Спорт
Уапсен главниот виновник за инцидентот во Џенова
(проширено)Меѓу уапсените во Џенова најголемата ѕвезда е човекот кој со ножици ја исече заштитната ограда, се качи на неа и го запали албанското знаме, кого го сметаат за главен иницијатор и организатор на хулиганските дивеења пред фудбалскиот меч меѓу Италија и Србија
За уапсениот српски хулиган италијанските меидуми пишуваат дека е истетовиран и набилдан 28-годишник кому му се наведуваше прво само името – Иван Богданов. Него го сметаат за предводникот на двете илјади српски хулигани кои со дивеењето низ Џенова пред мечот и особено по почетниот свиреж на судијата, не дозволија да заврши квалификациската средба за Еуро 2012 меѓу Италија и Србија, во вторникто навечер.Во соопштението од поладнево на полицијата од поркаината Лигурија чиј центар е Џенова, се наведува дека уапсени биле само 17 српски хулигани. Лекасрска помош побарале вкупно 16 лица, од кои четворица се полицајци.Тој иако носеше качунка, бил препознает по впечатливите тетовожи – Црвена ѕвезда, бројката 28 и рачна граната.Италијанските медиуми пишуваат дека е избегната нов „Хејсел“, бидејќи спрските навивачи имале намера да се судрат со италијанските „ултраши“ кои не се воопшто помалку налудничави од нив. Разјаренета хулиганската маса ја уништила фасадата на најголемата градска знаменитост на Џенова, Дуждовата палата, испишувајќи на неа графити и гаѓајќи ја со петарди и факели. Со петарди и факели биле гаѓани и продавниците и минувачите во центарот на градот, на главниот плоштад Пјаца де Ферари. Продавачите и очевидците велат дека многу лица од толпата биле вооружени со ножеви и стапови. „Вакво нешто не сум видел досега!“, во шок изјави селекторот на фудбалската репрезентација на Италија, Чезаре Прандели, откако поради инцидентите кои ги направија српските навивачи, квалификацискиот натпревар Италија-Србија е прекинат во шестата минутаСудијата, Крег Томсон поради безбедноста на навивачите го прекина натпреварот, бидејќи српските навивачи ја кршеа заштитната ограда и фрлаа факели на теренот на стадионот „Луиџи Ферарис“. „Мислам дека српските навивачи дојдоа овде со намера да го прекинат натпреварот“, вели Прандели. Селекторот на Италија пренесува и што се случувало во соблекувалната на Србија пред почетокот на натпреварот. „Влеговме внатре и го видовме голманот Владимир Стојковиќ како се тресе од страв. Не можев да разберам што се случува сè додека преведувачот нè ни објасни дека навивачите го нападнале автобусот на репрезентацијата на Србија и дека тој бил нивна цел. Човекот беше уплашен за својот живот.“Него го спасиле поранешнит еиграчи од Црвеан ѕвезда, Дејан Станковиќ и Никола Жигиќ, кои ги молеле „делиите“ да не го малтретираат Станковиќ. Извештаите од Италија говорат дека по излегувањето од стадионот српските хулигани се обиделе да се пресметаат со домашните навивачи. Поголеми инциденти по улиците на Џенова спречила италијанската полиција. На прашањето зошто карабињерите не се обиделе да ја испразнат трибината и не интервенирале поагресивно, од полицијата одговорија дека не сакале целата ситуација уште повеќе да ескалира. Неколку часа по натпреварот италијанската полиција соопшти дека го уапсила хулиганот кој стана симбол на прекинатиот натпревар, бидејќи поголемиот дел од времето тој го мина седејќи на заштитната ограда која ги дели трибините од теренот. Тој бил пронајден како се крие во багажникот на еден автобус. Во моментот на апсењето, карабињерите тврдат дека хулиганот на градите имал рачна бомба. Каков епилог ќе има прекинатиот натпревар ќе реши УЕФА, откако ќе го добие извештајот од делегатот. Од Фудбалскиот сојуз на Италија се убедени дека на „зелената маса“ ќе ја добијат победата. По повод инцидентот се огласија првиот човек на Фудбалскиот сојуз на Србија, Томислав Караџиќ и министерката за спорт, Снежана Самарџиќ- Марковиќ. „Овие деца овде во Џенова беа само извршители. Тие што го планираа сето ова седат во Белград“, изјави Караџиќ. „Ова е голем удар за тешко стекнатиот углед на Србија и српскиот спорт во светот. Група на хулигани кои се нарекуваат навивачи ја посрамотија целата земја. Сликите од Џенова ќе го обиколат целиот свет“, додаде Самарџиќ-Марковиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Барселона ја потопи „жолтата подморница“
Фудбалерите на Барселона лесно го победија Виљареал во 17-то коло од Примера (2:0), со што ја забележаа својата осма последователна победа во шпанската елита.
Избраниците на Ханси Флик, во Виљареал, го отворија резултаот во 12-та минута, кога Рафиња погоди од пенал.
Потоа следуваше шоуто на Ламин Јамал. Прво, Ренато Веига доби директен црвен картон во 39-та минута за наивен старт врз суперталентираниот 18-годишник, а пота Јамал во 63-та минута го постави конечниот резултат.
Јамал го постигна својот седми гол во 14-от лигашки натпревар, има и седум асистенции.
Од неуспехот во Ел Класико, Каталонците имаат само победи, со импресивна гол-разлика од 26:8. Во следниот натпревар, тие ќе гостуваат кај нивниот голем ривал Еспањол.
Барселона е на чело на табелата со 46 бода, четири повеќе од Реал Мадрид, Венаш зад водечката двојка е Атлетико, додека „жолтата подморница“ го зазема четвртото место.
Foto/ depositphotos
Спорт
(Видео) Астон Вила не запира, Роџерс му пресуди на Манчестер Јунајтед
Фудбалерите на Астон Вила го победија Манчестер Јунајтед (2:1) на свој терен во дербито на 17-то коло од Премиер лигата. Астон Вила ја забележа скромната шеста победа во 61-от меѓусебен дуел со Јунајтед во Премиер лигата.
Головите, со кои Вила ја продолжи победничката серија ги постигна Морган Роџерс во 45-тата и 58-та минута. На другата страна, Матеус Куња погоди во третата минута од судиското продолжение во првото полувреме.
За да биде уште полошо за „црвените ѓаволи“, капитенот и најдобар играч Бруно Фернандес се повреди и ја напушти играта на полувремето.
Единствениот позитивен факт е дебито на Џек Флечер (18), син на познатиот Дарен, играч на првиот тим на Јунајтед од времето кога клубот предовен од сер Алекс Фергусон владееше во Премиер лигата.
Роџерс речиси постигна два идентични гола на овој натпревар, со прецизен удар во спротицниот агол, при што првиот беше особено импресивен.
Куња постигна гол по големата грешка на Мети Кеш и добрата реакција на Патрик Доргу.
Куња беше тој што ја имаше најдобрата шанса во 68-та минута за израмнување, но неговиот удар со глава заврши покрај стативата.
Вила ја забележа својата 10-та победа по ред во сите натпреварувања и моментално е трета во Премиер лигата со 36 бода, три помалку од лидерот Арсенал. Следен противник за тимот на Унаи Емери е Челзи.
Јунајтед е седми со 26 бода, а негов следен ривал е Њукасл.
Фото/ Depositphotos
Спорт
Тренерот на Милан се соочува со жестока казна
Тренерот на Милан, Масимилијано Алегри, е соочен со долга суспензија поради навреда на спортскиот координатор на Наполи, Габриел Оријали, за време на полуфиналето на италијанскиот Суперкуп помеѓу двата клуба во четврток вечерта.
Како што објавува „Газета Спорт“, тренерот на второпласираниот тим од Серија А би можел да добие казна од неколку натпревари во домашното првенство поради несоодветните зборови што му ги упатил на поранешниот италијански фудбалер.
Во случај да не добие суспензија, трофејниот италијански стручњак веројатно ќе биде „удрен во џебот“, а Дисциплинската комисија е таа што треба да одлучи каква казна ќе му одреди на Алегри.
Од Наполи веќе изјавија дека се надеваат, дека Алегри ќе добие соодветна казна за своето простачко однесување.
„Се надеваме дека овој целосно неконтролиран напад нема да помине незабележано, особено затоа што, со 33 камери вклучени во продукцијата на настанот, беше невозможно да не се види што се случи“, се вели во соопштението на клубот кој ќе се бори против Болоња за титулата победник на италијанскиот Суперкуп.
За потсетување, Милан ќе го игра својот следен натпревар во Серија А само во недела, 28 декември во Верона.
Foto/ freerangestock

