Свет
Мавританската армија ликвидира 12 борци на Ал Каеда
Припадници на војската на Мавританија ликвидирале 12 припадници на терористичката мрежа Ал Каеда во исламскиот Магреб на границата со Мали, јави Reuters повикувајќи се на воени извори.
Припадници на војската на Мавританија ликвидирале 12 припадници на терористичката мрежа Ал Каеда во исламскиот Магреб на границата со Мали, јави Reuters повикувајќи се на воени извори.
Според агенцијата, судирот меѓу војниците и милитантите започнал во пограничниот пустински регион уште во петокот во рамките на специјалната операција спроведувана од мавритански вооружени сили, а борбите продолжиле и во сабота.
Мрежата на Ал Каеда во исламскиот Магреб претходно беше позната како Салафитската група за проповед и за џихад. Во 2007 г., по соединувањето со меѓународната терористичка мрежа Ал Каеда, оваа група го измени и името под кое се јавува.
Оваа северно-африканска ќелија на Ал Каеда е најопасната екстремистичка организација која дејствува во сите земји од регионот. Нејзините припадници изведуваат особено дрски и насилни напади во Алжир, Мавританија и Тунис.
Терористите се сокриваат од безбедносните сили на трите држави во ретко населените области на Сахара на тромеѓето на границите на Алжир, Мали и Нигер, каде често навлегуваат од територија на една на територија на друга држава бегајќи пред војската и полицијата./крај/ројтерс/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.