и врски. Овие две министерства досега не им понудиле одговор зошто не е довршена примарната мрежа во трите населени места на која треба да се приклучи секундарната мрежа, која е донација од јапонската влада. Проектот стои и поради изговорите на двете министерства кои се оградуваат од одговорноста за нереализираниот проект, што ги налути Јапонците. Тие, како и локалната власт, се сомневаат дека средствата од продажбата на "Телеком", со кои требало да се изгради мрежата, се злоупотребени, па затоа мрежата и не е довршена.
Јапонците се лути поради тоа што биле уверени дека со потпишувањето на договорот со тогашниот министер за транспорт и врски, Агрон Буџаку, на примарниот водовод веднаш ќе можат да ја приклучат секундарната мрежа од селата. Но, непријатно се изненадиле кога увиделе дека мрежата која во 2002 година почнала да се гради со средства од "Телекомот" не е довршена и дека недостигаат цевки на неколку места. Станува збор за јапонски грант во износ од 5 милиони евра за имплементација на проектот "Подобрување на водоснабдување на населените места во околината на Скопје", кој, покрај трите општини, треба да опфати уште 4 општини со вкупно 18 населени места. Досега неколку пати Јапонците побарале одговор од Министерството за транспорт и врски преку кое требало да се реализира проектот, но оттаму не добиле одговор.
"За недостатоците во примарната мрежа дознавме од приватниот сектор, а не од државните институции. Не знам зошто, но македонската страна е многу индиферентна за нашиот проект. Во изминатава една и пол година се обидуваме да го решиме проблемот за да профункционира мрежата, но официјалните власти во Министерството за транспорт и врски ни рекоа дека не знаеле за недостатоците во мрежата. Не можам ништо друго да помислам, освен на тоа дека некој ги злоупотребил парите од "Телеком" дадени за изградба на примарната мрежа", ни изјави одговорниот консултант за проектот од јапонска страна, Учида Јасуо од "Пацифиц Цонсултант Интернатионал". Тој е револтиран, бидејќи е обврзан да остане во Македонија и не може да се врати дома с? додека не се реализира проектот.
Во овие две години, колку што трае натегањето меѓу македонската и јапонската страна, двете општини Илинден и Гази Баба успеале да издејствуваат средства за да ја довршат мрежата, но сега работите ги кочи Општина Петровец, која бара државата да ги намири обврските и да ја доврши мрежата.
"Министерството за локална самоуправа нема слух за да ја доврши примарната мрежа, која, според укажувањето на Градежниот институт и фирмата ‘Макаус’, во нашата општина има дури 12 недостатоци. Кога би знаеле каде фалат цевки, би зајмиле пари за да се доизгради водоводот со кој ќе добиеме чиста вода за пиење. Но, додека Министерството за локална самоуправа не го реши спорот, нема да преземеме ништо", вели градоначалникот на Петровец, Звонко Цветковски, кој како и Јапонците се сомнева дека Министерството ги злоупотребило парите од "Телеком".
Благоја Младеновски, сопственик на фирмата "Макаус", која ја градела примарната мрежа во трите општини, потврди дека главниот водовод не е доизграден поради проблеми на теренот. Тој вели дека ги потрошиле наменски средствата од "Телеком" во износ од милион евра, но поради промена на трасата, потрошиле непланирано уште 30.000 евра свои пари. Со градење на водоводот престанале, бидејќи веќе три години Министерството за локална самоуправа ги смирува дека чекаат одговор од Владата за да им бидат исплатени парите.
Од Министерството за транспорт и врски потврдуваат дека за овој водовод постојано биле префрлани пари, за кои досегашните градоначалници уверувале дека се рационално потрошени, но на терен работите не се довршени. Во Министерството за локална самоуправа, пак, појаснуваат дека парите од "Телеком" се рационално искористени, но тие немаат обврска да им исплатат пари на општините за нивните инвестиции во довршување на мрежата, бидејќи имаат правни пречки со договорите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Зеленски: Идејата за демилитаризирана зона е мртва
Зборувајќи на прес-конференција во Киев, украинскиот претседател Володимир Зеленски ја отфрли идејата за воспоставување демилитаризирана зона во војната со Русија. Зеленски рече дека оваа идеја е „мртва“ и нагласи дека приоритет е да се обезбеди прекин на огнот, пренесува Европска правда.
Предлогот за демилитаризирана зона како можно решение на конфликтот прв го изнесе специјалниот претставник на САД за Украина, Кит Келог. Во интервју за „Фокс њуз“ на 7 мај, тој рече дека Киев наводно предложил создавање демилитаризирана зона под заедничка контрола на Украина и Русија. Келог го опиша предлогот како безбедносна зона во која двете страни би се повлекле по 15 километри, создавајќи област од 30 километри под мониторинг на набљудувачи од трети земји.
На прес-конференцијата, Зеленски негираше дека Украина предложила такво решение, со што ги доведе во прашање тврдењата на Келог.
„Прашањето за демилитаризираната зона, одвојувањето на силите – слушнав за ова во медиумите и не само во медиумите, туку и од разни луѓе, од разни разузнавачки служби. Украина официјално не добила таков предлог. Но, сите бараат начини да спроведат експерименти врз нас“, рече Зеленски.
Тој, исто така, се осврна на сложеноста на ситуацијата на бојното поле и логистичките пречки што би ги предизвикала таквата зона.
„Ако зборуваме за демилитаризирана зона од 15 километри во двата правци – зошто точно 15? И од која линија го сметаме тоа? Од границата? Од која линија на контакт? Дури и да ги прифатиме тие 15 километри, што ќе правиме со Херсон? Тоа би значело дека таму нема да има наши сили. Ако ги нема нашите сили во Херсон – го немаме Херсон“, рече претседателот.
Според него, воспоставувањето демилитаризирана зона би ја загрозило контролата на Киев врз клучните градови.
„Ако се согласиме на тампон-зона и се повлечеме 15 километри од градови како Херсон, Харков и Суми, на сите ќе им изгледа дека имаме мир, но војната ќе продолжи во нив бидејќи артилеријата ќе лета над нив. Затоа е прерано да се зборува за таа идеја и таа во моментов е мртва“, рече Зеленски.
На истата конференција во Киев, Украина и европските сојузници ја повикаа Русија да прифати безусловно 30-дневно примирје, кое ќе почне на 12 мај. Но, Кремљ изјави дека ќе отфрли какво било примирје сè додека Украина добива оружје од Западот.
Европа
Турција е подготвена да го надгледува потенцијалното примирје во Украина
Турција е подготвена да ја преземе одговорноста за надгледување на потенцијалното примирје во Украина, изјави министерот за надворешни работи Хакан Фидан во разговор со членовите на „коалицијата на волните“ и со партнерите на Киев, соопшти извор од турското Министерство за надворешни работи.
Лидерите на Велика Британија, Франција, Германија и Полска, или таканаречената „коалиција на волните“ и Украина, се состанаа во Киев во саботата и се согласија на безусловно 30-дневно примирје од 12 мај со поддршка на американскиот претседател Доналд Трамп, додека му се заканија на претседателот Владимир Путин со нови „повеќекратни“ санкции доколку Русија не ги почитува.
Турскиот министер за надворешни работи Хакан Фидан се приклучи на „коалицијата на волните“ и ја нагласи посветеноста на Турција на територијалниот интегритет на Украина, изјави извор од турското Министерство за надворешни работи кој сакаше да остане анонимен.
Фидан ја изрази поддршката на Анкара за напорите за воспоставување безусловно примирје и додаде дека Турција е подготвена да ја преземе одговорноста за надгледување на примирјето во Украина, доколку такво биде воспоставено, изјави истиот извор. Турција, членка на НАТО, одржува блиски врски и со Киев и со Москва уште од самиот почеток на руската инвазија на Украина во 2022 година.
Турските власти ја изразија својата поддршка за територијалниот интегритет на Украина и ѝ обезбедија воена помош, а во исто време се спротивставија на воведувањето санкции против Русија.
Европа
Путин: Ќе размислам
Владимир Путин ќе го „разгледа“ западниот предлог за целосно и безусловно примирје во Украина, откако Велика Британија, САД и европските сојузници се заканија дека ќе испратат повеќе оружје во Киев доколку Русија не го почитува тоа.
Кир Стармер му рече на Путин дека повеќе нема место за „ако“ и „но“ и дека мора да се согласи на прекин на огнот или да се соочи со нови санкции насочени кон енергетскиот и банкарскиот сектор на Русија.
Ултиматумот беше издаден по состанокот во Киев, каде што лидерите на Велика Британија, Франција, Германија и Полска, заедно со Володимир Зеленски, разговараа по телефон со американскиот претседател Доналд Трамп.
„Сите ние овде, заедно со САД, го критикуваме Путин. Ако навистина се грижи за мирот, сега е неговата шанса да го покаже тоа“, рече Стармер на прес-конференција.
Кремљ одговори велејќи дека ќе го „разгледа“ предлогот, но не се обврза да потпише ништо.
Зеленски: Идејата за демилитаризирана зона е мртва
Зборувајќи на прес-конференција во Киев, украинскиот претседател Володимир Зеленски ја отфрли идејата за воспоставување демилитаризирана зона во војната со Русија....
Путин: Ќе размислам
Владимир Путин ќе го „разгледа“ западниот предлог за целосно и безусловно примирје во Украина, откако Велика Британија, САД и европските...
Истрага против турски државјанин за обид за убиство во Скопје: со метален капак од шахта повеќе пати го удирал оштетениот во глава
Основното јавно обвинителство Скопје донесе Наредба за спроведување истражна постапка против 35-годишен турски државјанин за кого постои сомнение дека сторил...
Кремљ: Изјавите на европските земји се контрадикторни и конфронтирачки
Кремљ ги обвини европските земји за давање контрадикторни и конфронтирачки изјави, објави новинската агенција Интерфакс, откако европските лидери го поддржаа...
Стармер: Русија ја започна војната и Русија стои на патот на мирот
Британскиот премиер Кир Стармер изјави во Киев дека дојде моментот за мировен договор – но дека единствената пречка за тоа...
Туск: Чекаме да видиме како ќе реагира Русија
Полскиот премиер Доналд Туск изјави дека одлуката за прогласување примирје од Киев е симболична, бидејќи станува збор за град кој...
Зеленски: 30-дневниот прекин на огнот мора да започне в понеделник; Песков постави услов
Украинскиот претседател Володимир Зеленски на прес-конференција изјави дека тој и лидерите на европските земји се согласиле дека „безусловното примирје мора...
(Видео) „Ако Филипче има златна виза од друга држава, тогаш како може да вели дека тој е иднината“, кажа Манасиевски
„Венко Филипче призна дека поседува златна виза за Дубаи, која не била обична виза, туку златна виза, која ја користел...
Тело на почината жена пронајдено во водите на Калиманско езеро
Вчера во 09.45 часот во Полициското одделение Македонска Каменица било пријавено дека во водите на Калиманско езеро била пронајдена почината...
СДСМ: Очекуваме ВМРО-ДПМНЕ да го поддржи Законот за настраданите во Кочани
„Предлог-законот за поддршка на семејствата на настраданите во трагедијата во Кочани, предложен од СДСМ, е чин на човечност, солидарност и...
(Фото) Како изгледа индиски Кашмир по нападот од Пакистан
Пакистанската армија објави дека Индија извршила напади врз неколку пакистански воени бази во текот на ноќта. Исламабад објави дека, како...
(Видео) Макрон, Мерц, Стармер и Туск заедно во Украина: „Ќе го зголемиме притисокот врз Русија“
Лидерите на Франција, Велика Британија, Германија и Полска денес се во Украина, во првата таква заедничка посета, за да разговараат...
Ким Џонг-ун: Учеството на Северна Кореја во војната меѓу Русија и Украина е оправдано
Севернокорејскиот лидер Ким Џонг-ун изјави дека учеството на Северна Кореја во војната меѓу Русија и Украина е оправдано, нарекувајќи го...
Истрага за убиството во Штип: 21-годишникот купил пиштол во Скопје и со умисла лишил од живот едно лице
Основното јавно обвинителство Штип донесе Наредба за спроведување истражна постапка против вкупно 5 лица, од кои првоосомничениот како директен извршител...
Уапсен битолчанецот кој со нож се закануваше на маж на “Широк сокак”
Денеска на ул. “Св.Кирил и Методиј” во Битола полициски службеници го лишија од слобода М.Ш.(36) од Битола. Тој претходно, пред...
Полскиот премиер: „Срамно е да се биде на парада во Москва и да му се аплаудира на Путин“
Полскиот премиер Доналд Туск изјави дека сите што присуствувале на воената парада во Москва на Денот на победата се посрамотија....
Измами со превозот на ученици – пријава против ексдиректорка на училиште од Куманово, шест вработени во МОН и две фирми
Полицијата поднесе кривична пријава против поранешна директорка на средно училиште од Куманово, шест вработени во Министерството за образование и наука,...
Во Кочани си дојдоа деца што цел живот ќе немаат раце, толку бргу ли нè заборавивте? – проговори мажот што се врза за бандера во Скопје
Мажoт, кој на скопскиот плоштад се залепи со селотејп за бандера, го направил тоа за да испрати силна порака и...
„Да, виновен сум“ – Васил Јованов призна вина за сообраќајната несреќа, во која загина Фросина
Васил Јованов на денешното прво рочиште призна вина за сообраќајната несреќа, во која загина Фросина Кулакова. Одговарајќи на прашање на...
(Видео) Кузеска за убиството во Штип: Како е возможно турски државјанин да поседува пиштол
Безбедноста на граѓаните е сериозно загрозена. Македонија гори од насилство, убиства по улици, криминал и безредие. Вчерашното убиство во Штип...
