Свет
Овчарот Џемаили станал економист со фалсификувана диплома
Иснифарис Џемаили, попознат како овчарот од Камењане, кој од државата извлече 720.000 евра отштета за ракетирано бачило и во моментов се наоѓа во притвор, пред десет години фалсификувал диплома од Универзитетот за национално и светско стопанство од Софија.
Иснифарис Џемаили, попознат како овчарот од Камењане, кој од државата извлече 720.000 евра отштета за ракетирано бачило и во моментов се наоѓа во притвор, пред десет години фалсификувал диплома од Универзитетот за национално и светско стопанство од Софија. Како што дознава „Утрински весник“, досието на оваа, ама и на дузина други фалсикувани дипломи во 2002 година им се губи секаква трага, откако екипа од 15-ина инспектори од Министерството за внатрешни работи, ги собрала од скопскиот Економски факултет. Бидејќи било утврдено дека 18 дипломи од Бугарија, Албанија и тогашна Србија и Црна Гора се фалсифукувани, тие записнички биле привремено одземени од факултетот, за актерите да бидат кривично гонети и казнети.
Меѓутоа, како што велат на Економски, „привременото станало трајно“, а тие никогаш не добиле повратна информација што станало со фалсификаторите. Иако, член 378 од Казнениот закон на Македонија за фалсификаторите на исправи предвидува парични казни или затвор до три години, дури и за оние кои имале обид за фалсификување, на досиејата им се губи секаква трага. Поточно, на дел од нив, меѓу кои е и она на овчарот од Камењане.
Во 1997 година кога Иснифарис Џемаили на Економскиот факултет при Скопскиот универзитет, ја доставил дипломата за нострификација, оваа постапка била прилично едноставна, зашто порано фалсификатите биле реткост. На овој, но и на кој било друг факултет на Универзитетот „Св. Кирил и Методиј“ високообразовните институции ја вршеле нострификацијата на странските дипломи исклучиво врз основ на приложената документација на кандидатите.
Истото се случило и со Иснифарис Џемаили од Камењане, кој доставил диплома со број 0025176, заверена со печат. На неа бил набележан и успехот од 34 положени испити на бугарскиот Универзитет за национално и светско стопанство, така што скопскиот Економски факултет му дал зелено светло на наводниот бугарски економист Џемаили. На неа, едноставно, немало видни знаци на фалсификување, а во дипломата била посочена и темата од дипломската работа: „Анализа, планирање и сметководен отчет на нестопанските организации“ за која „заработил“ – одличен 6.
Според дипломата, за која подоцна било утврдено дека е фалсификат, несудениот економист, кој подоцна покажа и докажа дека добро знае да работи со пари, со одличен успех положил и државен испит. Апсурдот да е поголем, темата гласела: „Заштита на дипломската работа“! Иснифарис Џемаили во Софија, како што стои во дипломата, дипломирал на 6 септември 1996 година на групата Сметководство и контрола, со просечен успех од 3,29.
Клопчето почнало да се отплеткува дури во 2002 година кога на Економскиот факултет на Универзитетот „Св. Кирил и Методиј“ помасовно почнале да добиваат барања за нострификација на дипломи стекнати главно во нашето соседство. Тогаш факултетот самоиницијативно извршил проверка на веќе нострифицираните дипломи, по што од универзитетите од Бугарија, Албанија и од СЦГ, главно, добиле одговори дека станува збор за фалсификати. Во купчето од 18 сомнителни странски дипломци е и дипломата од Бугарија, од софискиот Универзитет за национално и светско стопанство издадена на име Иснифарис Џемаили.
За да биде веродостојноста поголема, според извори на „Утрински весник“, за нострификацијата да му помине без проблеми и ништо да не биде сомнително, овчарот од Камењане го поминал вообичаениот ред. Доставил, како што стои забележано во архивите на МВР, „уверение во оригинал од 2.4. 1997 година, со заверен превод на македонски во Основен суд Скопје 1, превод на дипломата, учебен план за групата Сметководство и контрола преведен на македонски, одлука и решение“.
Зошто фалсификатот на Иснифарис Џемаили немал судска завршница, некој ќе мора да одговора. Неофицијално се говори дека тој важи за човек близок до полицијата, што не ја исклучува можноста, заради некои негови услуги, МВР да му прогледало низ прсти. Раководството на Економскиот факултет во Скопје, кое првично му ја нострифицирало дипломата, а од каде одвреме-навреме одат на судски рочишта за фалсикувани дипломи, тврдат дека Џемаили никогаш не одговарал за стореното кривично дело.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Фото+видео) Серија торнада беснеат низ Америка: ветерот дигна вагони од пруга, уништени стотици домови
Стотици домови беа сериозно оштетени или целосно уништени бидејќи повеќе торнада погодија делови од Централна Америка.
Надлежните најавија дека и денеска се очекува невреме.
Националната метеоролошка служба доби повеќе од 90 извештаи за торнада во сојузните држави Тексас, Оклахома, Канзас, Небраска и Ајова.
Едно од најсилните торнада го погоди градот Омаха во Небраска, каде живеат околу 485.000 луѓе.
Локалните власти соопштија дека се оштетени куќи и деловни објекти, но нема информации за жртви.
– Соборени се голем број дрвја. Невремето однесе покриви на многу куќи. Патот на невремето е јасно видлив – изјави началникот на локалната полиција Нил Боначи.
Footage from inside a train as a tornado hit near Omaha, Nebraska, United States 🇺🇸
▪︎ 26 April 2024 ▪︎#tornado #NebraskaTornado #Nebraska
🎥 Eric Carlisle pic.twitter.com/z1U6bltYue— DISASTER TRACKER (@DisasterTrackHQ) April 28, 2024
Локалниот шеф на противпожарната служба Кети Босман рече дека спасувачките екипи ќе ги пребараат сите подруми, урнатини и објекти во случај да има жртви или луѓе во неволја.
Исто така, многу силно и опасно торнадо ја погоди областа во близина на градовите Харлан, Шелби и Минден во Ајова, а метеоролозите предупредуваат на „катастрофална штета“.
Метеоролозите за денеска предвидуваат силен ветер, дожд и град, а нови торнада се очекуваат во делови од Ајова, Канзас, Мисури, Оклахома и Тексас.
🚨 BREAKING – TRAIN VS TORNADO – Footage of a Tornado ripping through and taking on a train while people inside of it in Omaha, Nebraska today is INSANE#NebraskaTornado #Nebraska #Minden #Iowa #MindenTornado #Harlan #HarlanTornado #Tornado #LincolnTornado #LincolnNebraska… pic.twitter.com/fyEJ79m5S0
— T R U T H P O L E (@Truthpolex) April 28, 2024
Џејсон Сандеј, жител на тешко погодениот Елхорн, Омаха, го опиша торнадото како „товарен воз“. Како што се приближувало, тој побарал засолниште во својата куќа, во која се вселил пред 30 дена.
– Видовме дека доаѓа од југозапад, а кога премногу се приближи, брзо се спуштивме надолу. Бевме во када и беше исто како на филм, како товарен воз – рече тој.
Џон Велс, волонтер за чистење во градот Блер, северно од Омаха, рече дека видел голема штета од невремето во петокот.
– Има ротирачки резервоари за пропан. Има куќи кои не се ни на темели. Не знаеш ни каде беа. Никогаш не сум видел вакво нешто“, изјави тој за КЕТВ.
My hometown took a direct hit today. I'm hoping for the best, but building a wall around my heart for sad news. Wishing everyone in the Midwest the best this tornado season. https://t.co/rLA90ZZxNc
— Boda (@TheBodaShow) April 27, 2024
Каунти Ланкастер, Небраска објави дека најмалку 12 домови биле оштетени во областа Вејверли, каде воз со 31 вагон излета од шините поради торнадо и истиот систем на бура предизвика целосен колапс на индустриска зграда во која се сместени Гарнер индустрис.
Свет
(Видео) Први снимки од силното торнадо во Кина – „Ова е како Армагедон“
Пет лица загинаа вчера во торнадо во јужната кинеска метропола Гуангжу.
Новинската агенција Ксинхуа јави дека во невремето се повредени уште 33 лица.
„Ова беше како Армагедон“, коментира еден жител. Град со големина на тупаница паѓал и ги пробил покривите.
In addition to tornadoes, fist-sized hail also appeared in Guangzhou and Huizhou, and a chicken was killed by the hail. pic.twitter.com/XxZHgPi5CC
— Jim (@yangyubin1998) April 27, 2024
Според очевидци, градот убил и некои домашни животни.
Според официјалните податоци, невремето оштетило 141 фабричка зграда, но ниту една станбена зграда не е уништена. Според Ксинхуа, спасувачката работа е веќе во голема мера завршена.
"It Is Like Armageddon" – Deadly Storms Hit Chinese City
A tornado left five dead and 33 hospitalised on Saturday in Guangzhou, before hail the size of coconuts rained down.
Local media report property damage in excess of $10mn. pic.twitter.com/cjF8xnH9CM
— RT_India (@RT_India_news) April 28, 2024
По торнадото, метеоролошката станица во областа Баијун во Гуангжу забележа брзина на ветер од повеќе од 20 метри во секунда (72 км/ч).
Пред само една недела, обилните дождови ги зафатија Гуангжу и околната провинција Гуангдонг, при што загинаа најмалку четири лица и беа принудени да се евакуираат повеќе од 100.000 жители.
The moment hail smashed through the iron roof in Guangzhou pic.twitter.com/y6InEXxGyI
— Jim (@yangyubin1998) April 27, 2024
Гуангжу има над 18 милиони жители. Главниот град на провинцијата е еден од најважните економски центри во Кина.
Регион
Србија се соочува со сериозен недостиг на работници во автосервисите
Србија се соочува со сериозен дефицит на квалификувани работници во автосервисите, а според проценките недостасуваат меѓу 30.000 и 40.000 занаетчии од сите профили. Овој проблем не е специфичен само за нашите соседи, туку е присутен и во цела Европа, каде автомеханичарите и каросериските работници се едни од најдефицитарните професии.
Побарувачка за механичари и машинисти
Една од најбараните групи занимања се механичарите и машинистите, каде што работодавачите бараат речиси 300 мајстори од овој профил во канцеларијата за труд. Интересно е што многу работодавци се подготвени да ги вработат овие работници и без претходно искуство, а понудените плати се движат од 70.000 до над 150.000 динари. Овој податок укажува на голема побарувачка за овој профил на работници и можности за добро платена работа дури и за оние без искуство.
Проблеми со незаконската работа
Еден од проблемите со кои се соочува оваа индустрија е незаконското вршење на сервисирање возила. Неофицијално, се проценува дека околу половина од автосервисите се диви, што создава сериозни проблеми и од аспект на фер конкуренција и од еколошки аспект. Имено, сервисерите на автомобили имаат обврски во однос на отстранувањето на опасниот отпад, како што е моторното масло, а незаконското извршување на овие работи може да има штетни последици за животната средина.