Свет
Седум години затвор за Драган Даравелски
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-1982.jpeg)
"Обвинетиот Драган Даравелски е виновен за кривичното дело злоупотреба
на службената должност и овластување и Судот го осудува на казна затвор во
траење од седум години", е пресудата која ја соопшти судијката Татајана
Дуковска
ИЗРЕЧЕНА ПРВОСТЕПЕНА ПРЕСУДА ЗА ЕКСДИРЕКТОРОТ НА ЦАРИНА
"Обвинетиот Драган Даравелски е виновен за кривичното дело злоупотреба
на службената должност и овластување и Судот го осудува на казна затвор во
траење од седум години", е пресудата која ја соопшти судијката Татајана
Дуковска
"Обвинетиот Драган Даравелски е виновен за кривичното дело злоупотреба
на службената должност и овластување и Судот го осудува на казна затвор во
траење од седум години", е пресудата која ја соопшти судијката Татајана
Дуковска за поранешниот прв човек на Царинската управа на Македонија. Таа кажа
дека на Даравелски ќе биде однесен во притвор кога ќе го пронајде полицијата.
На затворска казна од 4 години и десет месеци е осуден и неговиот соработник
Киро Доцевски. Судот на двајцата им изрече мерка забрана на вршење дејност,
должност или функција од по пет години откако ќе ја одлежат казната. Според
пресудата, на двајцата сега осудени им се пленува имот во вредност од над 100
милиони денари. Пресудата не е правосилна, а адвокатите најавија жалби до
Апелациониот суд.
Судскиот процес против Драган Даравелски почна лани во октомври. За него во
2003 година беше издадена потерница, откако шест месеци пред тоа полицијата
трагаше по него. Тој беше спектакуларно уапсен во Белград, Србија. Но само по
неколку дена тој покажа документ дека е српски државјанин и не беше
екстрадиран.
На Даравелски и Доцевски им се судеше дека, според обвинението, ја оштетиле
државата за милионски суми денари. Се делеле пари за заеми на пријатели,
купувале автомобили со повисоки цени од реалните и делеле пари на луѓе што не
биле вработени во Царината. (К.М.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.