Uncategorized
Светот во 2006. со забави, штрајкови и вандализам
Први во Новата година влегоа жителите на Азија, Австралија и Океанија. Повеќе десетици илјади луѓе ја поздравија Новата година во Сиднеј со летни температури и спектакуларниот огномет.
Светот со забави на улиците, како и со штрајк на вработените во лондонското метро и палежи на возила во Франција влезе во Новата година.
Најголеми забави имаше на улиците на велеградовите како Москва, Лондон, Париз и Њујорк, а весело беше и на бразилските плажи.
Оваа година во поголемиот дел од светот е дочекана со радост, за разлика од ланската кога голем број забави беа откажани во знак на солидарност со жртвите од разорното цунами во југоисточна Азија.
Штрајкот на вработените во подземната железница во Лондон не влијаеше многу врз забавата, бидејќи работниците кои не се вклучени во синдикатот се погрижија метрото сепак да работи.
Лондончаните се собраа на Трафалгар Скверот за на полноќ да го слушнат ѕвонењето на Биг бен и да го видат огнометот наречен Лондонско око.
Прославата во Франција мина во знакот на палење автомобили. Во новогодишната ноќ изгореа вкупно 425 возила, а полицијата приведе 266 луѓе. За безбедноста во Франција се грижеа 25 илјади полицајци.
И Москва влезе во новата година со масовно присуство на полицијата. Повеќе илјади луѓе се собраа на улиците на Москва и покрај студеното време, а малку пред полноќ им се обрати рускиот претседател Владимир Путин.
Милион луѓе се собраа кај Бранденбуршката порта во Берлин, каде прославата беше во знакот на претстојното светско првенство во фудбал.
Спуштањето на кристалната топка и конфети го означија почетокот на Новата година на Тајмс Скверот во Њујорк, каде присуствуваа повеќе стотици илјади луѓе.
Празнувањето во Њу Орлеанс започна со поворка во спомен на жртвите од ураганот Катрина, кој го опустоши градот пред четири месеци, а дочекот на отворено беше откажан во повеќе градови во Калифорнија, каде обилните дождови предизвикаа поплави северно од Сан Франциско. Повеќе илјади луѓе, поради поплавите Новата година ја дочекаа во засолништа на Црвениот крст.
Бразил ја дочека 2006 година во ритамот на самбата. Повеќе милиони Бразилци се собраа на плажите на Рио де Жанеиро каде за огнометот беа потрошени 25 тони пиротехнички средства.
Први во Новата година влегоа жителите на Азија, Австралија и Океанија. Повеќе десетици илјади луѓе ја поздравија Новата година во Сиднеј со летни температури и спектакуларниот огномет.
Неколку илјади луѓе во Јапонија денеска уште в зори се искачија на планината Фуџи да го гледаат првиот изгрев на сонцето во 2006-тата година.
Во Азија дочекот на Новата година беше проследен и со тероризам. Вчера во индонезискиот град Палу во експлозија на бомба загинаа осум, а ранети беа 45 лица.
Новата година во Пакистан мина во знакот на катастрофалниот земјотрес од осми октомври, а голем број луѓе ја дочекаа на отворено на голем студ. /крај/ста/м
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Минчев – Жариќ-Ковачевиќ: Зајакнување на билатералната соработка меѓу Република Македонија и Република Србија во јавната администрација
Во рамки на зајакнување на регионалната соработка, Министерот за јавна администрација на Република Македонија, Горан Минчев, оствари билатерална средба со Министерката за јавна администрација и локална самоуправа на Република Србија, Јелена Жариќ Ковачевиќ, на која разговараа за областите на соработка насочени кон унапредување на системите на јавна администрација во двете земји.
На средбата беа истакнати одличните релации меѓу држави, при што двајцата министри изразија заедничка посветеност за продлабочување на соработката во областа на владеењето и административните реформи.
Во таа насока, заложбите на двете страни кулминираа со договор за потпишување на Меморандум за соработка во перидот кој следи, а кој ќе ја формализира размената на најдобри практики, заеднички иницијативи и споделена експертиза во јавната администрација.
„Потпишувањето на овој меморандум за соработка ќе означи ново поглавје во партнерството меѓу Република Македонија и Република Србија во областа на јавната администрација, едновремено истакнувајќи ја нашата заедничка цел, а тоа е модернизирање на јавна администрација и унапредување и зајакнување на процесите и капацитетите кои произлегуваат од неа.”- истакна министерот Минчев.
Министерката Жариќ Ковачевиќ ја потврди оваа иницијатива, истакнувајќи ја важноста на регионалните партнерства во поттикнувањето на реформите кои ќе ја подобрат испораката на јавните услуги за граѓаните во двете земји.
Двете министерства ќе се заложат преку редовни консултации и состаноци да работат на конкретни процеси кои ќе придонесат за ефективна имплементација на реформите во јавната администрација, а кои ќе бидат дел од Меморандумот за соработка.
Uncategorized
(Видео) Гори дел од касарна, голем пожар во Србија
Во делот од касарната лоциран во близина на болницата ВМА, во Бањица денеска во попладневните часови имало пожар.
View this post on Instagram
Како што се гледа на видеото кое е објавено на социјалната мрежа Инстаграм, во тој дел од градот се шири густ чад.
На терен се 12 пожарникари и четири противпожарни возила.
Uncategorized
Општина Аеродром доделува мали грантови за управување со отпад
Општина Аеродром објавува повик за доделување мали грантови за граѓанските организации на тема „Зајакнување на заедниците за одржливо управување со отпад од пакување“.
Целта на повикот е да се променат навиките на локалното население за селектирање отпад од пакувања во своите домаќинства и да се научат на правилна селекција на отпадот, пред сè, пластика и лименки.
Вкупниот износ на финансиските средства за грантот изнесува 25.000 евра обезбедени преку проектот финансиран од Европската Унија „Clean AirDrom – нула цврст отпад во Општина Аеродром“.
Минималната вкупна сума што може да ја добие една граѓанска организација е 2.500 евра, додека максималниот износ по грант изнесува 5.000 евра во денарска противвредност.
Јавниот повик е отворен за граѓански организации што се формално регистрирани на територијата на Град Скопје најмалку 2 (две) години пред објавата на овој повик.
Предност ќе имаат оние организации што во својата мисија и статут имаат заложби за зајакнување на заедниците за одржливо управување со отпад и кои во својот фокус ги имаат младите.
Проектите може да бидат со времетраење од 3 месеци, односно да се спроведат во периодот од ноември 2024 година до јануари 2025 година.
Предлог-проектите мора да се спроведуваат исклучиво на територијата на Општина Аеродром.
Рокот за поднесување на предлог-проектите е до 16.10.2024 година, најдоцна до 15:00 часот во Архивата на Општина Аеродром (соба број 7 на први кат) или електронски преку е-адресата [email protected]. Подетални информации за повикот може да се добијат на телефонскиот број 075/572-830.
Документацијата за поднесување на предлог-проектите може да се преземе на следниов линк.