Спорт
Фергусон и Манчини влегоа во вербален конфликт
Ривалите од Манчестер, менаџерите на Сити и Јунајтед, Роберто Манчини и Алекс Фергусон, си испратија „отровни стрели“, пред утрешното соочување на нивните екипи во ФА купот.
Ривалите од Манчестер, менаџерите на Сити и Јунајтед, Роберто Манчини и Алекс Фергусон, си испратија „отровни стрели“, пред утрешното соочување на нивните екипи во ФА купот. Вербалната пресметка ја започна Алекс Фергусон со изјавата дека Тотенхем, а не Сити, го игра најдобриот фудбал во Англија.„Лесно е да се отпише Тотенхем во овој момент, но според мене, тие го играат најдобриот фудбал во земјата“, рече Фергусон. На оваа негова изјава не му остана должен колегата од „синиот дел“ на Манчестер. „Знам дека е тешко да се каже дека нашите комшии го играат најдобриот фудбал. Тоа не е ниту малку лесно. Но, до овој момент ние го игравме најдобриот фудбал во Англија. Во секој град во кој постојат два големи клуба е многу напнато. Така е и во Рим и во Милано…“, рече Манчини. Фергусон на ова ретерираше, дека не би бил шокиран кога Јаја Туре би бил во стартните 11 за утрешниот меч, иако од Сити тврдат дека заедно со својот брат отпатувал за Париз, каде ќе се сретне со репрезентативните колеги. Најтрофејниот менаџер во Премиер лигата, додаде дека на утрешниот дуел, на испит ќе биде менталната стабилност на Сити, бидејќи тие се фаворити во ФА купот и Премиер лигата. „Сити има силен и искусен тим. Поради тоа нивните резултати за мене не се изненадување. Меѓутоа тие треба да знаат дека ние сме веднаш зад нив.“ Манчини, на ова рече дека нема намера да влегува во игрите на Фергусон и дополни дека има намера, со Манчестер Сити да го направи она што успеа да го стори со Интер. „Јунајтед го поседува тој победнички менатлитет веќе 25 години. Ако ја освоиме титулата или уште еден Куп тогаш ќе можеме да кажеме дека започнавме да им се приближуваме“, рече Манчини. Манчестер Сити минатата година го освои трофејот во ФА купот, што беше прв клупски трофеј по цели 35 години. крај/б92/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Шешко во 96-та минута спречи пораз на Јунајтед
Словенецот Бенјамин Шешко, во 96-та минута, спречи пораз на Манчестер Јунајтед, на гостувањето кај ест Хем. ЈУнајтед го искористи киксот на Челси и се искачи на четвртата позиција на табелата. Инаку ова е прво реми, по четири победи на Јунајтед, под водство на Мајкл Керик.
Херој на Вест Хем, чии фудбалери беа подобри во првото полувреме, беше Томас Сучек кој го постигна водечкиот гол во 50-тата минута по асистенција од Џарод Бовен. Но, во последните моменти од натпреварот, Шешко ги постави конечните 1:1.
Како што е познато, невозможно е да не се спомене, навивачот на Јунајтед кој чека 18 месеци на шишање, ќе мора уште да чека за да добие нова фризура, бидејќи тимот не успеја да ја забележи петтата победа во низа.
Спорт
(Видео) Лидс освои бод кај Челзи, Њукасл победи кај Тотенхем
Фудбалерите на Борнмут и Њукасл остварија триумфи во натпреварите од 26-то коло од Премиер лигата, додека Челзи испушти предност од два гола и ремизираше против Лидс.
Фудбалерите на Лидс Јунајтед, на „Стенфорд Бриџ“ надоместија негатива од два гола и на крајот освоија бод голем „како куќа“.
Лидс јунајтед ја потврдија одличната форма со само два порази во последните 13 натпревари во Премиер лигата.
Челзи поведе во 24-та минута преку Жоао Педро,тоа беше неговиот шести гол во последните 30 дена.
Во продолжението, домашните ја дуплираа својата предност, Палмер постигна гол од пенал.
Сепак, Лидс не се предаде. Лукас Нмеча го намали резултатот од пенал, а потоа во 73-тата минута му асистираше на Ноа Окафор, кој ја искористи лошата реакција на одбраната на домашниот тим и го постави конечниот резултат 2:2.
Челзи имаше шанса за победа до крајот, но Палмер не успеа да постигне гол.
Бортнмут со головите на Рајан и Адли победи кај Евертон 2:1, а со истиот резултат Њукасл, во Лондон го совлада Тотенхем. Чау и Ремзи во 88-та минута погодија за Њукасл, стрелец за Тотенхем во 64-та минута беше Греј. Тптенхем нема победа во Премиер лигата на последните осум натпревари.
Foto/ EPA
Спорт
Арне Слот: Ова е најтешката сезона во мојата кариера
Тренерот на Ливерпул, Арне Слот, изјави дека тековната сезона е најтешката во неговата тренерска кариера и дека би бил незадоволен ако тимот не обезбеди место во Лигата на шампионите.
„Фер е да се каже дека ова е најтешката сезона што сум ја имал, досега. Сите други сезони беа претежно позитивни, не мислам дека некогаш сум изгубил два натпревари по ред. Ова е исклучок за мене оваа сезона, како и за играчите, бидејќи не се навикнати да губат многу или да имаат многу нерешени резултати. Ни јас не сум навикнат на тоа“, рече Слот.
Актуелните англиски шампиони се на шестото место со 39 бода, пет бода помалку од четвртопласираниот Манчестер Јунајтед, кој е на последното место што води директно во Лигата на шампионите.
Во среда, Ливерпул гостува кај тимот на Сандерленд, во натпреварот од 26-то коло од Премиер лигата, а во претходната рунда беа поразени дома од Манчестер Сити (1:2).
Foto/ depositphotos.

