Свет
Ги лажат дека ги лекуваат
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-1864.jpeg)
Лекарите постојано ги убедуваат пациентите дека цитостатиците само што не стигнале, па дури им ја даваат и подготвителната терапија од кортикостероиди, со што здравјето на болниот од рак уште повеќе се влошува
Лекарите постојано ги убедуваат пациентите дека цитостатиците само што не стигнале, па дури им ја даваат и подготвителната терапија од кортикостероиди, со што здравјето на болниот од рак уште повеќе се влошува
Болните од рак веќе 20 дена се без терапија. Иако, овие пациенти лековите требало да ги примат уште пред една и пол недела, на Институтот за онкологија и радиотерапија на кој се лекуваат сите болни со вакви дијагнози во Македонија, препаратите ги нема. За да ги смират вознемирените пациенти, лекарите им даваат лажни ветувања, убедувајќи ги дека лекови ќе стигнат. Пациентите, убедени дека лекарите им ја зборуваат вистината, дури и испиле т.н. подготвителна терапија за цитостатици, која е составена од кортикостероиди, но терапијата до денес не им е стигната на Институтот.
"Срамота. Те гледаат во очи и те лажат. Се клукаме со непотребни лекови за џабе. Знаете ли што значи на болен од рак, кој спасот го гледа само во тој цитостатик, да му речете дека нема лекови. Тоа значи смрт. Никому од надлежните во оваа држава не му значи обичниот човечки живот. Можеби ќе се свестат ако и ним им се случи ваква трагедија", низ солзи раскажува 45-годишна жена од Скопје, која по трет пат треба да почне со цитостатската терапија, откако пред неколку месеци и била отстранета едната града.
Пациентите раскажуваат дека главни при делењето терапија на Институтот се медицинските сестри, во чии шкафчиња се чуваат цитостатиците.
"Сестрите се тие кои во болницата одлучуваат кој лек кому ќе се даде. И онаа малку терапија што ќе стаса веднаш се крие и лековите се даваат под рака на болни кои имаат врски. Цитостатици никогаш нема во доволна количина за сите кои имаме потреба, па дента кога доаѓаат лековите пред амбулантите е хаос", објаснуваат пациентите болни од рак.
Ваквите прекини во терапијата, според онколозите, сериозно го загрозува животот на овие болни. Лекарите потенцираат дека при вакви дијагнози клучен е континуитетот во лекувањето.
"Џабе им даваме лекови, кога две недели ги има, па четири недели ги нема. Така не се лекува, оти и таа терапија што им ја даваме е како фрлена во бунар, нема никаков ефект", велат стручњаците, кои се прашуваат дали болниците последнава година се претворени во штедилници или и натаму се установи за лекување луѓе.
Освен лекови за малигните заболувања, во Клиничкиот центар во Скопје недостигаат и основни терапии за срцевите болни, за лицата со проблеми на бубрезите, а нема ниту анестезии за операции.
Надлежните во Државна болница, вообичаено, немаат коментар и не сакаат да зборуваат по вакви прашања. Нивни единствен одговор е дека "се набавува во рамките на буџетите што им ги одредил Фондот за здравство". (А. Ст.)
***
Лекарите не потпишуваат за поврат на пари од лекови
Во Клиничкиот центар во Скопје, на ниту една клиника пациентите не можат да добијат конзилијарно мислење од тројца лекари за да можат да си ги повратат парите што ги дале за да купат лек што во моментот го немало во болницата. И покрај тоа што директорите на болниците се должни на пациентите да им издадат ваков документ, до тој лист хартија тешко се доаѓа, наводно поради усната опомена што директорот на Државна болница Андреа Арсовски им ја дал на лекарите да не потпишуваат конзилијарни мислења. Неофицијално се зборува дека Арсовски се заканил дека за секој потпишан лек парите ќе им бидат одбиени од нивната сметка.
Според законската регулатива, болниот кој има здравствено осигурување и дошол да се лекува во која било државна болница има право, доколку го нема потребниот лек, истиот да го купи од свој џеб и потоа да бара да му се вратат парите од државната здравствена каса.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Турист пронајден мртов во Грција
![](https://makfax.com.mk/wp-content/uploads/2023/08/grcija-plaza.jpg)
Американски турист (55) денес бил пронајден мртов на грчкиот остров Матраки.
Раниот топлотен бран се совпадна со бранот на исчезнувања и смртни случаи на туристи.
„Постои заедничко нешто. Туристите кои починаа планинареа на високи температури“, изјави за Ројтерс, Петрос Василакис, портпарол на полицијата во Јужното Егејско Море.
Телото на британскиот ТВ водител Мајкл Мозли беше пронајдено на 9 јуни на островот Сими по четиридневна операција за пребарување со помош на авиони и дронови. Мозли наводно одел сам на високите температури пред да исчезне.
Полицијата не го откри идентитетот на Американецот чие тело во неделата беше пронајдено во близина на плажата во Матраки.
– Телото е префрлено на Крф каде ќе биде извршена обдукција – изјави полициски претставник за Ројтерс.
Друг турист, Холанѓанец, кој имаше 74 години, беше пронајден мртов на островот Самос во саботата, додека двајца планинари беа пронајдени безживотни на Крит на 5 јуни.
Спасувачките екипи трагаат по две постари Французинки на Сикинос и по американски полицаец (59) на Аморгос.
– Во тек се две операции за пребарување на други острови. Распоредени се спасувачки екипи и доброволци кои со помош на дрон и куче спасувач трагаат по исчезнати лица – изјави Василакис.
Свет
Хаос на летот од Мароко до Лондон: Авионот принудно слета поради масовна тепачка меѓу патниците
![](https://makfax.com.mk/wp-content/uploads/2023/05/avion.jpg)
На летот на ирската нискобуџетна авиокомпанија „Рајанер“ од Агадир, Мароко до Лондон, избила масовна тепачка меѓу патниците, поради што пилотот принудно слетал, објави „Њујорк пост“.
Весникот наведува дека инцидентот кој се случил на 3 јули почнал уште пред полетувањето кога еден од патниците побарал да го смени седиштето.
Тепачката избила на летот за лондонскиот аеродром Станстед, а патниците врескале еден кон друг додека персоналот на авиокомпанијата давал се од себе за да ги смири.
„Беше толку стресно. Тоа беше како пекол. И се ескалира кога еден човек сакаше да го смени седиштето“, раскажа патник на летот.
Свет
Во Киев е прогласен ден на жалост
![](https://makfax.com.mk/wp-content/uploads/2024/07/Screenshot-2024-07-08-160716.jpg)
Градоначалникот на Киев, Виталиј Кличко, го прогласи 9 јули за ден на жалост по смртоносните напади на главниот град.
Сите знамиња ќе бидат спуштени на половина копје на институционалните згради низ градот, објави тој на Телеграм, а сите забавни настани се откажани.
Најмалку 20 луѓе загинаа во главниот град, вели Кличко, а речиси 100 се ранети.