Свет
Судските предмети на улица
На први овој месец почна да тече рокот од 120 дена за селење на судските предмети според надлежностите на судовите утврдени со новиот Закон за судови. Дел од судиите стравуваат дека во тие селидби некои предмет
РЕФОРМИТЕ ВО СУДСТВОТО НА ТОВАР НА АМАЛИТЕ
На први овој месец почна да тече рокот од 120 дена за селење на судските предмети според надлежностите на судовите утврдени со новиот Закон за судови. Дел од судиите стравуваат дека во тие селидби некои предмет
На први овој месец почна да тече рокот од 120 дена за селење на судските предмети според надлежностите на судовите утврдени со новиот Закон за судови. Дел од судиите стравуваат дека во тие селидби некои предмети, а особено важни докази или вештачења, лесно може да добијат нозе и да исчезнат. Некои претседатели на судови со кои разговаравме сметаат дека ако се почитува Упатството за начинот на преземање на предметите, кое пред неполни две недели го издаде Министерството за правда, не би требало да има никакви проблеми во трансферот. Но никој не гарантира дека проблеми при селењето нема да има.
За селењето на предметите ќе бидат ангажирани носачи, а таму каде што ќе има помалку предмети за товарање-истоварање, најверојатно работата ќе ја вршат вработените во судските писарници.
Упатството излезе на петти овој месец и моментално го проучуваат претседателите на судовите. Станува збор за физичка, односно за рачна преселба на илјадници предмети, зашто се уште судството не е мрежно поврзано, а ни предметите не се евидентирани и електронски архивирани.
Судовите што ги отстапуваат предметите, во овој кус рок за селење ќе треба да ги разведуваат заведените предмети во соодветни уписници и именици, а оние што ги прифаќаат, ќе ги облечат во нови обвивки, под кои ќе останат старите, но прецртани. Примопредавањето на незавршените предмети во кои има докази ќе се одвива комисиски. Ќе се заведуваат сите детали и податоци за идентификација на предметот во записник, кој на крајот се запечатува со црвен восок. Тоа ќе се прави за секој предмет посебно. Во Упатството е пропишано како ќе се заведуваат и доказите за предмети кои се доверени на чување на друг орган, како поголемо количество дрога во МВР или пари, злато и друг накит во Народната банка.
Ќе има преселби на предмети по неколку основи. Ќе се селат предметите за организиран криминал од основните судови во т.н. специјализирани одделенија, откако ќе се формираат во основните судови Скопје 1, Битола, Тетово, Струмица и Штип.
Ќе има рокада на предмети меѓу двата најголеми суда во Македонија, меѓу Основниот суд Скопје 1, кој со новиот закон од први овој месец станува кривичен суд, и Основниот суд Скопје 2 кој, пак, прераснува во исклучително граѓански суд и ќе суди само граѓански предмети. Околу 2.500 до 3.000 незавршени кривични предмети од Скопска двојка ќе треба да преминат во Единица и приближно толку незавршени граѓански предмети ќе треба да се преселат во обратна насока, од Единица во Двојка.
Потоа ќе се случува и преселба на предмети од судовите со основна во судовите со проширена надлежност. Тоа значи дека незавршените предмети, за кои е предвидена казна над пет години затвор или со парична казна над 15.000 евра, ќе се селат во судовите со проширена надлежност, какви што со новиот закон ќе бидат вкупно десет основни судови во Македонија.
Правосилно завршените предмети си остануваат во архивите на судовите што ги воделе постапките и тие нема да се селат.
Ова ќе биде втора голема селидба на судски предмети во последниве десетина години, по реорганизацијата на судството во 1996 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Крим ја повика Русија да отвори истрага против Зеленски за тероризам
Претседателот на Кримската меѓуетничка мисија Заур Смирнов изјави дека мисијата ја повикала Русија да отвори кривична постапка против украинскиот претседател Володимир Зеленски за тероризам на руски територии.
„Зеленски води и насочува терористички активности против Крим и други руски области кои резултираа со човечки жртви. Оваа активност треба да биде предмет на кривично гонење и истрага. Верувам дека руските истражни органи треба да отворат кривична постапка против Зеленски“, рече Смирнов.
Кримската меѓуетничка мисија се состои од неколку јавни организации, а е основана со цел да се постигне „меѓуетничка хармонија“ на Крим, пренесува ТАСС.
Свет
(Видео) Невидени поплави во Бразил: „Ова е катастрофа, ќе се влошува“
Десет лица загинаа, а 21 се водат за исчезнати по обилните дождови кои предизвикаа бројни поплави и лизгање на земјиштето оваа недела во јужната бразилска држава Рио Гранде до Сул, а локалните власти предупредуваат дека ситуацијата е критична и може да се влоши.
На прес-конференцијата во средата, гувернерот на државата Едуардо Леите рече дека разговарал со претседателот Луис Инасио Лула да Силва барајќи секаква можна федерална помош.
Quem está no Rio Grande do Sul, se proteja. Fiquem em locar seguro. Tomo todos os cuidados possíveis. Por pouco não aconteceu uma tragédia, neste caso. pic.twitter.com/cy2TEwSf2m
— Tumulto BR (@TumultoBR) May 1, 2024
„Поминуваме низ најлошиот момент во Рио Гранде до Сул, најголемата катастрофа во нашата историја. Она што се случува во Рио Гранде до Сул во моментов е апсолутно, незамисливо, крајно сериозно. И за жал, само ќе се влоши“, рече Леите.
O dilúvio no Rio grande do Sul não está poupando nem os porcos! pic.twitter.com/QBsHYpr2GC
— Ney (@neydux17) May 1, 2024
Според гувернерот, невремето предизвикало најголемо уништување во државата во последните години, оставајќи неколку градови изолирани по уривањето на мостовите и уништените патишта.
Maior enchente já registrada na minha cidade no Rio Grande do Sul tive que socorrer os bichinhos da minha cunhada pic.twitter.com/oKefGh7aJA
— henrique Rhoden (@henriqueRhoden3) May 1, 2024
Властите избројаа повеќе од 3.400 раселени лица откако бурите предизвикаа покачување на нивото на реките и поплави во различни делови на земјата, погодувајќи 114 општини.
Во извештајот во вторникот, државната влада предвиде ризик од поплави „практично низ целата држава“ со оглед на изгледите за продолжување на „обилните врнежи“ во наредните денови.
Que coisa triste, meu Deus do céu
Eu espero que todo mundo que esteja fazendo piada com a situação do Rio Grande do Sul veja esse vídeo e repense pic.twitter.com/5E4DGleHSO
— O Bon Vivant MuitoHumilde (@muitohumildee) May 2, 2024
Во извештајот се наведува и дека поплавите ќе бидат сериозни во сливовите на многу реки, а можни се поројни поплави и масовни лизгања на земјиштето во регионите со стрмни падини.
Свет
Хамас веројатно ќе го отфрли последниот предлог за договор за заложници, пишува „Тајмс оф Израел“
Хамас најверојатно ќе го отфрли последниот предлог за договор за заложници, подготвен од посредниците, кој доби зелено светло од Израел, пишува „Тајмс оф Израел“.
Осама Хамдан, функционер на Хамас со седиште во Либан, за телевизијата Ал-Манар, поврзана со Хезболах, изјави дека позицијата на Хамас за сегашниот предлог за преговори е негативна.
Од прес-службата на Хамас подоцна појаснија дека негативната позиција не значи дека преговорите се прекинати.