Свет
И стечајниот управник бара објаснување од купувачот на „Сувенир“
Василиос Пападопулос, сопственикот на „Сувенир“ од Самоков, се уште го нема за да објасни зошто фабриката не е рестартирана и зошто не се вработени 120-те поранешни вработени до крајот на минатата година, како што стои во купопродажниот договор.
ПРОДОЛЖУВА РАСЧИСТУВАЊЕТО ОКОЛУ ФАБРИКАТА ЗА ОРУЖЈЕ
Александар Божиновски
Василиос Пападопулос, сопственикот на „Сувенир“ од Самоков, се уште го нема за да објасни зошто фабриката не е рестартирана и зошто не се вработени 120-те поранешни вработени до крајот на минатата година, како што стои во купопродажниот договор.
Игор Маџаровски, претставникот на Пападопулос во Македонија, одби да коментира.
– Можам само да го пренесам вашето барање до сопственикот. Тој идната недела ќе дојде во државава и се ќе ви објасни – вели Маџаровски.
Надежите дека се наѕира крајот на агонијата на Самоков и Македонски Брод вчера ги подгреа и Тодор Пашовски, стечајниот управник на „Сувенир“ во стечај, кој за „Време“ изјави дека бара образложение од Пападопулос зошто не го почитува договорот.
„Сувенир“ е единствената фабрика во овој крај.
– Писмено се обратив до инвеститорот. Барам да ми се образложи до каде е со инвестициите и зошто предвидените вработувања не се реализирани. Но, одговорено ми е само усно, дека се чекаат дозволи за работа од три министерства. Треба да утврдиме дали инвеститорот е сериозен, за потоа врз тие наоди конечната одлука да ја донесе стечајниот судски совет – вели Пашовски.
Управникот, сепак, верува дека фабриката ќе проработи. Во врска со инвестицискиот план тој објаснува.
– Точно е предвидено во купопродажниот договор што треба да направи инвеститорот до 31 декември. Парите не ги уплати во почетокот од годинава, туку подоцна. Дали рокот за реализација на инвестициите се смета од почетокот на годината или од моментот кога ги уплатил парите не би сакал да толкувам. Тоа е работа на стечајниот судски совет – дополни Пашовски.
Во врска со нејаснотиите за матичниот број и адресата на фирмата „Сувенир-Олимпик“, сега преименувана во „Сувенир Индустри“, која во купопродажниот договор е наведена како купувач на „Сувенир“, Пашовски вели:
– Не тој матичен број, фирмата има друг. Тука се е регуларно, а од каде е тој број во документите што вие ги поседувате не знам. Адресата на фирмата, Илинденска број 52, е точна. Таму е сместена друга фирма, која ја подготвуваше документацијата на инвеститорот – додаде Пашовски.
„Време“ веќе објави дека единствениот матичен број на „Сувенир-Олимпик“ е ист со бројот на Преспанско-пелагониската епархија, како што ни потврдија од Управата за јавни приходи.
Адресата на фирмата е празен стан, а единствената компанија што е сместена на таа адреса е „Ади трејд“. Ангелко Петров, сопственикот на оваа фирма, веќе ни изјави дека нема никаква врска со „Сувенир“. Тој и информира дека сопственичка на една од становите во куќата преговарала со грчкиот инвеститор за продажба на станот.
Стечајниот управник Пашовски реагираше и на информациите дека недостигаат два и пол тона пластичен експлозив од фабриката.
– За сите производи се информирани во МВР. Мислам дека непотребно се создава нервоза во јавноста во врска со тој експлозив – реагираше Пашовски.
Каде се машините за производство?
Венцислав Арсов, државниот советник во Министерството за економија, кој и реферирал на Владата во врска со „Сувенир“, уште лани на поранешните вработени им изјавил дека грчката фирма веќе ги транспортира новите машини за производство.
– Ни тврдеше дека Гркот е најповолниот купувач, дека машините се веќе на граница. Еве до денес „пристигнуваат“. Бараме да ни одговори, што се случи – прашуваат од синдикалниот одбор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп ја објави листата на нови царини
Претседателот на САД, Доналд Трамп, потпиша извршна наредба со која се воведуваат повисоки царини за десетици земји низ целиот свет со цел реструктуирање на глобалната трговија во корист на американските работници, објави Белата куќа.
Новите царини се движат од 10 до 41 процент, со највисока царина за Сирија. Европската унија, Јапонија, Јужна Кореја, но и Македонија ќе бидат предмет на царини од 15 проценти. Србија ќе се соочи со царини од 35 проценти, а Босна и Херцеговина од 30 проценти.
Белата куќа во документот наведе дека целта на царините е „реструктуирање на глобалната трговија во корист на американските работници“ и ќе стапат на сила на 7 август, а не на 1 август како што беше најавено. Тарифите за канадските стоки се зголемуваат од 25 на 35 проценти, но ќе стапат на сила од петок.
🚨 Full List of US Reciprocal Tariffs by Country (Effective Aug 1)
Trump’s new Executive Order enforces country-specific tariff hikes citing trade imbalance & national security. Here’s what each nation faces 👇
—
🇦🇫 Afghanistan – 15%
🇩🇿 Algeria – 30%
🇦🇴 Angola – 15%
🇧🇩…— Depin Bhat (@DepinBhat) August 1, 2025
„Како одговор на континуираната неактивност и одмазда на Канада, претседателот Трамп сметаше дека е потребно да ја зголеми тарифата за Канада од 25 на 35 проценти со цел ефикасно да се справи со постојната вонредна состојба“, соопшти Белата куќа, велејќи дека Канада не соработувала во борбата против фентанилот и другите нелегални дроги.
Канадските производи опфатени со трговскиот договор меѓу САД, Мексико и Канада се ослободени од тарифи. Канадскиот премиер Марк Карни изјави во јуни дека доколку не се постигне договор до почетокот на август, Канада веројатно ќе возврати со дополнителни тарифи за извозот на американски челик и алуминиум.
Повисоките тарифи за канадските стоки се во остра спротивност со одлуката на Трамп да го одложи зголемувањето на тарифите на Мексико за 90 дена за да се овозможи повеќе време за преговори за поширок трговски договор.
Кина, од друга страна, има рок до 12 август да постигне долгорочен договор со администрацијата на Трамп, откако Пекинг и Вашингтон постигнаа првични договори во мај и јуни за прекин на зголемувањето на меѓусебните тарифи и укинување на забраната за увоз на ретки земни метали.
Свет
Трамп: Грозно е тоа што го прави Русија
Американскиот претседател Доналд Трамп повторно изрази незадоволство од Русија поради нејзиниот најнов смртоносен напад врз Киев, во кој загинаа 27 лица, меѓу кои и тројца деца.
„Русија, мислам дека е одвратно тоа што го прават. Мислам дека тоа што Русија го прави е многу тажно. Многу Руси умираат“, изјави Трамп пред новинарите во Белата куќа. Повторно најави нови санкции за Москва, но не откри детали.
„Не знам дали санкциите го загрижуваат“, призна Трамп, мислејќи на рускиот претседател Владимир Путин. Западните земји веќе воведоа низа економски мерки против Русија, со цел да ѝ се ускратат средствата потребни за финансирање на војната.
Трамп објави и дека неговиот специјален изасланик, Стив Виткоф, ќе отпатува во Москва по посетата на Израел, каде разговара со израелските претставници за ситуацијата во Газа. „Оди во Русија. Верувале или не“, рече тој.
Во меѓувреме, високиот американски дипломат Џон Кели изјави во Советот за безбедност на Обединетите нации дека Трамп поставил рок до 8 август за постигнување договор за прекин на огнот во Украина.
„И Русија и Украина мора да преговараат за прекин на огнот и траен мир. Време е да се постигне договор. Претседателот Трамп јасно стави до знаење дека тоа мора да се случи до 8 август“, изјави Кели.
Одделно, американскиот државен секретар Марко Рубио појасни дека, по шест месеци чекање на дипломатска соработка, Трамп наскоро ќе мора да одлучи колку активно ќе продолжи со напорите за постигнување прекин на огнот ако една од страните одбие примирје.
Рубио потврди дека американски и руски претставници воделе приватни разговори за војната во Украина, но Вашингтон сè уште не видел никаков напредок во тие преговори.
Свет
На Флорида егзекутиран маж кој во 1994 година со мачета уби семејството
Маж осуден за брутално убиство на својата сопруга и двете деца со мачета беше егзекутиран во Флорида, станувајќи деветтата личност погубена во оваа сојузна држава годинава – што претставува нов годишен рекорд. До крајот на август се планирани уште две егзекуции.
Едвард Закжевски (60) беше прогласен за мртов во четвртокот по инјектирање на тројна смртоносна инјекција – седатив, средство за парализа и за запирање на срцето.
Тој издржуваше смртна казна од 1994 година, кога беше осуден за убиство на сопругата и нивните две деца на возраст од седум и пет години. Според судските сведочења, прво ја нападнал сопругата со метална шипка и ја задавил со јаже, а потоа ги убил децата со мачета. Кога се посомневал дека таа сè уште е жива, повторно ја нападнал со мачета.
Претходно им кажувал на други дека „подобро е да ги убие отколку да дозволи сопругата да го напушти“.
Последниот обид за одложување на егзекуцијата го загуби во средата, ден пред извршувањето.
Неговиот последен оброк бил пржени свински котлети, пиво и сладолед. Последните зборови му биле:
„Сакам да им се заблагодарам на добрите луѓе од Сончевата држава што ме убија на најладен, најпресметан, најчист, најхуман и најефикасен можен начин. Немам никакви приговори.“
Противниците на смртната казна истакнаа дека егзекуцијата не требало да се изврши, бидејќи поротата во 1994 гласала за смртна казна со сооднос 7 спрема 5 – што денес не би било правно доволно.
Со девет егзекуции досега, Флорида веќе го надмина претходниот рекорд од осум од 2014 година. Дополнителни егзекуции се закажани за 19 и 28 август.
Ниту една друга сојузна држава во САД не спровела повеќе егзекуции оваа година – Тексас и Јужна Каролина се на второ место со по четири.
Во САД од почетокот на 2025 година се егзекутирани вкупно 27 мажи.
Трамп ја објави листата на нови царини
Претседателот на САД, Доналд Трамп, потпиша извршна наредба со која се воведуваат повисоки царини за десетици земји низ целиот свет...
Македонија со царина од 15 отсто
Американскиот претседател Доналд Трамп рано утрово по македонско време објави нови царински стапки. Македонија, доби стапка од 15 отсто, идентична...
Во моментот нема активни пожари, надлежните апелираат да се внимава за Илинденските празници
Според податоците на Центарот за управување со кризи (ЦУК), заклучно со 18:00 часот , нема ниту еден активен пожар. Шест...
Автомобил се судри со автобус кај Тетово – тројца загинати, едно дете е повредено
Три лица го загубија животот, а едно дете е повредено во тешка сообраќајна несреќа што попладнево се случи на автопатот...
Трајно одземање на возилата за пијани и дрогирани возачи кои дивеат низ улиците – нови ригорозни мерки
Со новите измени на Законот за безбедност во сообраќајот, Законот за прекршоци и Кривичниот законик, на најнеодговорните учесници во сообраќајот...
Мицкоски: Eрес беше да се спомене македонски идентитет во време на претходната власт
На денешната седница во Собранието посветена на пратенички прашања премиерот Христијан Мицкоски со свој коментар за актуелните позиции во меѓународните...
Гаши: Одредбите не се докрај прецизни дали можеме со распишани избори да избереме народен правобранител и претседател на ДКСК
Во претстојниот период предизвик за Собранието ќе биде изборот на нов народен правобранител и нов претседател на Државната комисија за...
Салиу се вознемири од прашањето дали ќе си поднесе морална оставка по пожарот во Кочани и ги обвини новинарите дека му судат
Министерот без ресор, Шабан Салиу, кој од 2008 до 2017 година беше директор на Дирекцијата за заштита и спасување и...
Воведени нови летови од скопскиот аеродром до Стокхолм, Мадрид, Бари, Келн и Прага
Скопје се поврзува со уште пет нови дестинации. Од скопскиот аеродром се воведуваат летови до Стокхолм, Мадрид, Бари, Келн и...
Зголемен број туристи во Македонија, земјата станува сѐ поинтересна за Германците, Французите, Британците…
Анализата на туристичкиот тренд во првите пет месеци од 2025 година покажува дека Македонија бележи интензивирање на туристичкиот промет и...
Обезбедени 42,3 милиона денари финансиска поддршка за ранливите потрошувачи на струја
Министерството за енергетика, рударство и минерални суровини информира дека Владата ја донесе Програмата за заштита на ранливи потрошувачи на енергија...
Активни три пожари на отворено во Македонија
Утрово се активни три пожари на отворено во Македонија, информира Центарот за управување со кризи. До 06:30 часот на територијата...
Канада најави дека ќе ја признае Палестина
Канада има намера да ја признае палестинската држава на состанокот на Обединетите нации во септември, изјави вчера премиерот Марк Карни,...
Мицкоски: Поединци од СДС потпалуваат за да има политички пожари, а го бранат и Коцевски како последен бастион за нивниот криминал
Христијан Мицкоски, претседател на ВМРО-ДПМНЕ и премиер на вечерашната трибина на тема „Реформи во здравството, ги градиме темелите на промените“...
Едно и пол годишно бебе донесено без знаци на живот на Детска клиника
Бебе од Скопје без знаци на живот било донесено на Детска клиника, соопшти полицијата. Имено вчера во 07.30 часот во...
Ганиу ќе ја тужи Арсовска: Моите адвокати спремаат тужби за невистините што ги зборува за мене чесната жена од Град Скопје
Во Чаир нема 150 згради дивоградби, нема дивоградби изградени на државно земјиште и нема темели за 50 нови дивоградби, кажа...
Кривични пријави против две лица и една фирма за пожарот на депонијата во Шуто Оризари
Полицијата поднесе кривична пријава против двајца велешани и едно правно лице поради пожарот во нелегален отпад во Шуто Оризари Единицата...
Во Тетово ќе се гради Меморијален парк за жртвите од пожарот во модуларната болница
Министерот за здравство, Азир Алиу, заедно со вицепремиерот за политики и добро владеење, Арбен Фетаи, повеќе пратеници и со семејствата...
Водата нема сериозно да поскапи ако конечната цена ја одредува Регулаторната, уверува Бислимоски
Сегашниот сложен процес за одредување на цената на водата ќе се смени и одлуката за конечната цена на водата ќе...
(Видео) Јанковиќ: Власта нема пари за младите спортисти, а има за ПР-агенции, Борко Ристовски да поднесе оставка
Срамната и понижувачка Младинска олимпијада со која Борко Ристовски ја изрезили државата пред целиот свет ја покажа целосната неговата неспособност,...
