Спорт
Бундеслигашко дерби, Баерн против Шалке
Големото дерби на германскиот фудбал, дуелот на Баерн Минхен и Шалке, ќе се одигра во рамките на 23-то бундеслигашко коло.
Големото дерби на германскиот фудбал, дуелот на Баерн Минхен и Шалке, ќе се одигра во рамките на 23-то бундеслигашко коло. Двата тима не можат да бидат задоволни од она што го прикажуваат во последниот период, прогнозите се дека екипата што ќе загуби, шансите за освојување на титулата ќе ги сведе на минимум. Во моментов Баерн и Шалке заостануваат четири односно пет бода зад лидерот од Дортмунд. Баерн во мечот влегува по поразот во Базел, во Лигата на шампиони, додека Шалке мина во осмина финалето во Лига Европа, но одигра 120 минути против Викторија Плзен. Баерн во последните пет кола има само две победи, Шалке во последните пет кола од можните 15 освои 10 бода. Вечерва колото во Бундеслигата ќе го отворат Борусија Менхенгладбах и Хамбургер. Борусија е второпласирана на табелата, со четири победи и еден нерешен резултата на последните пет средби. Екипата на тренерот Лусиен Фавр е на три бода оддалеченост од лидерот и сигурно е дека до крајот нема да се откаже од борбата за титулата, која во Менхенгладбах ја чекаат уште од сезоната 1976/1977. Лидерот Дортмунд во оваа рунда на домашен терен ќе игра против непредвидливата екипа на Хановер.Интересно се очекува да биде и на дуелите, на тимовите кои се борат за опстанок. Мајнц на Николче Новевски ќе го пречека Кајзерслаутерн, додека Аугзбург ќе игра против Херта. Комплетни двојки:Петок, 24. февруари:Борусија Менхенгладбах-ХамбургерСабота, 25. февруари:Мајнц-КајзерслаутернШтутгарт-ФрајбургКелн-Баер ЛеверкузенВолфсбург-ХофенхајмАугзбург-ХертаВердер-НинбергНедела, 26. февруари:Баерн Минхен-ШалкеБорусија Дортмунд-Хановер. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал прв обезбеди пласман на Ф4 во Берлин
Кошаркарите на Реал Мадрид први се пласираа на фајнл-форот во Евролигата. Актуелните шампиони серијата против Басконија ја добија со 3:0.
Третиот натпревар од серијата се одигра во „Фернандо Буеса“, во Виторија, Реал победи со 102:98.
Најефикасен во тимот на Чус Матео Бои беше Гершон Јабуселе со 23 поени, седум скока и три асистенции. Се истакнаа и хрватскиот кошаркар Марио Хезоња со 16 поени, четири скока и две асистенции и една топка, односно Факундо Кампацо со 13 поени, четири скока, осум асистенции и Валтер Тавареш со 12 поени, 13 скокови и четири блокади.
Најистакнати во тимот на Басконија беа плејмејкерите Маркус Хауард (29 поени, по два скока и асистенции) и Коди Милер-Мекинтајр (17 поени, четири скока, 11 асистенции, две украдени топки). Двициврени беа и Никос Рогкавопулос со 18 поени, четири скока и Вања Маринковиќ со 17 поени и четири скока.
Завршниот турнир во Берлин ќе се одржи од 24. до 26.мај, актуелниот шампион во полуфиналната пресметка со победникот од серијата Барселона-Олимпијакос.
Спорт
(Видео) „Милионерите“ чекор поблиску до финалето – Филкруг му пресуди на ПСЖ
Борусија Дортмунд го совлада Пари Сен Жермен во првиот полуфинален натпревар од Лигата на шампионите. „Милионерите“ забележаа победа 1:0 на „Вестфален“. Херој на „жолтиот ѕид“ беше Никлас Филкруг.
Борусија во првото полувреме, беше подобра само сза тој еден гол, иако всушност до самиот крај на првиот дел од натпреварот ниту еден од тимовите немаше изгледни шанси.
Се играше 36. минута кога Шлотенберг од половината на парижаните ја испрати топката до Филкруг. Овој ја прими брилијантно, повлече напред, се избори со Лукас Ернандез и го совлада Донарума.
Борусија имаше две одлични шанси во самиот финиш на првото полувреме, но Донарума беше на висината на задачата и го спаси својот тим.
Во вториот дел и двете екипи го зголемија својот ритам. Пари Сен Жермен тргна крајно офанзивно во вториот дел од натпреварот.
Стативата од голот на Кобел се тресеше два пати за само десет секунди во 51. минута. Прво се обиде Мбапе, ја погоди стативата, топката се врати кај гостите, по што се обиде и Хакими, но овојпат се затресе статива.
Набргу потоа Борусија имаше шанса да ја зголеми предноста, но одличната аситенција на Санчо, Филкруг не успеа да ја претвори во гол. До крајот ПСЖ два пати опасно се закани преку Фабијан Руиз и еднаш преку Дембеле, а втор гол на домаќинот спречи Маркињос кој во последен момент го блокираше Бранд.
Реваншот е следниот вторник во Париз.
Спорт
Парма се врати во Серија А
Со нерешениот резултат 1:1, на стадиното „Свети Никола“ против Бари, Парма се врати во Серија А. Култниот италијански клуб, на две кола до крајот на сезоната во Серија Б има седум бода повеќе од третопласираната Венеција.
Историјата на Парма во последниве години беше сè само не сјајна. Клубот згасна, па повторно оживеа во 2015 година.
Во следните три години, Парма стана првиот клуб кој остварил промоција во повисок ранг во три последователни сезони и успеа да се врати во Серија А, каде што остана до сезоната 2020/21, Во таа сезона забележа само три победи и повторно испадна во понизок ранг.
Минатата година навивачите беа разочарани по плеј-офот, а сега Парма го обезбеди најмалку второ место и враќање во елитата.