Спорт
Тери го донесе Челзи поблиску до титулата
Капитенот Џон Тери и донесе пет бода предност на екипата на Челзи пред Манчестер Јунајтед на табелата на Премиер лигата со победничкиот гол во второто полувреме на Стемфорд Бриџ
Тери го постигна победничкиот гол по изведениот слободен удар од Френк Лампард. Манчестер Јунајтед ги имаше своите шанси на двапати преку Вејн Руни, но на крај сините го постигнаа клупскиот рекорд со 11 последователни победи на домашен терен. Лутите ривали на гледачите им приредија досадна игра во првите дваесет и пет минути од натпреварот без поголеми шанси за гол на двете страни.Најзрелата шанса во 23 – тата минута ја имаше Лампард од слободен удар, кој пропушти да го доведе својот тим до водство.Напаѓачот на Јунајтед, Вејн Руни требаше да го казни Челзи за пропуштените шанси во второто полувреме, и во 66 –тата минута по повратниот пас од Антонио Валенсија да ја затресе мрежата на Петр Чех од работ на шеснаесетникот. Но, неговиот шут заврши покрај подалечниот дирек од голот.
Челзи е на врвот на табелата со 30 бода, Арсенал втор со 25 исто колку и Манчестер Јунајтед кој е на третото место, а на четвртото се наоѓа Тотенхем со 22, пред Астон Вила со 21 бод.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Хет трик на Довбик – Џирона со седм гола ја испрати Гранада во Сегунда
Во вториот натпревар од последното 38. коло на шпанската Примера, фудбалерите на Џирона ја декласираа Гранада со 7:0.
Џирона во голем стил ја заврши најуспешната сезона во клупската историја. Екипата од Каталонија е трета на табелата и наредната сезона ќе игра во Лигата на шампионите.
Три гола постигна Украинецот Артем Довбик, кој сега е прв стрелец во лигата со 24 гола, еден повеќе од Норвежанецот Александар Серлот од Виљареал.
Во победата два гола постигна вториот Украинец Циганков, односно Гарсија и Стуани.
Спорт
Реал го прегази Олимпијакос, ќе ја брани титулата против Панатинаикос
Реал Мадрид ќе ја брани титулата в недела против Панатинаикос, откако во второто полуфинале на завршниот турнир во Берлин го победи Олимпијакос со 87:76 (28:10, 28:27, 15:21, 16:18).
Во второто полуфинале немаше никаква неизвесност. Слично како и во првото полуфинале, работите беа решени во рната фаза од натпреварот. Реал, во првата четвртина со шест тројки го торпедираше кошот на Олимпијакос и во вториот период влезе со предност од 18 поени.
Во ист ритам Реал продолжи и во втората четвртина, во која дојде до највисоката преднотс (54:29).
Олимпијакос се разбуди во второто полувреме, во еден момент, во последната четвртина со доближи на негатива од само осум поени, но Реал лесно го одби тој напад и на крајот заслужено победи.
Џанан Муса го предводеше Реал со 20 поени, Марио Хезоња постигна 12, а Гершон Јабуселе и Винсан Поарије по 11.
Кај Олимпијакос се истакнаа Алек Питерс постигна 23 со 10 скока, Шекил Мекисик 17, а Најџел Вилијамс-Гос 15 поени.
Финалниот натпревар Реал-Панатинаикос ќе се одигра в недела од 20 часот.
Спорт
Пандев во „Тимот на светот“, ќе игра против Романија 1994
Тимот на светот утре во Букурешт ќе одигра ревијален натпревар против „златната генерација“ на романскиот фудбал која остави фантастичен впечаток на СП 1994.
На Светското првенство во 1994 година Романија стигна до четвртфиналето.
Дел од тимот на светот ќе биде и Горан Пандев. Во овој тим се меѓудругите Дида, Маикон, Стоичков, Ривалдо, Панучи, Маркос Сена, Савиола, Карембе…
Во тимот на Романија ќе бидат Попеску, Димитреску, Лакатуш, Прунеа, Лупеску, Мунтеану, Дан Петреску…