Спорт
Меси и Франција денеска пред големи предизвици
Со денешните натпревари ќе биде комплетирано второто колово групите А и Б од Светското првенство во Јужна Африка, во кој се очекуваат интересни двобои меѓу Аргентина и Јужна Африка, Грција и Нигерија и Франција и Мексико
Откако со победи стартуваа против Нигерија и Грција, Аргентина и Јужна Кореја во првиот денешен натпревар во терминот од 13.30 часот во Јоханесбург. И за двете екипи победата значи и сигурен пласман во осминафиналето од Групата Б.Аргентина против Нигерија покажа дека има течна игра но интересно ќе биде да се види дали против Корејците „гаучосите“ ги наместиле нишанските справи. Да потсетиме, против Нигерија, Меси и Игуаин не успеаја да поентираат дури од десет изгледни шанси, но делумно по вина на одличниот голман Винсент Ениејема.Јужнокорејците, пак, целосно ги надиграа поранешните европски прваци Грција, но прашање е дали се работи за толкав нивен квалитет или, пак, за голема немоќ на Грците. Несомнено е дека Јужна Кореја има квалитет, но исто така повеќе од сигурно е дека ќе се ориентират првенствено да не примат гол. Затоа може да очекуваме црвста и дисциплинирана игра со позатворена варијанта од нивна страна која Аргентинците ќе се обидат рано да ја отворат со погодок.Во Блоемфонтејн се среќаваат Грците и Нигеријците. И двете екипи со по еден пораз ќе мора да одат на сигурна победа за да обезбедат шанса во третиот меч од групата да изборат продолжение на настапите на мундијалот. Доколку победат Нигеријците ќе имаа условно речено полесна задача, бидејќи во следниот меч ќе се сретнат со Јужна Кореја, додека Грците во последниот натрпевар по групи се среќаваат со големиот фаворит Аргентина. Грција доколку доживее пораз ќе го повтори катастрофалниот резултат од 1994 г., кога првенството го напушти како последнопласирана репрезентација со три пораза од три меча. Оттаму, се очекува возбудлив меч но со оглед на квалитетот на двете екипи, не може да се очкува и квалитетна во играчки смисла фудбалска претстава.Вечерниот термин е резервиран за мечот Франција – Мексико, кои од 20.30 часот ќе се сретнат во Преторија. По ремито на двете селекции во првото коло, ова ќе биде меч од особена важност. Се очекува дека францускиот селектор Рејмонд Доменек да ја измени формацијата и стратегијатаво за нијанса поистурена варијанта во која ќе вклучи и класичен шпиц играч. На страна на Французите е и традицијата. Имено Франција во шесте мечеви против Мексико забележала пет победи и едно реми со постигнати 15 голови. По победата на Уругвај во синоќешниот меч со Јужна Африка, и Мексиканците од денешниот меч мора да излезат најмалку непоразени, па да се надеваат во јужноамериканскиот двобој со Уругвај да се квалификуваат за нокаут фазата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.