Македонија
ЕЛЕМ не се откажува од побарувањата од ЕВН
Одлуката со која ЕЛЕМ го доби спорот против ЕВН е донесена поради тоа што австриската компанија не дозволила судскиот вештак да направи увид
Одлуката со која ЕЛЕМ го доби спорот против ЕВН е донесена поради тоа што австриската компанија не дозволила судскиот вештак да направи увид во наплатените побарување.
Ова денеска беше појаснето на конференција за новинари на раководството на ЕЛЕМ, во врска со спорот, кој побуди голем публицитет во домашната, но и меѓународната јавност.
Притоа беше презентиран анекс договор, според кој двете компании со делбениот биланс се договориле 50 отсто од побарувањата што тогашно ЕСМ ги имало од потрошувачите, да му бидат префрлени на ЕЛЕМ.
Според генералниот директор на ЕЛЕМ, Влатко Чинговски ЕВН ја купил тогашна ЕСМ со ненаплатени побарувања од 13,6 милијарди денари (околу 220 милиони евра), по што ниту еднаш не ја информирала ЕЛЕМ за реализација на наплатата, и покрај обврската од анекс договорот..
Согласно договорот, половината од таа сум 6,5 милијарда денари (околу 107 милиони евра), откако ќе се наплателе, требало да му бидат префрлени на ЕЛЕМ, но до денешен ден биле префрлени само 8,92 отсто од тие средства.
Основниот суд во Скопје пресудил дека ЕВН треба да ја плати целата сума предвидена со договорот, без разлика дали ги наплатил побарувањата, со оглед на тоа што не дозволиле судскиот вештак да има увид во наплата на побарувањата.
„АД ЕЛЕМ има законска обврска да го заштити компанискиот имот, а со тоа имотот и на државата“, изјави Чингоски, појаснувајќи ги причините поради кои била покрената тужбата.
Тој истакна дека ЕЛЕМ нема никакви непријателски чувства кон ЕВН, туку напротив во нив гледа партнер за заедничка соработка.
Шефот на правниот тим на ЕЛЕМ, Никола Додевски не ја исклучи можноста од конфискација на имотот на ЕВН Македонија, повикувајќи се на домашните закони.
Наплата на судски долг во Македонија се врши преку судски извршител, кој најнапред ги блокира средствата на должникот, а потоа и неговиот имот, појасни Додовски, нагласувајќи дека пресудата на основниот суд не е правосилна и е подлежна на жалба пред повисоки судски инстанци.
ЕВН претходно соопшти дека ќе ја тужи Македонија пред Арбитражен суд во Вашингтон, во врска со пресудата за наплата на побарувањата од ЕЛЕМ. /крај/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Митева за извештајот на Советот на јавни обвинители: Институциите мора да се научат дека не може да функционираат по терк кој досега бил пракса со власта на СДС и ДУИ
„Очигледно дека работата на Советот на јавни обвинители не е добра ниту целосна, ниту па ја одразува и ја применува целата улога за која практично беше и формиран. Жалам, поддршка на ваков извештај ниту сега ниту во иднина нема да дадам“, истакна членот на ИК и пратеничка од ВМРО-ДПМНЕ Марија Митева на денешната собраниска Комисија за политички систем на која дебатираа за Годишниот извештај на Советот на јавни обвинители за 2023 година.
„Мора да се научат институциите дека не може да функционираат по терк кој досега бил пракса со власта на СДС и ДУИ каде само бледо ќе напишат некои статистики и ќе ги пратат до Собранието и ќе ценат дека така ќе поминат работите. Мора да размислуваме како да ги подобруваме работите, тоа беше и наше предизборно ветување“, рече Митева.
Таа истакна дека по скандалот со заменик претседателот кој се случи очекувала оставка од сите во Советот на јавни обвинители. „Во најмала рака очекував дека по скандалот кој се случи со заменик претседателот сите како совет на јавни обвинители ќе понесете морална одговорност, оставки и ќе кажете дека не сакате да сте дел од еден таков совет“, посочи Митева.
Македонија
Пренџов: На Македонија и требаат промени, граѓаните со право бараат оставки во судството со 2 проценти доверба
„Огромно мнозинство од граѓаните, пратениците во Собранието и сите добронамерни организации кои и мислат добро на Македонија очекуваа од сите вас во советот денес да си поднесете оставки. Требаше да си поднесете оставки бидејќи крајно време е во Република Македонија да создадеме еден нормален правен систем во кој на челото на правда и правичност ќе бидат пресудни во правниот промет кој го имаат граѓаните со институциите“, истакна пратеникот од ВМРО-ДПМНЕ Љупчо Пренџов на денешната собраниска Комисија за политички систем на која дебатираа за Годишниот извештај на Советот за јавни обвинители за 2023 година.
Пренџов додаде: „Ние во Македонија правна држава немаме. Правната држава почива на два столба првата е јавното обвинителство а вториот е судството. Ниту едното функционира, ниту другото функционира. Срамно е никој да не поднесе оставка од функција за која граѓаните кои сите не плаќаат имате 2% рејтинг“.
Пренџов укажа дека во Македонија нема правна држава, право и обвинителски систем.
„Темата право правда и реформи во правосуден систем беше ставен пред изборот на граѓаните, на секоја анкета немањето право и правда е клучен проблем, ама решение на него не е со вие да продолжите со како до сега да бидете судски совет во оваа држава со 2% рејтинг. На Македонија и требаат промени, а не козметика со зборување еден час и при тоа не кажување ништо“, дециден е Пренџов.
Македонија
Панова за работата на Советот за јавни обвинители: Нема позитивна работа
Во Извештајот за работа на Советот за јавни обвинители се вели дека Советот сите обврски ги има завршено успешно, па прашувам успешно ли е кога довербата во правосудството е минорни два посто, праша пратеничката Ели Панова од ВМРО-ДПМНЕ на денешната седница на собраниската Комисија за политички систем на која дебатираа за Годишниот извештај на Советот за јавни обвинители за 2023 година.
„Гледајќи седница на Советот што видов, што заклучив. Советот кој е составен од 11 члена е нем, никој ништо не зборува зарем тоа е транспарентност. Транспарентност ли е да се молчи. Се гледа дека само немо спроведувате одлуки“, рече Панова.
Панова се осврна на делот на Извештајот во кој се зборува за бројки или за статистика.
„Во делот каде зборувате за претставки давате бројки, статистика и кажувате дека најмногу претставки се во ЈО Скопје што е очекувано најголем број предмети се таму, но стои дека има незадоволство од времетраење на постапки што говори за неажурност, укажуваат за брзо решавање на предмети поднесени за луѓето за кои вие не смеете да постапите и најлесно е да ја отфрлите кривичната пријава, помал број биле претставки од незадоволство од застапената застареност. Или ако претставките зборуваат за неажурност, селективност, застареност на пријавите вие говорите дека позитивно работите“, посочи Панова