Спорт
Роналдо, Меси, Вила и уште 20 играчи ќе се натпреваруваат за Златната топка
ФИФА го објави скусениот список од 23-ца играчи, кои претендираат за трофејот „Златна топка“ за 2010 г., како и имињата на десетте фудбалерки и две листи од тренери во изборите за најдобри во своите категории
Од оваа година, трофејот „Златна топка“ и наградата „Најдобар играч на годината на ФИФА“, се обединетите во една награда. ФИФА ќе го објави добитникот на „Златната топка“ заедно со францускиот спортски магазин France Football, според договорот за обединување на двата трофеа постигнат од 5-ти јули 2010 г. ФИФА и France Football. Во официјалното соопштение на ФИФА од вторник, најдобриот играч на светото за 2010 г. Којашто се доделува од 1956 г., ќе биде избран со гласовите на новинарите, селекторите и капитените на националните тимови во машка и во женска . Очекувано, на списокот за претенденти на најблескавата награда речис една третина, односно седумуна се членови на шпанската „црвена фурија“ којашто летово ја совои својата прва светска титула на мундијалот во Јужна Африка.На оовј список од 23 фудбалери, се Чаби Алонсо (Шпанија), Даниел Алвеш (Бразил), Икер Касиљас (Шпанија), Кристијано Роналдо (Португалија), Дидие Дрогба (Брегот на Слоновата Коска), Самуел Ето ( Камерун), Цеск Фабрегас (Шпанија), Диего Форлан (Уругвај), Асамоа Гиан (Гана), Андрес Иниеста (Шпанија), Хулио Сезар (Бразил), Мирослав Клосе (Германија), Филип Лам (Германија), Маикон (Бразил) Лионел Меси (Аргентина), Томас Милер (Германија), Месут Озил (Германија), Карлес Пујол (Шпанија), Арјен Робен (Холандија), Баштиан Швајнштајгер (Германија), Весли Снајдер (Холандија), Давид Виља (Шпанија) и Чави ( Шпанија).Во изборот на топ десет тренери се Карло Анчелоти (Италија, Челзи), Висенте Дел Боске (шпанската репрезентација), Алекс Фергусон (Шкотска, Манчестер Јунајтед), Пеп Гвардиола (Шпанија, Барселона), Јоаким Лев (германската репрезентација), Жозе Мурињо (Португалија, Интер / Реал Мадрид), Оскар Табарез (уригвајската репрезентација), Луис ван Гал (Холандија, Баерн Минхен), Берт ван Марвеик (холандската репрезентација) и Арсен Венгер (Франција, Арсенал).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дали е Баерн оштетен во последните секунди од натпреварот?
Фудбалерите на Реал Мадрид се пласираа во финалето на Лигата на шампионите каде на 1.јуни за титулата ќе се борат со Борусија Дортмунд.
Вечерва на „Сантијаго Бернабеу“, Реал повторно режираше нестварен пресврт и со головите на Хоселу во 88. и 91.минута го победи Баерн со 2:1.
Сепак, сенка на феноменалното полуфинале фрли помошникот на Симон Марчињак, Томаш Листкиевич, кој во последната минута од судиското надополнување реши да го прекине нападот на Баварците поради дискутабилен офсајд.
Во последните секунди Де Лихт погоди по додавањето на Милер, но помошникот во ситуацојата која беше „тесна“ реши да го крене знамецето.
Протоколот предвидува линискиот судија да ја остави акцијата да заврши, за доколку е постигнат гол, подоцна со помош на ВАР да се утврди дали голот бил регуларен или не.
Овде судијата не го направи тоа, па фудбалерите на Баерн, но и тренерот Томас Тухел целосно ги загубија нервите.
Спорт
Олимпијакос е последниот патник на завршниот турнир – Грците ја добија мајсторката во Барселона
Кошаркарите на Олимпијакос ја совладаа Барселона, во мајсторката одиграна во Каталонија со 63:59 и се пласираа на завршниот турнир во Евролигата, кој ќе се одржи од 24-26. ќе се одржи во Берлин во мај.
Грчкиот тим, кој вторпат победи на гостински терен во четвртфиналната серија со Барса, на тој начин им се придружи на Реал Мадрид, Панатинаикос и Фенербахче кои претходно се пласираа во Берлин.
Избраниците на Јоргос Баркокас трета година по ред се пласираа на завршниот турнир во Евролигата.
Претходната година беа поразени во финалето од Реал, а годината претходно беа елиминирани во полуфиналето од Анадолу Ефес кој подцна ја освои титулата.
Ривал на Олимпијакос во полуфиналето ќе биде Реал и тоа ќе биде реприза на финалето од минатата сезона од Каунас.
Вечерва во Блауграна, двата тима одиграа исклучително тврд и дисциплиниран натпревар во кој доминираа одбраните.
Олимпијакос во сердишницата од решевачката четвртина со серија поени и добра одбрана со која ги затворија сите патишта до нивниот обрач направија клучен исчекор кон победата.
Серијата од 8:0 во тој налет се покажа како клучна.
Две тројки постигнаа гостите во тој интервал, по една Мекисик и Папаниколау.
Барса, не се предаде, а пропушти одлична можност да го израмни резултатот кога Грците водеа со 57:54. Потоа Абрињес го повлече нападот, но Мекисик му ја „украде“ топката за во продолжение Милутинов да остане сам во рекетото на противникот и со забицвање да ја запечати победата на Олимпијакос.
Српскиот центар го заврши мечот со 10 поени (4/5 за два, 2/4 слободни фрлања), 10 скокови, две асистенции и блокада за убедливо највисок индекс на корисност 26 за 25 минути на теренот, Мекисик постигна 12. (2/4 за три), Папаниколау 11 (3/6 за три).
Само Лапровитола со 17 (3/8 за два, 2/7 за три) со седум скока и четир асистенции и Алекс Абринес со 13 поени (3/3 за два, 2/5 за три) во Барселона постигнаа двоцифрен број на поени.
Спорт
(Видео) Хоселу го реши трилерот во Мадрид – Реал е во финалето на ЛШ
Реал Мадрид 18.пат во клупската историја ќе се бори за трофејот во Купо/Лигата на шампионите. Вечерва на „Сантијаго Бернабеу“ во инфаркт завршница го победи Баерн со 2:1. Апсолутен херој на Реал е искусниот напаѓач Хоселу, кој со головите во 88. и 91.минута направи пресврт, откако Баерн поведе со голот на Дејвис во 68.минута.
Фудбалерите на Баерн беа на само неколку минути до финалето. Поведоа со спектакуларниот гол на Алфонс Дејвис и водеа до самиот крај на натпреварот, сепак, избраниците на Карло Анчелоти по којзнае кој пат покажаа сила и одлучност да се вратат „од мртвите“ и со голем пресврт да дојдат до победата.
Јунак на натпреварот беше Хоселу, тој влезе во игра во 81. минута и ги постигна двата гола за „кралскиот клуб“. Трагичар е голманот на Баерн, Мануел Ноер. Бранеше брилијантно во текот на целиот меч, но со груба грешка им го подари израмнувачкиот гол на фудбалерите на Реал.
Реал во финалето ќе игра против Борусија Дортмунд, која во два натпревари со вкупни 2:0 го елиминира ПСЖ.
Реал Мадрид е убедливо најуспешен клуб со рекордни 14 титули европски шампион. Борисија само еднаш ја освои Лигата на шампионите, во 1997 година, кога како аутсајдер го победи и Јувентус (3:1) во Минхен.