Свет
Најмалку 4 загинати и 20 ранети во напад во Авганистан
Најмалку четири лица загинале а уште 20 се ранети во експлозија предизвикана од бомбаш самоубиец во провинцијата Хост во источен Авганистан, изјавил за РИА Новости началникот на провинциската полициска управа, Мохамад Јакуб Мандузај.
Најмалку четири лица загинале а уште 20 се ранети во експлозија предизвикана од бомбаш самоубиец во провинцијата Хост во источен Авганистан, изјавил за РИА Новости началникот на провинциската полициска управа, Мохамад Јакуб Мандузај.Според полицискиот началник, цел на терористот била командата на единиците за брза реакција на полицијата во Хост, во западниот дел од градот. Напаѓачот се разнесол на влезот во главниот објектот. Според првичните информации, во експлозијата загинал командантот на силите за брза реакција на авганситанскта полиција во Хост, полковникот Мохамад Захир.Во друг инцидент во јужниот дел од земјата, играјќи се со неексплодирана експлозивна направа тешко биле повредени девојчиња, јави авганистанската новинска агенција „Пажвак“ Според началникот на провицниската полициска управа во областа Шахџои, Абдул Малек Вахиди,инцидентот се случил во петокот навечер по локално време.Девојчињата пронашле неексплодирано полнење од мина кое потекнува од граѓанската војна во 1990-те, го однеле во нивниот дом и го ставиле во запалена печка. Девојчињата се хоспитализирани со сериозни повреди.Според статистиката, секој месец во Авганистан од заостанати недетонирани експлозивни направа и мини страдаат околу 100 лица. Најголемиот дел од авганистанските деца, особено кои живеат во руралните подрачја немаат играчки и си играат со она што ќе го најдат на улица, па оттаму и се најчестите жртви во вакви инциденти./крја/рн/пж/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Професорите на Универзитетот во Амстердам протестираа во знак на солидарност со студентите
Наставниот кадар на Универзитетот во Амстердам одржа протест во знак на солидарност со студентите, чии демонстрации против војната во Газа претходно беа насилно расчистени од полициските сили.
Полицијата со булдожер ги урна барикадите и уапси околу 140 демонстранти, а постојано има судири меѓу безбедносните сили и студенти, пренесува Ројтерс.
„Учениците и вработените пријавиле употреба на полициски палки и кучиња, како и булдожери во обид на полицијата насилно да ги отстрани. Поради прекумерната употреба на насилство, луѓето се повредени“, велат од групата Холандски научници за Палестина.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.
Свет
Хамас планира да предаде 33 заложници, некои од нив се мртви
Хамас планира да ги предаде останките на неколку заложници кои се меѓу 33-те за кои се наведува дека ќе бидат ослободени во првата фаза од предложениот договор за прекин на огнот, пишува Њујорк Тајмс.
Во извештајот, во кој се цитирани две лица блиски до преговорите за договорот, се вели дека Хамас ги информирал посредниците дека веќе не се живи сите оние што требаше да бидат ослободени. Се очекуваше во првата фаза да бидат ослободени жени, деца, стари и болни лица, потсетуваат израелските медиуми.
Израел претходно инсистираше да се ослободат само живите заложници во таа фаза и се согласи со помалку од 40-те луѓе што првично ги бараше, со разбирање дека сите што требаше да бидат ослободени се живи. Хамас синоќа соопшти дека го прифатил договорот предложен од посредниците. Израел, пак, оцени дека договорот е многу поинаков од она на што се согласила земјата.
Официјални лица на Хамас рекоа дека првата фаза од договорот ќе вклучи 42-дневно примирје и ќе ослободи 33 израелски заложници во замена за голем број палестински безбедносни затвореници кои се чуваат во израелските затвори.
Кабинетот на израелскиот премиер Бенјамин Нетанјаху оцени дека понудата на Хамас не ги исполнува основните израелски барања, но најави дека ќе испрати преговарачи да продолжат со преговорите со американските, египетските и катарските посредници.
Се верува дека уште 128 заложници се држат во Газа, од околу 250 киднапирани во нападите на палестинските екстремисти предводени од Хамас на 7 октомври минатата година, но не се знае дека сите се живи. За време на еднонеделниот прекин на огнот на крајот на ноември минатата година беа ослободени сто и пет цивили, а пред тоа четворица.
Тројца живи заложници беа ослободени од војниците, а телата на 12 од нив беа пронајдени, вклучувајќи и тројца убиени по грешка од војниците.
Израелската војска ја потврди смртта на 35 заложници кои сè уште ги држи Хамас, повикувајќи се на нови разузнавачки информации од војниците кои дејствуваат во Газа.